Penalti

Joze Mourinyo «Chelsi» bosh murabbiyligidan ozod etildi.

Londonning «Chelsi» klubi murabbiyi Joze Mourinyo o'z vazifasidan ozod etildi, deya xabar beradi Britaniyaning «BBC» media kompaniyasi.

Ushbu mavsumda «Chelsi» Angliya premyer-ligasida 16 ta o'yindan so'ng 15 ochko bilan turnir jadvalining naqd 16-pog'onasidan o'rin olgan.

Etiborli tomoni, o'tgan mavsumda klub milliy chempionat g'olibi bo'lgan edi. Mazkur natija uchun o'shanda jamoa mutasaddilari Mourinyoni 4 yillik yangi shartnoma bilan siylagandi.

Klubning rasmiy veb-saytida yangi murabbiy borasida bir to'xtamga kelinmaguncha bu mavzu haqida hech nima deyilmasligi aytilgan.

Ter Shtegen: Pikeni nohaq jazolashdi

Pike hakamni ogʻzaki haqorat qilgan deb topilib, 4ta oʻyinga chetlatilgan edi. Keyinchalik himoyachi baqirgani uchun uzr soʻragan, biroq hakamga nisbatan haqorat ishlatmaganini ta’kidlagan.

«Barselona» darvozaboni Mark-Andre ter Shtegen jazoni nohaq deya baholadi va Pikeni jamoada oʻrni bilinishini aytib oʻtdi:

«Nohaq jazo boʻldi» dedi nemis darvozaboni chorshanba kuni.

«Pike biz uchun juda ham muhim oʻyinchi, endi jamoada uning oʻrni bilinadi. Biroq biz uning oʻrnini bildirmaslikka harakat qilamiz.»

Ter Shtegen «Barselona»ning Ispaniya milliy chempionatida ishtirok etish ehtimoli kam, chunki murabbiy Luis Enriku 23 yoshli darvozabonni faqatgina kubok oʻyinlariga roʻyxatga kiritgan. Liga uchrashuvlariga Klaudio Bravo tanlangan.

«Borussiya Myunxengladbax»ning sobiq darvozaboni «Barselona»ning barcha musobaqalarida 1-raqamli darvozabon boʻlishga intilishini aytib oʻtdi:

«Asosiy darvozabon boʻlish uchun biz har kuni oʻz ustimizda judayam koʻp ishlaymiz, biroq buni murabbiy hal qiladi. Men ligada oʻynashni judayam xohlayman, lekin murabbiy qanday qarorga keladi buni koʻramiz.»

(Foto: Getty Images)