Da Regi Awaz

موٹر وے ایم ون پر پیش آنے والے ایک افسوسناک ٹریفک حادثے میں سابق سینیٹر تاج محمد آفریدی جاں بحق جبکہ ان کا ڈرائیور زخمی ہو گیا۔

موٹر وے پولیس کے مطابق حادثہ کرنل شیر خان انٹرچینج کے قریب پیش آیا، جہاں تاج محمد آفریدی کی گاڑی حادثے کا شکار ہوئی۔ حادثے کے نتیجے میں سابق سینیٹر موقع پر ہی دم توڑ گئے، جبکہ زخمی ڈرائیور کو فوری طور پر قریبی اسپتال منتقل کر دیا گیا۔

پولیس کا کہنا ہے کہ تاج محمد آفریدی اسلام آباد سے پشاور جا رہے تھے۔ ابتدائی تحقیقات کے مطابق حادثہ گاڑی میں ممکنہ مکینیکل خرابی کے باعث پیش آیا۔

تاج محمد آفریدی 2015ء سے 2021ء تک سینیٹر رہے اور ملکی سیاست میں ایک فعال کردار ادا کرتے رہے۔ ان کے انتقال کی خبر پر سیاسی و سماجی حلقوں میں افسوس کا اظہار کیا جا رہا ہے۔

Disclaimer: This report is based on publicly available statements and media reports.