Islaheeman

:اکبر نجیب آبادی اپنی کتاب قول حق امت مسلمہ کے زوال کے اسباب میں لکھتے ہیں کہ

اس بات کا فیصلہ کرنا بے حد دشوار ہے کہ ملت اسلامیہ کے حق میں پیشہ ور مولویوں کا گروه زیادہ موذی ہے یا دوکاندار پیروں کی جماعت زیادہ ہلاکت آفرین ہے۔ ایک طرف بھیڑیوں نے جبے اور عمامے سنبھال رکھتے ہیں تو دوسری طرف خون آشام چیتوں اور ریچھوں نے مصلوں اور تسبیحوں کی پناہ لے رکھی ہے اور اسلام کو سینہ فگار و زخم دار بنانے میں ایک دوسرے پر سبقت و فضیلت حاصل کرنا چاہتے ہیں۔ اکثر خانقاہیں بد چلنی اور بے حیائی کی درسگاہیں بنی ہوئی ہیں۔ اکثر پیروں نے ناچنے گانے والی فاحشہ عورتوں اور بے دین آوارہ نوجوانوں کی سر پرستی اپنے ذمہ لے رکھی ہے۔ ان کے تعویز گنڈوں اور ان کی شیطانی چالاکیوں نے مسلمانوں کو قرآن و حدیث اور اللہ و رسول کلام سے ہزار ہا فرسنگ دور ڈال دیا ہے۔ مسلمانوں کو مشرک بنانے اور پیر پرستی و گور پرستی کی لعنت میں گرفتار کرنے کے لیے ان بگلا بھگت پیران پارسا نے جو عظیم الشان کامیابی حاصل کی ہے وہ اولاد آدم کی بے عزتی کا نہایت ہی المناک مظاہرہ ہے۔ ان ظالموں نے اپنے نذرانوں اور چراغیوں کو مریدوں کی نماز ، روزہ، حج ، زکوۃ اور تمام تکلیفات شرعیہ کا کفارہ قرار دے دیا ہے۔ دنیا کا شریر سے شریر انسان اور چالاک سے چالاک بد معاش جن چالاکیوں ، فریبوں اور دھوکا بازیوں کو ایجاد و استعمال کر سکتا ہے ان سب کی مثالیں ان دوکاندار پیروں کے اعمال اور ان کی زندگیوں میں موجود مل سکتی ہیں۔ مسلمانوں کی آبادی کا نصف سے زیادہ حصہ ان پیروں کی اطاعت و پیروی میں عملاً حقیقتا اسلام سے بے تعلق اور نا آشنا ہو چکا ہے کہ اس میں سوائے اس اشتراک اور دعوائے اسلام کے اور کوئی اسلامی چیز نظرنہیں آتی۔

نبی کریم صلی اللّٰہ علیہ وسلم کو سحر زدہ ماننے والے کبھی ہدایت نہیں حاصل کرسکتے۔
قرآن کا فیصلہ

وَقَالَ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا’’ اور ظالموں نے ( مومنوں سے ) کہا تم ایک سحر زدہ انسان کے پیچھے لگ گئے ہو ‘‘
سورۃ فرقان

محمد رسول اللہ کے راستے سے منہ موڑنے والے غور وفکر کریں۔
القرآن
سورۃ نمبر 25 الفرقان آیت نمبر 27