ISIBO TV and RADIO

Polisi y'u Rwanda yatangiye kwambara impuzankano ziriho ikirango cy'ibendera ry'igihugu kiri mu mabara yijimye.

Ni ikirango kizajya kigaragara ku mpuzankano za polisi zisanzwe (combat uniforms), mu gihe izambarwa mu biro no mu birori (office and ceremonial uniforms) zo zizagumana ikirango cy'idarapo kiri mu mabara asanzwe.

Ni impinduka zatangiye gukurikizwa kuri uyu wa 27 Gicurasi 2026.

98.7FM

Steve Harvey uherutse mu Rwanda mu 2025 yaciye amarenga y'uko yumva yasura igihugu cya Uganda.

Mu ijoro rya tariki ya 26 Gicurasi 2026 abinyujije kuri konti ya X Steve Harvey yasangije abamukurikira ubutumwa bugaragaza ko Afurika ifite ibintu byinshi abantu bataramenya asaba abamukurikira kumubwira ahihariye abantu basura.

Uwitwa Mukisa yamubwiye ko Uganda ahantu heza yasura bitewe n’ingagi zaho, Ikiyaga cya Victoria, ubwiza bwa Uganda n’ibindi byinshi.

Steve Harvey yamusubije avuga ko ibyo abwiwe kuri Uganda yumva bidasanzwe bityo ko bimukuruye.

Mu Ugushyingo 2025 uyu munyarwenya akaba n’icyamamare mu biganiro byo kuri televiziyo muri Leta Zunze Ubumwe za Amerika, Steve Harvey yasuye u Rwanda anahura na Perezida Kagame.

98.7FM