Tulip Flower

- مثل حلو اوي ( كُتر البُكا بيعلم القاسية )
اللي بيعيط بسببك دا يخليك تخاف ، تخاف من عياطه و احتياجه و انكساره ،، عشان بعد كل الضعف لما يفوق هيفوق و يتسند عـ نفسه و ساعتها هتبقي اول حد يستغنى عنه لأنك حتبقى وصلته لكده وساعتها حتى إهتمامك بيه مش حيفرق معاه لأنه حيبقى إهتمام متأخر قوي قعد سنين يستناه ويطلبه منك ---
القوي هو اللي بيحافظ عـ العلاقة (أيا كان نوعها إيه) مش اللي بيستقوى عـ اللي قدامه ، اوعى تفكر انك هتفضل قوي ع طول !!!!🥰
الدنيا دواره ولوكنت قوي النهارده حيجي يوم وتضعف وتبقى عايز اللي يسندك إعمل علشان اليوم دا....😊
فعلا " كُتر البُكا بيعلم القاسيه "
بلاش تقسوا عـ اللي معاكوا عشان هتتفجأوا لما الدنيا تدور ويزهقوا ويتعبوا وهما بيستحملو ويدارو حيتصرفو ازاي🙂
ماتقدمش قاسيه وتتطلب حنيه...ماتقدمش لامبالاه وتطلب اهتمام...ماتقدش هزار بيوجع القلب وتطلب مراعاة للمشاعر..... ماتقدمش كلام بيجرح وتطلب كلام معسول.... ماتقدمش حرمان وتطلب حب....ماتقدمش خيانة وتطلب احترام و وفاء....زي ماهتدي زي ماحتاخد ..😊😊😊
وإسأل نفسك خمس أسئله حتعرف لو كنت قاسي أو لأ☺️
لما بيتألم أو يتوجع نفسيا بتواسيه؟؟
لما بيمرض بتعتني بيه وبتراعيه؟؟
لما بيبكي بتمسح دموعه وتقله ماتعيطش انا جنبك ومعاك؟؟
لما يحتاجك بيلاقيك جنبه ومعاه سند وظهر؟؟
عمرك ماخنت ثقته فيك وكسرته؟؟
إذا كانت إجاباتك لأ يبقى ببساطه محتاج تراجع حساباتك مع نفسك قبل الوقت مايعدي🫠