SudaShop.Co
Share
SudaShop Guide to Sudan سوداشوب دليلك للسودان لخدمات التصميم و البرمجة والتسويق
22/07/2022
كل صاحب مشروع او بزنس بحب يعرف هل مشروعه ده ناجح او لا ؟ هل في عائد ربح من المشروع ده ؟؟ هل الحملة التسويقية الاتصرفت على المشروع جابت فائدة أو لا ؟؟ وهكذا
يلا في مؤشر اداء بنسميه معدل العائد على الاستثمار Return On Invesment واختصاره ROI .. وهو مؤشر لقياس العلاقة بين القيمة المصروفة على الاستثمار وبين القيمة التي تعود على المشروع من هذا الاستثمار
طيب بعد عرفنا ال ROI ده شنو .. كيف نقدر نطبقه على البزنس بتاعنا ؟؟
الموضوع ساهل جدا وما معقد وعنده معادلة بسيطة وهي كالآتي :
صافي الربح - إجمالي تكلفة الاستثمار / اجمالي تكلفة الاستثمار × 100 = RIO
بمعنى اخر نجيب صافي الربح ونطرح منه اجمالي تكلفة الاستثمار ونقسمة على اجمالي تكلفة الاستثمار والناتج بنضربه في 100 بدينا معدل العائد من الاستثمار
#سوداشوب
#التسويق
#الاستثمار
قبل ما نبدا كل شي جهز ورقة وقلم لانو حا نتكلم عن موضوع مهم جدا و هو كيف نعمل دراسة للمشروع او دراسة جدوى بشكل مبسط و مفهوم للجميع
دراسة الجدوى من اهم الخطوات التي تساعد في نجاح اي مشروع مهما كان نوعه او الغرض منه و عدم الدراسة و التخطيط من اهم اسباب فشل اي مشروع حتى لو توفرت المادة و الخبرة
اساسيات دراسة الجدوى تصلح لاي مشروع كل العليك انو تتبع الخطوات الجاية و تملى الفراغات على حسب مشروعك
اول خطوة في دراسة الجدوى بتحدد فيها اسم مشروعك (مثلا المزرعة السعيدة او شركة الوان .. الخ)
الخطوة الثانية بتحدد غرضك من المشروع ده حسب فهمك و حسب رؤيتك وعايز تعمل المشروع ده ليه (مساعدة الاخرين او زيادة دخل او فكرة جديدة او المنطقة الانت فيها محتاجة للمشروع ده ... الخ
الخطوة الثالثة بتحدد بيئة المشروع الانت ناوي تعملو والخطوة دي بتعمل قائمة فيها :
١- اللوائح والقوانين البتحتاج تعملا او تكون ملم بيها عشان تنجح مشروعك
٢- السوق المستهدف وحجم الطلب (يعني انت عايز تبيع لمنو و العايز تبيع ليهو ده محتاج كمية قدر شنو)
٣- المنافسين (البنافسك في نفس منتجك منو تجيب ورقة وقلم و تسجل اي منافس ليك)
٤- الموردين (ورقة وقلم تسجل ارقم تلفونات واسعار و مواقعهم وين ...الخ)
٥- الموزعين (نفس الشي تسجل عنهم كل شي)
الخطوة الرابعة ودي واحدة من اهم الخطوات في دراسة الجدوى وهي دراسة السوق و دراسة السوق دي بتعتمد على عدة خطوات كالاتي :
اول حاجة بتحدد عادات العملاء ... كيف ؟؟؟
١- العميل او الزبون او المشتري ده بشتري منك ليه؟؟ هل محتاج لمنتجك ؟؟ هل دي مجرد رغبات ؟؟ هل دي عادات ؟؟؟
٢- العملاء المرتقبين .. ساكنين وين اعمارهم كم وظائفهم شنو ؟؟ مستواهم المعيشي كيف ؟؟ متعلمين او لا ؟؟ ( الخطوة دي تحديدا بتحدد ليك حاجات كتيرة في شكل وطريقة وسعر المنتج حقك)
٣- ليه العميل او الزبون او المشتري بفضل منتجك انت عن باقي منتجات المنافسين .. ليه انت تحديدا (جودة منتجك احسن منهم ؟؟ اسعارك احسن ؟؟ خدمة البيع عندك احسن ؟؟ بستخدم خدمة ما بعد البيع بشكل اساسي في بيعك لمنتجك ؟؟ موقعك قريب من العملاء ؟؟)
تاني حاجة تقدير حجم السوق والخطوة دي كالاتي :
١- دراسة المنافسين (حجم مبيعاتهم وطاقتهم الانتاجية قدر شنو - بيعهم بغطي لحدي وين جغرافيا - اسعارهم كيف - جودة منتجاتهم كيف - تعاملهم مع العملاء كيف - الخدمات العندهم شنو .. باختصار تعرف كل كبيرة و صغيرة عن المنافسين)
٢- دراسة الموردين ( اسعارهم - ومواقعهم بالنسبة لموقع مشروعك - سرعة التوريد - تعاملهم - طريقة التوصيل - طريقة السداد)
٣- تقدير الفجوة (دي برضو خطوة مهمة مهمة مهمة جدا جدا) الفجوة دي بتعني الطلب في السوق مقارنة بالعرض بمعنى كل ما زادت الفجوة كل ما كان ده في مصلحة المشروع و زادت فرص النجاح
وعكس كده كل ما الفجوة قلت يعني ان العرض اكبر من الطلب يعني يكون السوق مشبع وبالتالي فشل المشروع
————————————————
بعد كده نجي للخطوات الجادة في دراسة الجدوى
اول حاجة الدراسة الفنية :
- الموقع :
- [ ] القرب من المواد الخام
- [ ] القرب من العمالة
- [ ] القرب من الاسواق
- [ ] مصادر الطاقة
- [ ] مصادر المياه
- [ ] مصادر الصرف و النظافة
- [ ] الطرق و المواصلات
- [ ] المنافسين
- الارض و المباني :
- [ ] التكلفة
- [ ] الحجم و المساحة مقارنة بالانتاج
- [ ] التعديلات المطلوبة
- [ ] التشطيبات و التجهيزات
- [ ] المرافق
- الالات و المعدات :
- [ ] مصادر الحصول عليها
- [ ] مدى توفرها
- [ ] تكلفتها و التأمين عليها
- [ ] قطع الغيار
- [ ] اعمال الصيانة
- التنظيم الداخلي للعملية الانتاجية :
- [ ] توزيع المعدات
- [ ] التجهيزات و المساحات اللازمة للالات
- [ ] التخزين
- [ ] مساحات العمل و الحركة و الدخول و الخروج
- الطاقة الانتاجية :
- [ ] حجم الانتاج
- [ ] سياسات البيع
- [ ] التوزيع
- [ ] منافذ التوزيع
- [ ] احتمالات التوسع المستقبل
- [ ] العمالة
- [ ] الموارد المالية المطلوبة
- اساليب الانتاج :
- [ ] خصائص المنتج
- [ ] المواد الخام
- [ ] مستوى الجودة
- [ ] مهارات العمالة
- [ ] مستوى الميكنة (آلي - نصف آلي - يدوي)
تاني حاجة الدراسة المالية (والخطوة دي اساس دراسة الجدوى واهم خطوة في خطوات دراسة الجدوى باختصار نجاح هذه الخطوة يعني نجاح مشروعك و فشلها يعني فشل مشروعك عشان كده لما نجي نملا بيانات الدارسة المالية لازم نكون دقيقين في اي شي) :
- هيكل التمويل (يعني تمويل مشروعك ده من وين ؟؟ قرض او سلفة من شخص ما او مالك الخاص)
- الموازنة الافتتاحية ( دي عبارة عن الاصول الثابتة و الاصول المتحركة و القروض و راس المال وغيرو من مداخيل و مخارج مالية)
- قائمة الدخل (ودي بنعمل قوائم بكون فيها الدخل و الربح و المنصرفات و الخسائر و الضرائب طبعا بشكل تفصيلي)
- تكاليف السلعة او المنتج
- قائمة التدفقات النقدية (قائمة بتسجل فيها حركة السيولة قبل تشغيل المشروع واثناء التشغيل و بعد التشغيل و التحصيل و المدفوعات)
مستلزمات التشغيل + اجور العاملين + كهرباء + وقود + صيانة + ايجار + نثريات + ضرائب + اهلاك + فوائد القرض = اجمالي التكلفة السنوية
(اهلاك : النقص في قيمة الاصول)
ملاحظة مهمة جدا : في خطوات في الدراسة ممكن تعملا انت او انتي بدون مساعدة لكن في خطوات بتحتاج مساعدة من اهل الخبرة زي مثلا الدراسة المالية حتى لو خسرت كم جنيه في بداية الدراسة احسن ليك من انو ما تعمل الدراسة و مشروعك يفشل و بالتالي تخسر ملايين الجنيهات
نمتنى من اصحاب الخبرة لو في اي اضافات او ملاحظات يتفضلوا
#التسويق
16/06/2020
#التسويق
Click here to claim your Sponsored Listing.
Category
Contact the business
Telephone
Website
Address
السودان
Khartoum
Opening Hours
| Monday | 09:00 - 17:00 |
| Tuesday | 09:00 - 17:00 |
| Wednesday | 09:00 - 17:00 |
| Thursday | 09:00 - 17:00 |
| Saturday | 09:00 - 17:00 |
| Sunday | 09:00 - 17:00 |
