IZUBA RADIO TV

Mu rwego rwo gushyigikira gahunda yo gufatira ifunguro ku ishuri”School Feeding’’; mu karere ka Ruhango, Minisiteri y’Uburezi (MINEDUC) ifatanyije na Minisiteri y’Ubutegetsi bw’Igihugu (MINALOC) batangije ubukangurambaga bwo gushishikariza ababyeyi gutanga umusanzu wabo kandi ku gihe, urimo na gahunda y’ivunjafaranga.

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah yanenze abantu bakomeje kuza ku mbuga nkoranyambaga bagakwirakwiza ibinyoma no kubahuka abayobozi. Abinyujije kuri X, Minisitiri yavuze ko gukwirakwizwa ibinyoma no kubahuka abayobozi atari yo nzira nziza yo kubona ibyangombwa byo gutura i Burayi. Ati "Ibinyoma no kubahuka abayobozi bacu, sibyo bikora politike. Si nayo nzira ikwiye yo kubona ibyangombwa mu Burengerazuba bw'Isi. Iyo ubikoze, abaturage turakwamagana na Leta ikazakuduhera isomo." Ibi abitangaje nyuma y'uko mu ijoro ryakeye Baadrama yagiye ku mbuga nkoranyambaga agakora ikiganiro cyaranzwe no kubahuka abayobozi barimo Perezida Kagame.