Noor-e-Islam

ذرا مدینہ کا ایک منظر دیکھئے" مسجد نبوی کا منبر ہے اور جناب ابوبکر صدیق رضی اللہ عنہ خلافت کا منصب سنبھالنے کے بعد پہلا خطبہ دے رہے ہیں...
فرماتے ہیں کہ اگر میں صحیح چلوں تو میری پیروی کرو اور اگر میں قرآن و سنت سے ہٹ کر راہ اپناؤں تو مجھے روک دو " کیسا منظر ہے کہ معیار ابوبکر صدیق رضی اللہ عنہ نہیں بلکہ قرآن اور سنت ہیں..سیدنا ابوبکرصدیق کے شخصیت کو ایک طرف رکھ دیجئے اور عمل کو اسلام کی بنیاد پر پرکھئے.. یہ ہے کرنے کا کام جس کا حکم دیا گیا ہے"
پھر ایک اور منظر دیکھئے.. عمر ِ فاروق رضی اللہ عنہ مسجد نبوی میں کھڑے ہیں اور ایک نیا حکم جاری فرما رہے ہیں جو عورتوں کے حق مہر کے حوالے سے ہے" لوگوں کو پابند کررہے ہیں کہ وہ اتنی اتنی رقم سے زیادہ حق مہر نہ مقرر کریں " ایک بوڑھی عورت کھڑی ہوتی ہے اور سخت آواز میں اس شخصیت سے مخاطب ہوتی ہے جس کے رعب اور دبدبے سے شیطان بھی ڈرتے تھے " اے عمر ! تم کون ہوتے ہو اسے پابند کرنے والے جبکہ اللہ قرآن کی فلاں آیت میں اس چیز کی اجازت دیتا ہے کہ اگر انھیں خزانے بھی دیے جائیں تو کوئی حرج نہیں" اور جواب میں کوئی پولیس حرکت میں نہیں آتی ، کوئی ایجنسی اس خاتون کو نہیں اُٹھاتی ، کہیں یہ آواز نہیں اُٹھتی کہ تمھیں ہمت کیسی ہوئی بلکہ جناب عمر رضی اللہ عنہ نادم ہوتے ہیں" جواب میں فرماتے ہیں کہ اے لوگو ! اس معاملے میں ، میں غلط تھا اور یہ عورت ٹھیک ہے اور اپنا حکم واپس لے لیتے ہیں..
ذرا تصور کیجئے کہ شخصیت پرستی کے بت پر کیسی چوٹ ہے " یہ جو ہمارے لئے مشعل راہ ہے.. ہمارے سامنے خواہ بہترین انسانوں میں سے ایک بہترین انسان ہی کیوں نہ ہو ، معیار قرآن و سنت ہی رہے گا " یہ ہے وہ حل جو اسلام اس فطری کمزوری پر غالب آنے کیلئے دیتا ہے"جن کے سامنے سوال اٹھایاگیاوہ حکمران ظالم بھی نہ تھے پھر بھی لوگوں نے خلیفا وقت کے سامنےحق بات کہی۔
اپنے حق کی بات کرنا اور مطالبہ کرنا فتنہ یا انتشار نہیں۔فتنہ ، انتشار تو وہ لوگ پیدا کرتے ہیں جو دوسروں کے حقوق پر ڈاکا ڈالتے ہیں ان پر بے جا ظلم کرتے ہیں۔اگر ایسے ظالموں کے سامنے حق بات کہی جاۓ تو یہ افضل جہاد ہے اور اس راہ میں مارا جانے والا شہید ہے۔✍️📖