Rumi Architects & Builders

🏠 New Site

11 Marla House in Buch Villas Multan

🛏️5 Bedrooms
🛏️1 Severt Room
🛏️1 Study/Prayer Room
🛏️1 Store Room
🛁6 Modern Bath
🛁1 Powder Bath
🛋️1 Drawing Room
📺2 TV Lounge
🧑‍🍳2 Modern style kitchen
🚘1 Car Porch

📍Spanish Design House Situated on Prime Location of Buch Executive Villas Hamid Block Multan

📞Call us for detail info 📞
0306-7763401

پلستر کی ضروری معلومات:

پلستر سے پہلے الیکٹریشن، اے سی اور پلمبر کا تمام کام لازم ختم کروا لیں۔ تمام پائپ، لیور، والو کو پلاسٹک سے کور کروائیں تاکہ مصالحہ اندر نہ جائے اور اوپر بھی نہ جمے۔

باتھ روم اور کچن کے روشن دان چیک کر لیں۔ ایگزاسٹ فین کے لکڑی کے فریم لگے ہوں۔

دروازوں کے فریم ہر طرح سے چیک کریں کہ صحیح حالت میں سیدھے نصب ہیں۔

کھڑکیوں کی سیفٹی گرل تیار موجود ہونا چاہئے۔ تمام کھڑکیوں کے سائز چیک کر لیں۔

سب سے پہلے پلستر ہونے والی سطح تیار کروائیں۔ زیادہ باہر نکلی اینٹوں اور جمے مصالحے کو ہتھوڑی سے تڑوا دیں اور تمام بڑے کھڈے اینٹوں کے ٹکڑوں سے بھروا دیں۔ دیوار کی رف سائیڈ کو لیول کرنا زیادہ اہم ہے۔ کھڑکیوں اور دروازوں کے اوپر والے کنکریٹ بیم کی ملائم سطح کو ہتھوڑی سے رف کروائیں تاکہ اس پر پلستر پکڑ کرسکے۔ شٹرنگ کے دوران باقی رہ گئی تاریں کٹوائیں اور لکڑی کے ٹکڑے نکلوائیں۔

چنائی اور لینٹر کے جوڑوں کی باہر والی افقی سطح پر چکن جالی لگوائیں تاکہ پلستر بعد میں کریک نہ ہو جائے۔

ایک دن پہلے دیوار کی اچھی طرح ترائی کروائیں۔ پلستر سے پہلے پھر ترائی کروائیں۔

تمام دیوار چیک کریں کوئی بھی دوم اینٹ نظر آئے تو اسے تڑوا کر اس کی جگہ دوسری لگوائیں۔ ہر قسم کی چنائی مکمل ہو۔

تمام سطح پر خالص سیمنٹ کا تیز نیرو لگوائیں۔

زیادہ موٹی یا بہت باریک ریت استعمال نہ کریں۔ ریت میں مٹی بلکل نہ ہو۔ ریت گیلی نہ ہو۔ ریت کو جالی سے فلٹر کروائیں۔

ایک چار کا مصالحہ بنوائیں۔
مصالحہ بنانے سے پہلے ریت اور سیمنٹ کے خشک مکسچر کی کم سے کم تین بار کلٹی لگوائیں۔ خشک مصالحہ بلکل مکس ہو جائے۔ مصالحہ بلکل صاف جگہ پر بنوائیں۔

ایک دن میں چار مرتبہ مصالحہ بنوائیں۔ ایک ہی مرتبہ بہت زیادہ مصالحہ بنوا کر زیادہ دیر تک نہ رکھیں۔

ایک پوری دیوار ایک دن میں بغیر جوڑ کے پلستر ہونا چاہیے۔

پلستر اوپر سے نیچے کی سمت کروائیں۔ سیمنٹ کی موٹائی تین سے چھ سوتر کے درمیان رہے۔

نیچے کے تین چار فٹ کے پلستر میں SRC سیمنٹ استعمال کریں۔

صرف اچھی بھاری لکڑی کے لوکل گرمالے ترکھان سے بنوا کر استعمال کریں۔ پلاسٹک یا چینی گرمالے استعمال کرنے والے مستری کو فارغ کر دیں۔

پلستر صرف مستری کرے مزدور نہیں۔
ناکارہ مستری کی فورا چھٹی کر دیں۔

ٹھیے لگوا کر ڈوری لگوائیں۔ پھر مصالحے کی چھاپ لگوائیں۔ نیچے گرنے والے مصالحے کو صاف رکھنے کا بندوبست کریں اور اسے بھی ساتھ ساتھ استعمال کروائیں۔

لیول چیک کرنے کے لیے ایلومینیم کی چپٹی استعمال کریں۔ لیول چیک کرنے کے لیے روشنی بلب کا استعمال کریں۔

روز کے روز نئے فوم استعمال کروائیں۔
استعمال شدہ فوم روز سائٹ سے غائب کروائیں ورنہ مستری وہی دوبارہ استعمال کر لیں گے۔

سیفٹی گرل اسی دن لگوا کر تمام نوکیں دھاریں بھی اسی دن میں لازم لگوائیں۔

گوہ کے سوراخ اسی دن بھروا کر پلستر برابر کروائیں۔

جہاں بعد میں ماربل پتھر ٹائل یا مولڈ لگنے ہیں وہاں پلستر کو اوپر سے رف کروا دیں۔ جیسے کچن اور باتھ روم یا فرنٹ ایلیویشن۔

پلستر کی ترائی اگلے دن سے شروع کریں اور مسلسل سات دن تک دن میں تین مرتبہ بلا ناغہ کریں۔

روز ہونے والے پلستر کا رقبہ اور میٹیریل کی مقدار چیک کریں۔ سیمنٹ زیادہ لگنے کا مطلب یہ نہیں کہ پلستر مضبوط ہو رہا ہے۔ ہو سکتا ہے کہ مستری اور مزدور میٹیریل برباد کر رہے ہوں۔

پلستر کا افقی و عمودی لیول اسی وقت چیک کر کے درست کروائیں۔
کمروں کے وتر یا گنیے بھی چیک کریں ورنہ فرش میں ٹائل سیدھی نہیں لگیں گی۔

کوشش کریں کہ کمرے کی اندرونی سطح پلستر ہونے کے دو تین دن کے اندر ہی بیرونی سطح بھی پلستر ہو جائے۔ اس سے دیوار میں بہت زیادہ مضبوطی آ جاتی ہے۔ اندر باہر کی ایک ساتھ ترائی سے دیوار لوہا ہو جاتی ہے۔

چھت پر اگر اندر کی طرف فالس سیلنگ لگنا ہے تو پلستر بلکل نہیں کروائیں۔ یہ پیسے ضائع کرنے والی بات ہو گی۔

اپنے منتخب کردہ پینٹر کو پلستر کے دوران پابند کریں کہ ہر روز صرف پانچ منٹ کے لیے آ کر گزشتہ دن کیا گیا پلستر چیک کر لے۔ بعد میں پینٹر برے معیار کا تمام ملبہ پلستر والے پر ڈال دے گا۔ 24 گھنٹے کے اندر اندر ناہموار، بھربھری یا ابھری جگہوں کو مرمت کروا لیں۔

نگرانی اصل کام ہے۔