VOP

سیاست پشتونوں پر نماز، روزے، زکوٰۃ اور حج کی طرح ایک فریضے کی شکل اختیار کر چکی ہے کیونکہ جب کسی قوم کے فیصلے اس کی اپنی مرضی سے نہیں ہوتے، جب وسائل پر اس کا اختیار کمزور ہو، جب اس کی شناخت، حقوق اور مستقبل مسلسل آزمائش میں ہوں تو وہاں خاموشی عبادت نہیں بلکہ غفلت بن جاتی ہے۔ ایسے حالات میں سیاست دراصل اپنی قوم، اپنے وطن اور اپنے آنے والے کل کی حفاظت کا نام بن جاتی ہے۔سیاست کا مطلب صرف الیکشن، اقتدار یا ایوانوں کی کرسی نہیں بلکہ شعور، تنظیم، اتحاد اور اجتماعی جدوجہد ہے۔ یہ وہ راستہ ہے جس کے ذریعے قومیں اپنے حق، اپنی عزت اور اپنی بقا کی جنگ لڑتی ہیں۔ پشتون معاشرے کے لیے آج سب سے بڑا سوال یہی ہے کہ کیا وہ تماشائی بن کر تاریخ کو دیکھتے رہیں گے یا خود تاریخ بنانے والے کردار بنیں گے؟ کیونکہ جو قومیں اپنی سیاست دوسروں کے رحم و کرم پر چھوڑ دیتی ہیں، وہ پھر صرف فیصلوں کا حصہ نہیں بلکہ فیصلوں کا نتیجہ بن جاتی ہیں۔ اس لیے آج ہر باشعور فرد کے لیے سیاست ایک فرض ہے، ایسا فرض جس سے انکار دراصل اپنے مستقبل سے انکار کے مترادف ہے۔ رفیع اللہ خٹک
゚