YDA Rajanpur Official

پریس ریلیز ینگ ڈاکٹرز ایسوسی ایشن راجنپور

ینگ ڈاکٹرز ایسوسی ایشن راجنپور
بھکر میں لائے جانے والے مریض کی موت اور واقعہ کو ڈاکٹرز کی غفلت قرار دینا اور ذاتی مقاصد کے لیے اس کو مذہبی انتہا پسندی کا رنگ دینے کی کوشش کو نہ صرف مسترد کرتے ہیں بلکہ شدید الفاظ میں مذمت کرتے ہیں۔
ہم یہ سمجھتے ہیں کہ کسی بھی واقعہ یا حادثہ کے مختلف پہلو ہوا کرتے ہیں جب تک تمام تر پہلوؤں کا احاطہ نہ ہو اپنی رائے نہیں دینی چاہیے۔
بچی کے انتقال پر ہم لواحقین سے اظہار تعزیت کرتے ہیں اور ان کے لیے صبر کی دعا کرتے ہیں۔
لیکن افسوس 2 دنوں سے جس طرح ڈاکٹرز کے خلاف منظم طریقے سے کمپین چلائی جا رہی ہے نہایت افسوسناک ہے۔
حالانکہ ویڈیو میں بھی دیکھا جا سکتا ہے ایک منٹ کے اندر اُن کو ایمرجنسی کی طرف بھجا گیا۔
ینگ ڈاکٹرز اول دن سے ہی شفاف تحقیقات کا مطالبہ احکامِ بالا سے کر رہے ہیں اور شفاف تحقیقات کے لیے ہر طرح کا تعاون کرنے کے لیے بھی تیار ہیں۔
انتہائی دکھ کے ساتھ کہنا پڑ رہا ہے کہ اس واقعے کو چند ایک شہرت کے بھوکے اور دولت کے پجاری نام نہاد صحافی مکمل طور پر مذہبی رنگ دے کر عوام کے جذبات بھڑکا رہے ہیں۔
ہمارے پاس واضح ثبوت ہیں جس میں دیکھا جا سکتا ہے کہ کس طرح یہ صحافی لواحقین سے پریس کانفرنس میں واقعہ کربلا،سید زادی اور یزید جیسے الفاظ استعمال کرنے کا کہہ رہے ہیں اس سے واضح ہوتا ہے کہ صحافت کی یہ چند ایک کالی بھیڑیں کس طرح مذہبی کارڈ استعمال کر کے بھکر کا امن خراب کرنے پر تُلے ہوئے ہیں۔
ہم احکامِ بالا ڈی سی صاحب،ڈی پی او بھکر سے گزارش ہے کہ جلد از جلد اس مسئلے پر قابو پائیں ورنہ چند شر پسند عناصر کی وجہ سے بھکر کا امن تباہ ہو سکتا ہے۔
ہم یہ بات بھی واضح کر دینا چاہتے ہیں کہ سیاسی پوائنٹ سکورنگ اور معاملات کو ٹھنڈا کرنے کے لیے اگر کسی بھی ڈاکٹر یا ہسپتال کے عملے کو قربانی کا بکرا بنایا گیا تو یہاں سے اس کا بھرپور جواب دیا جائے گا بلکہ پنجاب بھر میں اس کے خلاف احتجاج کیا جائے گا۔
ہم حکومت پنجاب سے یہ مطالبہ کرتے ہیں کہ واقعہ کی ایک صاف اور شفاف انکوائری کرائی جائے اور انصاف پر مبنی رپورٹ کو جلد از جلد عوام کے سامنے لایا جائے بصورت دیگر ہم احتجاج کا حق محفوظ رکھتے ہیں۔
متحد رہیں ✊🏻
مضبوط رہیں💪🏻
ینگ ڈاکٹرز ایسوسی ایشن راجنپور 🚩