Arab Updates

السلام علیک یا رسولَ الله،
السلام علیک یا نبیَّ الله،
السلام علیک یا حبیبَ الله،
السلام علیک یا سیّدَ المرسلین۔

ایک پاکستانی صفائی کارکن مکہ میں عاجزی کے ساتھ اللہ سے دعا کر رہا تھا کہ اسے رزق عطا کرے، کیونکہ اس کے اپنے وطن میں قرضے بڑھ چکے تھے۔
پھر اس کی ویڈیو وائرل ہو گئی، جس کے بعد حرمین شریفین کی سرزمین کے ایک مخیر شخص نے اس سے رابطہ کیا۔ اس کی حالت جاننے کے بعد اُس نے اس کے تمام قرضے مکمل طور پر ادا کرنے کا فیصلہ کر لیا۔
جب اس سے اس دعا کے بارے میں پوچھا گیا تو اس نے بتایا کہ وہ وہی رزق والی دعا مانگ رہا تھا جو رسولِ خدا ﷺ نے اس وقت مانگی تھی جب آپ کے پاس ایک مہمان آیا تھا۔
نبی کریم ﷺ نے اپنی ازواجِ مطہراتؓ کی طرف کھانا طلب کرنے کے لیے پیغام بھیجا، لیکن انہوں نے عرض کیا کہ ان کے پاس کچھ نہیں ہے۔
تب آپ ﷺ نے دعا فرمائی:
"اے اللہ! میں تجھ سے تیرے فضل اور تیری رحمت کا سوال کرتا ہوں، کیونکہ ان دونوں کا مالک تیرے سوا کوئی نہیں..."
اور کچھ ہی لمحوں بعد ایک بھنی ہوئی بکری نبی کریم ﷺ کو ہدیہ کر دی گئی۔
اے اللہ! ہمیں حرام کے مقابلے میں حلال کے ذریعے کافی کر دے،
اور اپنے فضل کے ذریعے ہمیں اپنے سوا سب سے بے نیاز کر دے۔ 🤲

سعودی عرب میں اوسط عمر بڑھ کر 78.8 ہوگئی
سعودی وزارت صحت کے تحت صحت کمیٹی نے کہا ہے کہ سعودی عرب میں رہائشیوں کی اوسط عمر بڑھ کر 78.8 ہوگئی ہے.
سبق ویب سائٹ کے مطابق کمیٹی نے کہا ہے کہ 2024 کے سروے کے نتائج سے یہ بات معلوم ہوئی ہے جبکہ 2016 میں اوسط عمر 74 سال تھی۔

اس پیشرفت کو اُن تبدیلیاتی اقدامات کا نتیجہ قرار دیا گیا ہے جو سعودی وژن 2030 کے اہداف کو حاصل کرنے والے پروگراموں کا حصہ ہیں۔
صحت کمیٹی نے بتایا ہے کہ ’یہ پیشرفت جامع صحت پالیسیوں کے نفاذ کا براہِ راست نتیجہ ہے جن میں تمام پالیسیوں میں صحت کے تصور کو فروغ دینا، خوراکی مصنوعات میں نقصان دہ اجزاکی مقدار کو کم کرنا شامل ہیں۔
اس کے علاوہ، ذیابیطس، موٹاپا اور کینسر جیسے دائمی امراض کی بروقت تشخیص کو بھی فعال بنایا گیا جس کا مقصد احتیاطی تدابیر پر زور دینا، علاج کے مواقع کو بہتر بنانا اور معیارِ زندگی کو بلند کرنا ہے

سب مسلمانوں کو رمضان المبارک کا چاند مبارک ہو