Frontier Digital

بنوں پولیس چوکی فتح خیل پر دہشتگردوں کے حملے سے متعلق اہم انکشافات سامنے آگئے ہیں، جبکہ واقعے کی تفصیلی رپورٹ سنٹرل پولیس آفس پشاور کو ارسال کر دی گئی ہے۔ رپورٹ کے مطابق 9 مئی کی رات تقریباً 8 بج کر 30 منٹ پر دہشتگردوں نے چوکی کے سامنے بارودی مواد سے بھری گاڑی دھماکے سے اڑا دی، جس کے نتیجے میں چوکی کی عمارت کو شدید نقصان پہنچا۔ حکام کے مطابق گاڑی میں 1200 سے 1500 کلوگرام تک بارودی مواد نصب تھا۔

رپورٹ میں بتایا گیا ہے کہ حملے میں ملوث دہشتگرد گروپ کی نشاندہی کر لی گئی ہے جبکہ بعض حملہ آوروں کا تعلق افغانستان سے بھی بتایا جا رہا ہے۔ دھماکے اور بعد ازاں فائرنگ کے تبادلے میں 15 پولیس اہلکار شہید جبکہ 3 زخمی ہوئے۔

حکام کے مطابق دھماکے کے فوراً بعد دہشتگردوں نے چوکی کے اندر داخل ہونے کی کوشش کی تاکہ وہاں موجود اسلحہ اور دیگر سامان اپنے ساتھ لے جا سکیں، تاہم پولیس کی بھرپور جوابی کارروائی کے باعث حملہ آور چوکی میں داخل نہ ہو سکے۔ سرچ آپریشن کے دوران شواہد سے معلوم ہوا ہے کہ پولیس فائرنگ سے متعدد دہشتگرد زخمی یا ہلاک ہوئے۔

رپورٹ کے مطابق فتح خیل چوکی گزشتہ پانچ ماہ کے دوران تقریباً 18 مرتبہ دہشتگردوں کے نشانے پر آ چکی ہے، تاہم اس سے قبل ہونے والے تمام حملے ناکام بنائے گئے تھے۔ حکام کا کہنا ہے کہ ماضی میں دہشتگرد چھوٹے ہتھیاروں کے ساتھ حملے کرتے تھے مگر اس بار بھاری مقدار میں بارودی مواد استعمال کیا گیا۔ مزید یہ بھی انکشاف ہوا ہے کہ حملے کے بعد دہشتگردوں نے چوکی کی طرف آنے والے راستوں پر ناکے بھی قائم کر رکھے تھے تاکہ امدادی کارروائیوں میں رکاوٹ ڈالی جا سکے

دیامر میں سکیورٹی فورسز کا کامیاب آ۔پ۔ر۔ی۔ش۔ن؛ کالعدم ٹ۔ی ٹ۔ی پ۔ی کے ک۔م۔ا۔ن۔ڈ
ر کا خفیہ ٹھکانہ اور د۔ہ۔ش۔ت۔گ۔ر۔د۔ی کا مرکز مکمل طور پر ت۔ب۔ا۔ہ کر دیا گیا۔

پی ٹی آئی، پ۔ی ٹ۔ی ا۔ی۔م اور ٹ۔ی ٹ۔ی پ۔ی ایک ہیں، مولانا ادریس کو فیلڈ مارشل کی تعریف کرنے پر نش۔انہ بنایا گیا۔ ایمل ولی خان