Abbas Raza Official

جب میں ایک میڈیکل کمپنی میں کام کرتا تھا اور ہمارے باس یا مینیجرز سیلز کے نمبرز پر ہمیں ڈانٹ دیتے تھے یا غصہ کرتے تھے تو ہمیں وہ سب بہت برا لگتا تھا۔ ہمیں لگتا تھا کہ بس ہم پر ہی پریشر ڈالا جا رہا ہے… اور شاید وہ ضرورت سے زیادہ سختی کر رہے ہیں۔ اُس وقت اُن کی باتیں ہمیں صرف لیکچر لگتی تھیں۔

لیکن آج، جب میں خود CEO بنا ہوں… تو مجھے اصل حقیقت سمجھ آئی ہے۔

پریشر ہمیشہ اوپر سے نیچے آتا ہے۔ اور جو شخص درمیان میں ہوتا ہے، وہ سب سے زیادہ دباؤ برداشت کرتا ہے۔

آج مجھے بھی کلائنٹس کی باتیں سننی پڑتی ہیں۔ کبھی کبھی ایسی باتیں جو دل پر لگتی ہیں۔ ڈیڈ لائنز کا دباؤ، پیمنٹس کے مسائل، بڑی بڑی ایکسپیکٹیشنز — سب کچھ ایک ساتھ ہوتا ہے۔ لیکن اس کے باوجود میں کوشش کرتا ہوں کہ اپنی ٹیم تک وہ سارا پریشر نہ پہنچنے دوں جو مجھے برداشت کرنا پڑتا ہے۔ میں چاہتا ہوں اُن تک صرف کام پہنچے، دباؤ نہیں۔

اور پھر بھی… اگر تھوڑی سی سختی کر دوں تو ٹیم کو لگتا ہے کہ باس برا ہے۔

آج مجھے اپنے پرانے باسز کی باتیں یاد آتی ہیں۔ وہ کہتے تھے:
“ہم تمہیں اتنا پریشر نہیں دیتے جتنا ہمیں ملتا ہے۔”
اُس وقت ہمیں یہ بات مذاق لگتی تھی۔ مگر آج سمجھ آتا ہے کہ وہ بالکل درست کہتے تھے۔

اس لیے اگر آپ کسی کے ماتحت کام کرتے ہیں تو صرف اپنی طرف مت دیکھیں۔ اپنے باس کی مجبوری کو بھی سمجھیں۔ وہ بھی ایک انسان ہوتا ہے۔ اُس پر بھی ذمہ داریاں ہوتی ہیں۔

اپنے باس کا ساتھ دیں، مخلص رہیں، اور اُس کے کام کو اپنا کام سمجھیں۔

ان شاء اللہ، جب نیت صاف ہو اور ٹیم ورک مضبوط ہو تو کامیابی ضرور ملتی ہے۔

پچھلے 6 سالوں سے میں ایک چیز مسلسل نوٹ کر رہا ہوں کہ پاکستان میں ہر دوسرا شخص “CEO” بننا چاہتا ہے۔
کئی لوگوں کو دیکھا ہے کہ صرف 2 یا 3 ماہ ویڈیو ایڈیٹنگ سیکھنے کے بعد وہ خود کو ماہر سمجھنے لگتے ہیں، فوراً ایڈیٹرز ہائر کرتے ہیں اور خود تیسری پوزیشن پر بیٹھ جاتے ہیں۔

نتیجہ کیا ہوتا ہے؟
کلائنٹ کو کوالٹی ورک نہیں ملتا، پراجیکٹس متاثر ہوتے ہیں، اور آہستہ آہستہ پاکستان کا نام بھی خراب ہوتا ہے۔

میں پچھلے 6 سے 7 سال سے فری لانسنگ کر رہا ہوں، اور تقریباً 4 سال سے اپنا آفس چلا رہا ہوں۔ لیکن آج بھی میں خود پریکٹس کرتا ہوں، خود کلائنٹس کے پراجیکٹس پر کام کرتا ہوں، اور اپنی ٹیم کو ساتھ ساتھ سکھاتا بھی ہوں تاکہ ان کی اسکلز روز بروز بہتر ہوں۔

لیڈر بننے سے پہلے ماسٹر بننا ضروری ہے۔
اگر آپ خود مضبوط ہوں گے تو آپ کی ٹیم بھی مضبوط ہوگی۔

میری سب سے گزارش ہے:
دوسروں کے سہارے مت رہیں، پہلے خود کو اس قابل بنائیں کہ آپ کسی بھی وقت خود میدان میں اتر سکیں