El Basha Production

بسم الله،

يا جبريل…

لسّا بتذكر أول لحظة شفتك فيا بالمشفى،

عم اكتب لضل متذكر أول مرة فتحت عيونك
أول مرة حملتك
وأول مرة حلقتلك شعرك،
وأول مرة بدلتلك تيابك بإيدي.

بتذكر أول مشوار طلعناه سوا،
وأول مرة طعميتك بإيدي،
وأول مرة مسكت إيدك لتمشي.

وبتذكر اللحظة اللي تركت فيها إيدي…
ومشيت قدامي لحالك لأول مرة.

يا رفيقي..

بوعدك إني أكون سندك قبل ما أكون ابوك،
وأحاول أفهم قلبك وعقلك على قد عمرك.

بوعدك أربّيك على خوف الله،
وعلى حب الإسلام،
وعلى إنك تكون إنسان طيب قبل أي شيء.

إنسان أخلاقه تسبق اسمه،
وقلبه نظيف وين ما كان.

واليوم صار عندك كمان أمانة حلوة…
أختك الصغيرة

بدك تكبر وتكون سندها،
تحميها، وتوقف جنبها،
وتكون إلها الأخ اللي تفتخر فيه طول عمرها.

وإذا في شي واحد علّمتني ياه من أول يوم دخلت فيه حياتي…
فهو إن أجمل دور ممكن أعيشه بهالدنيا،

إني كون رفيقك 🤍