Ayman Ramzy - Financial Modeling

في ناس ممكن تشوف الـ FMVA Free Round على إنها 3 Rounds منفصلين…

لكن أنا بشوفها بشكل مختلف تمامًا

أنا بشوفها رحلة تعليمية واحدة
رحلة كل Round فيها كانت بتكمل اللي قبلها، وبتقرب كل شخص شارك فيها من فهم أعمق، وتطبيق عملي أقوى، وثقة أكبر في رحلته مع الـ Financial Modeling

من أول يوم، هدفي ماكانش إني أقدّم محتوى وخلاص

ماكانش الهدف شوية فيديوهات، أو ملفات تتبعت، أو Sessions وخلاص وتخلص

الهدف الحقيقي بالنسبة لي كان إن كل شخص يدخل الرحلة دي يعيش تجربة تعليمية حقيقية
يتعلم، يطبق، يراجع، يلتزم، ويحاول يكمل

وعلشان كده، كل Round كان ليها معنى مهم جدًا في الرحلة

Round 1 كانت بالنسبة لي بداية الالتزام
أول خطوة حقيقية، وأول احتكاك بالتجربة، وأول اختبار لمدى جدية كل شخص قرر يبدأ

Round 2 كانت مرحلة الاستمرار
المرحلة اللي ظهر فيها بوضوح مين فعلًا قرر يكمل، ومين بدأ يحوّل التعلم من مجرد مشاهدة أو متابعة إلى ممارسة وتطبيق حقيقي

Round 3 كانت مرحلة النضج
مرحلة فيها تركيز أكبر، ووعي أكبر، واستعداد أقوى للخطوة الأخيرة في الرحلة

وعلى مدار الـ 3 Rounds، اللي اتبنى ماكانش مجرد محتوى تعليمي

اللي اتبنى كان أكبر من كده
اتبنى مجتمع بيتعلم Finance بصورة عملية
واتبنت تجربة فيها تنظيم ومتابعة وتطبيق
واتبنت مساحة حقيقية لكل شخص جاد إنه يطوّر نفسه حتى لو كان لسه في البداية

كل Round كان فيها تحدياتها
كان فيها ضغط، ومهام، والتزامات، ومحاولات
والناس اللي كملت فيها ماكانتش مجرد أرقام بالنسبة لي

كل شخص استمر كان قصة لوحده

حد كان بيحاول يوازن بين شغله والتعلم
وحد كان بيبدأ من الصفر
وحد كان محتاج فرصة يرتب بيها فهمه، ويشوف المجال بصورة أوضح

وده بالضبط اللي خلّى الرحلة دي بالنسبة لي أكبر من مجرد مبادرة تعليمية

خلّاها فعلًا Learning Journey حقيقية

رحلة بدأت بفكرة بسيطة، وكبرت Round بعد Round، لحد ما بقى فيها آلاف المتعلمين اللي كانوا جزءًا من التجربة

3 Rounds. One Learning Journey

وده بالنسبة لي هو المعنى الحقيقي للرحلة…

مش إنك تبدأ بس
لكن إنك تعرف تكمل،
وتتعلم من كل خطوة،
وتوصل للنهاية وأنت شخص مختلف عن اللي بدأ

وطوال الرحلة، كانت ModEX هي الـ Sponsor والداعم لمبادرة FMVA Free Round، علشان تفضل الرحلة فرصة حقيقية للتعلّم العملي، والنمو، وبناء المهارة

كل شخص في الرحلة دي عنده قصة مختلفة...

احكيلنا قصتك في سطرين: كنت فين قبل FMVA؟ وبقيت فين دلوقتي؟

بعد محاضرتين، بدأ المشاركون يكتشفوا إن Financial Modeling مش مجرد Excel...

لكن طريقة تفكير

وفي Session 3 هنبدأ ندخل على واحدة من أهم المراحل في أي Financial Model:

Forecasting & Business Drivers

هنتكلم عن إزاي نبني توقعات مالية مبنية على منطق البزنس، مش مجرد نسب نمو محفوظة.

وهنا بيبدأ الفرق الحقيقي بين شخص بيعرف يستخدم Excel...

وشخص بيفكر بعقلية Financial Analyst

سعيد جدًا بالفريق اللي هيشارك في تقديم المحاضرة الثالثة، وبالمجهود الكبير اللي بيتبذل علشان كل Session تكون أفضل من اللي قبلها

أتمنى أشوف المشاركين جاهزين بمحاضرة مليانة تطبيق ونقاش وأسئلة عملية

نشوفكم في Session 3

أغرب حاجة لاحظتها في مقابلات الـ Financial Analysts...

إن بعض أفضل المرشحين فنيًا...

بيكونوا أضعف ناس في الـ Interview

بيعرف يبني DCF

بيعرف يعمل Forecast

وبيعرف يشتغل على Excel باحتراف

لكن أول ما تسأله :

ليه افترضت Growth 12% ؟

يسكت...

أو يقول :

حسّيتها مناسبة

وده بالنسبة لي من أكبر Red Flags

لأن الشركات مش بتدفع لك علشان تحط أرقام...

هي بتدفع لك علشان تدافع عن الأرقام

الـ Financial Model الجيد ممكن ناس كتير تعرف تبنيه...

لكن الشخص اللي يقدر يشرح المنطق وراء الـ Assumptions، ويبرر كل قرار داخل الموديل...

هو الشخص اللي الإدارة هتثق فيه

وده من أكتر الحاجات اللي بنحاول نشتغل عليها مع المشاركين في Financial Modelling Boot Camp

مش إنهم يبنوا Model وخلاص...

لكن إنهم يعرفوا يشرحوا ليه اتبنى بالشكل ده، وليه اختاروا الافتراضات دي

لأن في النهاية...

الـ Financial Model مش مجرد ملف Excel

هو قصة لازم تعرف تحكيها وتدافع عنها

في رأيك... إيه أصعب سؤال اتسألته في Interview ؟

📊 Excel Pivot Tables Tutorial
في المحاضرة هنتعرف على واحدة من أقوى أدوات الـ Excel وهي Pivot Table، واللي بتحول آلاف الصفوف من البيانات إلى تقارير احترافية تساعد على استخراج المعلومات واتخاذ القرارات بسرعة.

هتتعلم في المحاضرة دي:

✅ إنشاء Pivot Table خطوة بخطوة

✅ تحليل البيانات والمبيعات بسهولة

✅ تلخيص كميات كبيرة من البيانات في ثواني

✅ استخدام Slicers لإنشاء تقارير تفاعلية

✅ أفضل الممارسات في إعداد التقارير الاحترافية

ومتنساش مشاركة رأيك أو سؤالك في التعليقات.

🔔 تابع المحاضرات كاملة على قناة الـ Youtube