Orakzai Rights Movement -ORM".

اورکزیی رائٹس موومنٹ کی طرف سے تمام مسلمانوں کو عید الفطر بہت بہت مبارک

قوم فیروزخیل کے معزز قبیلہ سرندخیل نے جس طرح انسانیت، اخوت، اتفاق اور اتحاد کی شاندار مثال قائم کرتے ہوئے ہمارے محترم صدر صفی اللہ اورکزئی کے علاج و معالجے کیلئے دس لاکھ روپے نقد امداد فراہم کی ہے، وہ واقعی قابلِ فخر اور قابلِ تقلید عمل ہے۔ اس مشکل گھڑی میں جس طرح آپ سب نے اپنے بھائی کا درد محسوس کیا اور عملی طور پر ساتھ کھڑے ہوئے، یہ قبائلی روایات، بھائی چارے اور انسان دوستی کی زندہ تصویر ہے۔
ہم دل کی گہرائیوں سے قوم فیروزخیل اور بالخصوص قبیلہ سرندخیل کے ہر فرد کے شکر گزار ہیں۔ آپ لوگوں نے ثابت کر دیا کہ مشکل وقت میں ایک دوسرے کا سہارا بننا ہی اصل غیرت، اصل انسانیت اور اصل قبائلی اقدار اور اصل اسلام ہیں۔ اللہ تعالیٰ آپ سب کے مال و جان میں برکت عطا فرمائے، آپ کی اس نیکی کو قبول فرمائے اور آپ کو دنیا و آخرت میں اس کا بہترین اجر عطا کرے۔
ہم دعا گو ہیں کہ اللہ تعالیٰ صدر صفی اللہ اورکزئی کو جلد مکمل صحت عطا فرمائے اور ہم سب کو اسی طرح محبت، اتحاد اور بھائی چارے کے ساتھ جوڑے رکھے۔ آمین۔
منجانب اورکزئی رائٹس موومنٹ ۔ORM

آپ سب کو معلوم ہے کہ ہماری تنظیم کے سابقہ صدر صفی اللہ اورکزیی اس وقت شدید علیل ہیں اور ہسپتال میں زیرِ علاج ہیں۔ یہ بھی سب جانتے ہیں کہ صدر صاحب نے ہمیشہ اپنی قوم اور اپنے علاقے کی ترقی اور خوشحالی کیلئے دن رات محنت کی ہے، ہر مشکل وقت میں اپنی قوم کے ساتھ کھڑے رہے اور اپنی ذات سے بڑھ کر اجتماعی مفاد کو ترجیح دی۔
آج جب وہ بیماری کے اس کٹھن مرحلے سے گزر رہے ہیں اور علاج پر بہت زیادہ اخراجات آرہے ہیں، تو ہم سب دوستوں اور ساتھیوں نے باہمی مشاورت کے بعد یہ فیصلہ کیا ہے کہ ہم اورکزیی قوم اپنی استطاعت کے مطابق ان کے علاج کیلئے مالی تعاون کریں گے۔ کیونکہ جس شخصیت نے پوری زندگی قوم کیلئے وقف کی ہو، اس کے مشکل وقت میں خاموش رہنا ہم سب کیلئے مناسب نہیں۔
ان کے اہلِ خانہ اور رشتہ داروں نے بار بار یہ کہا کہ وہ اپنی زمین اور جائیداد بھی فروخت کرکے علاج کرائیں گے اور کسی کو تکلیف نہیں دینا چاہتے، مگر ہم نے نہایت ادب اور احترام کے ساتھ انہیں عرض کیا کہ ہم مانتے ہیں صفی اللہ صاحب آپ کے خاندان کے فرد ہیں، لیکن وہ ہم سب اورکزییوں کے بھی بھائی اور خاندان کے رکن ہیں۔ اس لئے ان کے علاج اور دیکھ بھال کی ذمہ داری ہم سب پر برابر عائد ہوتی ہے۔
ہم ایک بار پھر ان کے عزیز و اقارب سے معذرت خواہ ہیں اور گزارش کرتے ہیں کہ ہمارے اس جذبے کو قبول کریں۔ یہ صرف مالی تعاون نہیں بلکہ محبت، اخوت، اتحاد اور قومیت کا اظہار ہے۔ ایسے مواقع پر ایک دوسرے کا ساتھ دینا ہی قوموں کو مضبوط بناتا ہے اور دلوں کو جوڑتا ہے۔
اللہ تعالیٰ سے دعا ہے کہ صدر صفی اللہ اورکزیی کو جلد مکمل صحت عطا فرمائے اور وہ ایک بار پھر ہمارے درمیان آکر اپنی قوم اور علاقے کی خدمت کا سفر جاری رکھیں۔
آمین۔
منجانب اورکزیی رائٹس موومنٹ ORM

آج اپر تحصیل حادیزئی علی حیل جابر نامی مائننگ بلاسٹ سے ایک پاؤں سے محروم ہوگیا۔
اپر اورکزئی میں جگہ جگہ بچھائی گئی بارودی سرنگیں عوام کے
لیے مسلسل خطرہ بنی ہوئی ہیں۔ آئے دن معصوم شہری ان دھماکوں کا نشانہ بن رہے ہیں۔ یہ کوئی نیا مسئلہ نہیں بلکہ ماضی میں بھی کئی افسوسناک واقعات پیش آ چکے ہیں جن میں لوگوں نے اپنی جانیں اور اعضا کھوئے ہیں۔
ہم ریاستی حکام سے اپیل کرتے ہیں کہ خدارا اس سنگین انسانی مسئلے کو سنجیدگی سے لیا جائے۔ فاٹا کے علاقوں میں ہزاروں افراد مائنز کا شکار ہو چکے ہیں، لیکن اب تک عملی اور مؤثر اقدامات نظر نہیں آ رہے۔
ہم اورکزئی کے منتخب نمائندوں، وفاقی اور صوبائی حکومت،ضلعی انتظامیہ اور متعلقہ اداروں سے مطالبہ کرتے ہیں کہ اس مسلے پر فوری نوٹس لیا جائے، متاثرہ علاقوں کی مکمل نشاندہی کی جائے اور ہنگامی بنیادوں پر بارودی سرنگوں کی صفائی کا عمل شروع کیا جائے، تاکہ مزید حادثات سے بچا جا
سکے اور عوام کو محفوظ زندگی فراہم کی جا سکے۔