Magic Night

ﺑﺎﻟﻨﺴﺒﺔ ﻟﻼﻧﺴﺎﻥ ﺍﻟﺒﺘﻘﺮﺏ ﻣﻨﻚ ﻭﻳﺤﺴﺴﻚ ﺍﻧﻚ ﺍﻧﺴﺎﻥ ﻣﻬﻢ ﻑ ﺣﻴﺎﺗﻮ ﻭﺣﺘﻲ ﺍﺫﺍ ﻛﻨﺖ ﺑﺘﺘﻌﺎﻣﻞ ﻣﻌﺎﻫﻮ ﻑ ﺣﺪﻭﺩ
ﺑﺲ ﻫﻮ ﺍﺗﻘﺮﺏ ﻣﻨﻚ ﻭﻛﺴﺮ ﺣﺎﺟﺰ ﺍﻟﺤﺪﻭﺩ ﺩﻱ ﻭﺧﻼﻙ ﻣﻦ ﻏﻴﺮ ﺗﺤﺲ ﺍﻭ ﺗﺸﻌﺮ ﺗﺤﺒﻮ ﺍﻭ ﻣﻤﻜﻦ ﻧﻘﻮﻝ ﺍﺣﺴﺎﺳﻚ
ﺍﺗﺠﺎﻫﻮ ﻣﺎ ﻣﻔﻬﻮﻡ ﺍﻟﻤﻬﻢ ﺍﻧﻚ ﺍﺗﻌﻠﻘﺖ ﺑﻴﺔ ﻭﻓﺠﺎﺀﺓ ﻛﺪﺓ ﻳﻼ ﺳﺎﺑﻚ ﻟﻴﺔ ﺍﻟﺴﺒﺐ ﺷﻨﻮ ﺑﺲ ﺳﺎﺑﻚ ﻻﻧﻮ ﺯﻫﺞ ﻃﻴﺐ
ﺍﻟﻤﺸﺎﻋﺮ ﺍﻻﻧﺖ ﺯﺭﻋﺘﻬﺎ ﻓﻴﻨﺎ ﺩﻱ ﻭﻳﻦ ﻧﻮﺩﻳﻬﺎ ﻃﻴﺐ ﺍﺣﺴﺎﺳﻨﺎ ﺍﻟﺠﻮﺍﻧﺎ ﻛﻞ ﻣﺎ ﻣﻬﻢ ﺑﺎﻟﻨﺴﺒﺔ ﻟﻴﻚ ﻃﻴﺐ ﻋﺎﺭﻓﻴﻦ
ﺍﺻﻌﺐ ﻓﺘﺮﺓ ﺷﻨﻮ ﻑ ﺍﻟﻤﺮﺣﻠﺔ ﺩﻱ ﻛﻠﻬﺎ ﻓﺘﺮﺓ ﺍﻧﻚ ﻟﻤﻲ ﺗﺒﺪﻱ ﺗﺤﺲ ﺍﻧﻚ ﺑﻘﻴﺖ ﺍﻧﺴﺎﻥ ﺗﻘﻴﻞ ﻋﻠﻴﺔ ﻭﺣﺘﻲ ﻟﻤﻲ
ﺗﺘﻜﻠﻢ ﻣﻌﺎﻫﻮ ﺗﺤﺲ ﺍﻟﺮﺩ ﻣﺨﺘﺼﺮ ﻭﺑﺎﻳﺦ ﻭﺯﻱ ﻛﺎﻥ ﻣﺴﺘﻨﻲ ﻣﺘﻴﻦ ﻳﺨﻠﺺ ﻣﻦ ﺍﻟﻤﻜﺎﻟﻤﺔ ﺩﻱ ﺯﻫﺞ ﺍﺿﺎﻳﻖ ﺩﻱ
ﺍﺻﻌﺐ ﻓﺘﺮﺓ ﻭﻃﺒﻌﺎ ﺍﻧﺖ ﺣﺘﻜﻮﻥ ﻣﺴﻜﻴﻦ ﻣﺎﻓﺎﻫﻢ ﻑ ﺷﻨﻮ ﻭﻣﺎﻗﺎﺩﺭ ﺗﺴﺘﻮﻋﺐ ﺍﻥ ﺍﻻﻧﺴﺎﻥ ﺩﺓ ﻛﺎﻥ ﻋﺎﻳﺰ ﻳﻘﻀﻲ
ﺑﻴﻚ ﺯﻣﻦ ﻭﺧﻼﺹ ﻭﺗﺠﻲ ﻣﺮﺣﻠﺔ ﺍﻟﺰﻋﻞ ﻭﺍﻻﻟﻢ ﺟﻮﻭﺍﻙ ﻭﺍﻟﺨﺎﻃﺮ ﺍﻟﻤﻜﺴﻮﻭﺭ ﻭﺗﺤﺘﺎﺝ ﻓﺘﺮﺓ ﻋﻠﺸﺎﻥ ﺧﺎﻃﺮﻙ ﻳﺘﺠﺒﺮ
ﻭﻋﻠﺸﺎﻥ ﺗﺴﺘﻮﻋﺐ ﺍﻟﺤﺼﻞ ﺩﺓ ﺑﺠﻴﻚ ﺍﺣﺴﺎﺱ ﻛﺮﺓ ﻭﺣﺐ ﺍﺗﺠﺎﺓ ﺍﻻﻧﺴﺎﻥ ﺩﺓ ﻭﺑﺘﻜﻮﻥ ﺟﻮﺍﻙ ﺑﺠﺪ ﻣﺘﺎﻟﻢ ﻭﻧﻔﺴﻚ
ﺗﺴﺎﻟﻮﻭ ﻟﻴﺔ ﺍﻧﺖ ﻋﻤﻠﺖ ﻛﺪﺓ ﻓﻴﻨﻲ ﻋﺸﺎﻥ ﻛﺪﺓ ﺍﻧﺖ ﻣﺎﺑﺘﻘﺪﺭ ﺗﺤﺘﻮﻱ ﺍﻧﺴﺎﻥ ﻣﺎﺗﺰﺭﻉ ﺟﻮﺍﺓ ﻣﺸﺎﻋﺮ ﻭﺍﺣﺎﺳﻴﺲ
ﻣﺎﺑﺘﻘﺪﺭ ﻋﻠﻴﻬﺎ ﻭﻻ ﺑﺘﻘﺪﺭﺍ ﻻﻧﻮ ﻣﺸﺎﻋﺮ ﺍﻻﻧﺴﺎﻥ ﻣﻬﻤﻬﺎ ﻭﻣﻤﻜﻦ ﺍﻱ ﺷﺊ ﻑ ﺍﻟﺪﻧﻴﺎ ﺍﺫﺍ ﺍﺗﻜﺴﺮ ﻳﺘﺼﻠﺢ ﺍﻻ
ﻣﺸﺎﻋﺮﺍﻻﻧﺴﺎﻥ ﻭﺍﺣﺴﺎﺳﻮ ﻣﺴﺘﺤﻴﻞ ﺗﺘﺼﻠﺢ ﻣﻤﻜﻦ ﻧﻘﻮﻭﻝ ﺑﻨﻨﺴﻲ ﺑﺲ ﻣﻊ ﺍﻭﻝ ﻣﻮﻗﻒ ﺑﻨﺘﺬﻛﺮ ﻛﻞ ﺍﻟﺤﺼﻞ
ﻣﺎﺗﺒﻘﻲ ﺍﻧﺴﺎﻥ ﺳﺊ ﻭﺗﻠﻌﺐ ﺑﺎﻟﻨﺎﺱ ﻟﻠﻨﻮ ﺍﻛﻴﺪ ﻑ ﻳﻮﻡ ﻣﻦ ﺍﻻﻳﺎﻡ ﺣﻴﺠﻲ ﺍﻟﻠﻲ ﻳﻠﻌﺐ ﺑﻤﺸﺎﻋﺮﻙ ﻭﻳاخﺩ ﺣﻘﻬﻢ

الخطيئة ..
الحلقة الثانيه
و مع فتحة العلبه واحد من اصحابو هووب فتح البطانيه لقي صلاح ماسك السفه في يدو .. و طردو صلاح من المدرسه و طلبو اولياء امرو ... عبدالله شرح لناظر المدرسه حاله صلاح و انو حبوبتو هي العلمتو التمباك للصداع.. ومن اليوم داك صلاح بقي اسمو( اب سفه)
وامتحن صلاح و نجح و اخد الشهادة الاعدادية .. و ابوهو قال لي بديك شهر لازم في خلال الشهر تلقي شغل داخل البلد ..لانو عبدالله حيسافر الجنوب بعد تلات شهور و حيشتغل هناك
وفي يوم حصلت مشكله بين عبدالله و ساتي جارو و امتدت المشكله حتي وصلت
ساميه و زوجة ساتي و الغلطان كان عبدالله علي ساتي و استمرت المشكله ..
و صلاح حاول يفهم ابوهو انو هو الغلطان بس عبدالله رد و قال ( عشان علمتك و شلت الشهاده عايز توريني اعمل شنو ) و كان عبدالله يقول الكلام ده بي استمرار لي صلاح ..
قام صلاح شال شهادتو و بي زعل ختها تحت الدوكه في النار و ساميه تحاول تطلع الشهاده و هو ماسك ساميه امو لحدي ما اتحرقت الشهاده و بقت رماد
وقال لابوه ( خلاص كده بقي ما عندي شهاده)
و اتواصلت مشاكل عبدالله و ساتي لحدي ما وصلت محكمه الحي عشان يحددو الغلطان منوو
و بعد سماع شكاوي عبدالله و شكاوي ساتي طلبو صلاح يشهد ..
احتار صلاح بين شهادتو للحق و دا ضد ابوه وبين الزور ...
ياتري حيعمل شنو صلاح ..
يتبع ..

الخطيئه - الحلقة الاولي
********** الولايه الشماليه 1935م
تزوج عبدالله من بنت عمه ساميه و انجبا صلاح و مرتضي و ثريا ، مرتضي و ثريا عاشو مع حبوبتهم نفيسه في حلفا .. و صلاح اتربي مع ابوهو و امو
كان عبدالله شغال في العسكريه و كان متمسك بيها شديد حتي بدا يربي ولدو صلاح تربيه عسكريه من صغرو
و كان ينفذ عليهو عقوبات قاسيه جدا ..
في يوم من الايام و صلاح بدرس في المرحله الابتدائية و يلعب مع بت عمو ( زينب) فجاه صلاح سب زينب و هو ما عارف معني الكلام القالو ( وعلي التعترو قالا مع دخلت ابوهو عليهم )
قام عبدالله ساق صلاح و صلاح مرعوب من تعابير وش ابوهو .. ودخل صلاح المخزن و فتح شوال شطه حمرا و دخل راس صلاح فيهو ويقول ليهو ( تاني اسمعك تسب باكلك الشوال ده)
و ده نوع من انواع العقوبات الكان بياخدا صلاح .. و مره يتربط في نخله و مره يتحبس في غرفه ...
و مرت السنوات و صلاح و صل لمرحله الشهاده الاعداديه ( ودي كانت اقصي الشهادات و هي توازي الشهاده الثانويه)
و في اخر سنه ليهو عشان ياخد الشهاده كان يعاني صلاح من صداع شديد و الم ضرس ما بفارقو
مشو بيهو لي الدكتور و الشيخ و الفكي ما نفع و مازال الصداع معاهو
و يوم جات حبوبته نفيسه زياره ليهم و شافت صلاح و ضعو مع الصداع ينوم بي و يقوم بيهو ...
قامت طلعت كيس تمباك ( صعوض) و ختت ليهو في خشمو و اتحسن صلاح .. و بقي كل ما يحس بي صداع يسف تمباك ..
و بقي صلاح كيس التمباك معاه في كل مكان .و خلصت الاجازة و نزل صلاح المدرسه و بدا يسف بالدس من اصحابو
و في يوم جاهو الصداع و ما لقي طريقه يسف بيها .و لمن غلب ماقدر يستحمل قام شال بطانيتو و اتغطي بيها و طلع العلبه و بدا يفتحا و لكن صوت فتح العلبه لفت انتباه اصحابو ...
يتبع