Raja.Informations

کراچی میں دن دہاڑے اسٹریٹ کرائم کی ایک اور واردات سامنے آگئی۔ ایک مسلح ڈاکو نے مصروف سڑک پر شہری کو اسلحہ کے زور پر روک کر اس کی موٹر سائیکل چھین لی۔ ملزم نے شہری کو زبردستی بائیک سے اتار کر پیچھے ہٹنے پر مجبور کیا اور چند ہی لمحوں میں موقع سے فرار ہو گیا۔ واقعے کی سی سی ٹی وی فوٹیج سوشل میڈیا پر وائرل ہو گئی ہے، جس کے بعد شہریوں میں خوف و ہراس پھیل گیا ہے۔ پولیس نے واقعے کا نوٹس لیتے ہوئے ملزمان کی تلاش شروع کر دی ہے۔

شہر کی ایک رہائشی گلی میں دن دہاڑے ایک ہوشیار چور نے چند سیکنڈ میں واردات کر کے فرار ہونے میں کامیابی حاصل کر لی۔ واقعے کی سی سی ٹی وی فوٹیج سامنے آ گئی ہے جس میں چور کی چالاکی صاف دیکھی جا سکتی ہے۔
فوٹیج کے مطابق ملزم پہلے گلی میں آ کر اردگرد کا جائزہ لیتا ہے۔ لوگوں کی موجودگی کے باعث وہ فوری کارروائی نہیں کرتا اور شک سے بچنے کے لیے قریبی گھر کے دروازے پر جا کر بیل بجانے کا ڈرامہ کرنے لگتا ہے۔
اسی دوران ایک خاتون وہاں سے گزرتی ہے، جس کے جانے کا انتظار کرنے کے بعد ملزم فوراً حرکت میں آتا ہے۔ وہ سامنے کھڑی نیلے رنگ کی کار کے پاس جاتا ہے اور چند ہی لمحوں میں اس کا سائیڈ گلاس توڑ دیتا ہے۔
واردات مکمل کرنے کے بعد ملزم اپنے ساتھی کے ساتھ موٹر سائیکل پر بیٹھ کر موقع سے فرار ہو جاتا ہے۔ پولیس نے واقعے کا نوٹس لے لیا ہے اور ملزمان کی تلاش شروع کر دی گئی ہے، جبکہ شہریوں کو ہدایت کی گئی ہے کہ وہ اپنی گاڑیاں محفوظ مقامات پر پارک کریں اور محتاط رہے