Baloch Students Action Committee

جہد پہ زانشت ءُ یکمشتی ءَ

دومی بنجاہی کمیٹی دیوان ءَ گل کاری ءِ تہ ءَ بنجاہی سنگتانی تران:

“بلوچ راجمان یک انچیں نازُرکیں وھدے ءَ چہ گوزگ ءَ اِنت کہ انوں نودربر سیاست ءُ مئے ھمک کسانیں سیاسی کار ءُ پروگرام اے پیسلہ ءَ کنت کہ ما آؤکیں وھد ءَ بلوچ راجمان ءَ زانشتی ءُ سیاسی چاگرد ءِ دروشم ءَ کجام آسر ءُ گہتری ءِ نیمگ ءَ آورت کنیں۔ بازبراں ورنا ءُ وانندگیں تبک ءِ تہ ءَ اے گڑءُ منجی ودی بیت کہ جاور سازگار نہ اَنت بلے بن اسل ءَ دنیا ءِ گوستانک اے گپ ءِ پدرائی ءَ کنت کہ ہمک دور ءُ باریگ ءَ پہ ہمک راج ءُ راجمان ءَ اے وڑیں جنجال ءُ جیڑہ اتکگ اَنت بلے آہاں وتی ہاٹیگ دور نہ داتگ اَنت بلکیں اوشتاتگ ءُ جہد اِش کتگ ءُ ہمے یکشلیں جہد ءِ برورد ءَ سوبینی آہانی باندات بوتگ۔ اے پہ مارا نوکیں جاورے نہ یے ءُ ناکہ دنیا ءِ تہ ءَ یک ءُ جتائیں جاورے بلکیں ہمک راجمان وڑے ناں وڑے ءَ گپچلے ءِ آماچ اِنت بلے منگ اِش بیت کہ انسان ہمے اڈانداں چوں چار ایت ءُ چوں عمل کنت۔ نودربر ہمک وہد ءَ جیڑہانی آماچ بنت ءُ ہمے عمل ءُ جہد کنگ ءِ سکین اِنت کہ انسان ءَ دیم ءَ جُنزگ ءُ سوبین بیگ ءِ مانزمان بیت۔ بلوچ نودربراں ہم اے ہاٹیگ چہ ودی بیگ ءِ روچ ءَ گون اِنت بلے آہاں دیرچاری ءَ گوں دیم ءَ جُنزگی اِنت۔ پمیشکا بلوچ نودربراں وتی وانگ، جیڑگ ءُ عمل ءَ گیش مہکم کنگ لوٹ ایت ءُ نودربری وانگی جیڑہاں ہوار راجمان ءِ ہمک زانشتی، ربیدگی، سیاسی، لبزانکی ءَ ہوار ایدگہ پِڑاں باسما بیگ ءُ وتی راجمانی بھرشت دیگی اِنت دانکہ ما یک بودناکیں پدریچے جوڑ کنگ ءَ سوبین بہ بیں۔”
_________________________________________

جہد چاہنداری و سیوتی کن
ارٹمیکو بنجائی کمیٹی دیوان گل کاری ئٹ بنجائی سنگت آتا تران:

“بلوچ چاگڑد اسہ ہندن ءُ نازرک ءُ وخت ئسے آن تدینگ ئٹی ءِ کہ داسا خوانندہ سیاست و ننا ہر چنکا سیاسی کاریم و پروگرام دا فیصلہ کیرہ کہ نن بروکا وخت ئٹی بلوچ چاگڑد ءِ علمی و سیاسی چاگڑد ئسے نا دروشم ئٹ ہراڑسکان و امر جوانی نا پارہ غا دننگ کینہ۔ بھاز وار ورنا و خوانندہ ٹولی تیٹی دا فریشانی ودی مریک کہ حالیت آک بے وڑ ءُ ولے گواچن ئٹ جہانی دیہاڑ دا ہیت ئنا شاہدی ایتک کہ ہر دور و وخت ئٹی ہر راج و چاگڑد کن دا وڑ ئنا اڑ و جنجال بسنے ولے اوفک تینا کوشست ءِ یلہ کتنو بلکن سوگوی ئٹ سلوک مسنو و جہد ءِ ترند کرینو و ہندا اسہ وڑ ئنا جہد و کوشست آتا سوب سرسہبی اوفتا بخت ئٹ مسنے۔ دا نن کن پوسکنو حالیت اس افک و نئے کہ جہان ئٹی دا پوسکنو حالیت ءُ بلکن ہر چاگڑد وڑ نا وڑ ئسے ئٹ فریشانی نا گواچی ءِ ولے دا مننگک کہ بندغ دا ہڑاند آتے امر ارک و امر ایسر کیک۔ خوانندہ غاک ہر وخت ویل آتا گواچی مریرہ و ہندا عمل و جہد کننگ نا تحریک ءِ کہ ہرا بندغ ءِ مونی ہننگ و سرسہب مننگ نا ضمانت ایتک۔ بلوچ خوانندہ آتیٹی ہم دا ہمت ودی مننگ نا دے آن ساڑی ارے ولے اوفتے مر ہرسا مستی گامگیج کروئی تمک۔ ہندا خاطران بلوچ خوانندہ آتے تینا خواننگ سوچ و عمل ءِ پین ترند کروئی ءِ و خوانندہی ویل آتے تون اوار چاگڑد نا ہر علمی ثقافتی سیاسی ادبی و ایلو شعبہ غاتیتی متحرک مرسا تینا چاگڑدی بشخ ءِ شاغوئی ءِ تانکہ نن اسہ لائخ ءُ پدریچ اس تیار کننگ ئٹی سرسہب مرین۔”

بلوچ اسٹوڈنٹس ایکشن کمیٹی

جہد پہ زانشت ءُ یکمشتی ءَ
دومی بنجاہی کمیٹی دیوان ءَ بنجاہی سنگتانی نگدی بہر ءَ تران:

“نگدی عمل ءِ تہ ءَ نہ تہنا گوستگیں نزوری دیم ءَ کاینت بلکیں آوانی نزور بوگ ءِ کُلیں سوب ءَ ہوار آوانی دیمترءَ شوک ءُ گہتر بوگ ءِ نوکیں ترز ءُ ھیال اوں ودی بنت کہ ادارہاں گیش مہکم کنان کن اَنت۔ نگد ءُ وت نگدی بہر ءِ نہ بیگ ادارہاں اوشت ءِ آماچ کنان ءَ آوانی نوکیں ھیال، ساچشت، پگر ءُ شعور ءَ چہ بُن ءَ ولگوج کنان کنت، پمیشکہ ما گندیں کہ ھر ھما اداراہ ءَ کہ نگد ءِ رواج کم بوتگ گڑا آ ادارہ ہست ءِ مُجاں گار بوتگ اَنت۔ پمیشکہ مئے ھمک سنگت چہ بنزہی باسک ءَ بگر داں بنجائی سنگت ءَ بیا کُل ھمے نگدی عمل ءَ چہ وت ءَ بہ گوازین اَنت دانکہ ھما عمل ءُ ہیال کہ گل ءِ کارانی دیم ءَاڑاند بوگ ءَ اَنت آ دارگ ءُ ھلاس کنگ بہ بیت۔”
—————————————————————————-

جہد چاہنداری و سیوتی کن
ارٹمیکو بنجائی کمیٹی دیوان ئٹ بنجائی سنگت آتا نگد ئنا زی آ تران:

“نغدی عمل ئٹی نہ بیرہ تدوکا نزوریک مون آ بریرہ بلکن اوفتا نزور مننگ نا کل سوب آتیتون اوار بروکا وخت ئٹ اوفتا جوان مننگ کن پوسکنو ترزکار و خیال آک ودی مریرہ ہرا ادارہ غاتے پین سوگو کیرہ۔ تنقید و خود تنقید نا بشخ آتا مفننگ ادارہ غاتے سلفک و اوفتیٹی پوسکنو خیال، تخلیق فکر و شعور ءِ روتہ غاتیان ایسر کیک۔ ہندا خاطران نن خنینہ کہ ہرا ہم ادارہ ٹی نغد نا دود کم مس گڑا او ادارہ غاک وخت ئنا دنز ئٹی اودیم مسر۔ ہندا خاطران ننا ہر سنگت ءِ بنداوی باسک آتیان ہلیس بنجاہی سنگت آتے اسکان تینے دا نغدی عمل آن گدریفوئی تمک تانکہ ہمو عمل و خیال آک ہراکہ تنظیم نا کاریم تا کسر ئٹ ہڑاند مننگ ئٹی ءُ اوفتے توننگ و ایسر کننگ مرے۔”

بلوچ اسٹوڈنٹس ایکشن کمیٹی

جہد پہ زانشت ءُ یکمشتی ءَ
دومی بنجاہی کمیٹی دیوان ءَ کماش اُزیر ءِ تران:
“ورنا یک راجے ءِ ہمک جیڑہانی توجیل سازی ءَ پہ اولی سرپ ءَ اوشتوکیں تبکے زانگ بیت، دنیا ءِ گوست ءَ بہ گِر داں ہستیں دور ءِ ورنائیں پدریچ ءَ بیا، ہمک باریگ ءَ ورنایاں وتی راجمان ءِ سِنگارگ ءُ چہ بدیاں رکینگ ءِ ہاتر ءَ پاسپان ءِ کردارے پیلو کتگ۔ اے ہستیں دور ءَ دنیا ءِ ہما ورنا کہ وتی راجی چِست ءُ ایراں گوں دل ءُ جان ہوار اَنت، اے آہانی سِنچ ءُ سما ءَ پد عمل کنگ ءِ ابرمی بود ءِ چہرگ اِنت۔ ہمے پیم بلوچ ورنا ہم چرے سنچ ءُ بودناکی ءَ پُشت نہ اَنت بلکیں آ ہم زانت ءُ زانشتی دروشم ءَ گام جنان اَنت ءُ پہ وتی راجمان ءَ جہد کنگ ءَ اَنت۔ بلے پدریچ ءِ تہ ءَ جتائیں سِلکاری ءُ بے جوہری ہم گِندگ بیت کہ چرے بے جوہریاں ما دست ء وت وتی راجمان ءَ تاوانبار کنگ ءَ ایں، پمیشکا ہمک بلوچ ورنا ءَ لوٹ ایت کہ آ وتی جِند ءَ ناں تہنا بہ زانت ءُ سرپد بہ بیت بلکیں شیواری ءَ گوں وتی کش ءُ گور ءِ مردماں چہ ہمک ڈولیں سلکاریاں بہ رکین ایت ءُ وتی تہ ءَ ہمت ءُ توکل ءِ جزبگاں مہکم کنان ءَ گوں زانت ءُ زانشت ءَ راجمان ءِ ہمک جیڑہانی سر ءَ عمل بہ کنت۔”

بلوچ اسٹوڈنٹس ایکشن کمیٹی