KJM POINT

افسوس کے ساتھ یہ ویڈیو شیئر کرنی پڑ رہی ہے۔
یہ ویڈیو گورنمنٹ بوائز مڈل اسکول تنگی سر، ضلع موسیٰ خیل کی ہے، جو اس علاقے کا واحد تعلیمی ادارہ ہے۔ تقریباً 70–80 بچے یہاں اپنے روشن مستقبل کے خواب لے کر آتے ہیں، مگر اسکول کی حالت انتہائی تشویشناک ہے۔
🔹 اسکول کا گیٹ اور دروازے ٹوٹ چکے ہیں
🔹 اساتذہ کے لیے مناسب کرسیاں موجود نہیں
🔹 بچے آج بھی ٹاٹھوں اور چٹائیوں پر بیٹھ کر تعلیم حاصل کرنے پر مجبور ہیں
🔹 پانی اور واش روم کی کوئی مناسب سہولت نہیں
یہ بچے غریب گھرانوں سے تعلق رکھتے ہیں، جہاں دو وقت کی روٹی کا انتظام بھی مشکل ہے۔ ایسے میں وہ کہیں اور تعلیم حاصل کرنے کا سوچ بھی نہیں سکتے۔
یہ علاقہ تقریباً 3_4 ہزار افراد پر مشتمل ہے، اور یہی ایک اسکول ہے۔ آخر یہ بچے کہاں جائیں؟ کیا ان کے خوابوں اور مستقبل کی کوئی اہمیت نہیں؟
یہ اسکول مین روڈ پر واقع ہونے کے باوجود حکومتی توجہ سے محروم ہے۔
🙏 ہم حکومت بلوچستان، وزیر تعلیم اور متعلقہ حکام سے پرزور اپیل کرتے ہیں کہ فوری نوٹس لیا جائے اور اس اسکول کی حالت بہتر بنائی جائے تاکہ بچوں کا مستقبل محفوظ ہو سکے۔
📲 میڈیا، صحافیوں اور سماجی کارکنوں سے گزارش ہے کہ اس پیغام کو زیادہ سے زیادہ شیئر کریں تاکہ یہ آواز حکام تک پہنچ سکے۔
🖋محمددین ایسوٹ

موسیٰ خیل
محلہ جعفرآباد، موضع درگی میں گھروں میں پانی داخل

شدید بارش کے باعث محلہ جعفرآباد، موضع درگی میں پانی گھروں کے اندر داخل ہو گیا ہے۔ گلیوں اور گھروں میں پانی بھر جانے کی وجہ سے مقامی لوگوں کو شدید مشکلات کا سامنا ہے۔ خواتین، بچے اور بزرگ خاص طور پر متاثر ہو رہے ہیں جبکہ لوگوں کی روزمرہ زندگی بھی بری طرح متاثر ہوئی ہے۔

علاقہ مکینوں نے متعلقہ حکام سے اپیل کی ہے کہ فوری طور پر نکاسیٔ آب کا مؤثر انتظام کیا جائے اور متاثرہ لوگوں کی مدد کے لیے ہنگامی اقدامات کیے جائیں۔ اگر بروقت اقدامات نہ کیے گئے تو صورتحال مزید سنگین ہو سکتی ہے۔

اہلِ علاقہ نے حکومت اور ضلعی انتظامیہ سے مطالبہ کیا ہے کہ جلد از جلد عملی اقدامات کیے جائیں تاکہ لوگوں کو اس مشکل صورتحال سے نجات دلائی جا سکے۔