An-Najah Block

من جمع الخردة إلى الدكتوراه

"اسمي أحمد طلال العبد، عمري ٣٥ سنة من منطقة المنارة – عمّان

في الحارة بينادوني الدكتور أحمد تبع الخردة، واللقب هذا بالنسبة إلي صار وسام فخر مش مجرد اسم

كنت طالب صف تاسع، والظروف المعيشية كانت صعبة، فبدأت أشتغل بجمع الخردة في الحي حتى أقدر أساعد حالي وأهلي

ومع الوقت صرت معروف بالحارة، ينادوني بالمناسبات حتى أجمع علب الكولا الفاضية
بس للأسف، مع الشغل بطّلت أركّز على الدراسة، وصرت أروح المدرسة بس للحضور… لحد ما رسبت بالتوجيهي بكل المواد

لكن ما استسلمت
كبرت مشروعي وصار عندي "بِكَم" ومستودع، وبعد فترة صاروا ٣ بكمات ومستودع أكبر لجمع الخردة

بعمر الـ24، قررت قرار غيّر حياتي…

رجعت أقدّم التوجيهي من جديد، درست وتعبت على حالي، ونجحت بمعدل 78
ومن هون تولّد عندي طموح ما توقّف

قدّمت على الجامعات، وانقبلت في جامعة مؤتة، ودرست تخصص الجغرافيا، وأنهيت البكالوريوس بعمر الـ28
وكنت بعد الدوام الجامعي أرجع أشتغل بجمع الخردة

بس طموحي ما وقف هون، كملت ماجستير، وبعدها دكتوراه، والحمد لله اليوم أنا رسميًا الدكتور أحمد تبع الخردة

ما زلت أعمل في نفس مهنتي اللي بدأت منها، لكنها اليوم صارت رمز للتحدي والكرامة والعمل الشريف

أكتب هذه الكلمات لعلها توصل رسالة:
العمل مش عيب، العيب إنك توقف مكانك وتستسلم
العمل عبادة، والعمل طريق الراحة والنجاح

وما زلت مؤمن أن:
عملك هو فخرك، وثمرة تعبك هي عنوانك الحقيقي"

ما شاء الله ❤️

إلى كل من لم يحقق النجاح في التوجيهي هذا العام،

أعلم أن هذه اللحظة قد تكون صعبة ومحزنة، ولكن تذكروا أن الفشل هو جزء طبيعي من رحلة الحياة. ليس النجاح هو ما يحدد قيمتكم، بل قوتكم في مواجهة التحديات وإصراركم على المحاولة مرة أخرى.

التوجيهي ليس نهاية الطريق، بل هو محطة من محطات كثيرة في حياتكم. لديكم الفرصة الآن لتقييم تجاربكم والتعلم منها والمضي قدمًا نحو مستقبل أفضل.

ابحثوا عن شغفكم وحققوا أحلامكم، واعلموا أن النجاح الحقيقي يأتي من المثابرة والإيمان بالنفس. أنتم أقوى مما تظنون، وهذه اللحظة ستصبح قصة من قصص النجاح التي تروونها بفخر في المستقبل.

أتمنى لكم كل التوفيق والنجاح في محاولاتكم القادمة.

مع أطيب التمنيات،
احباب قرية العطارة .