Rayan Osama

احلامي كانت في كوستي بسيطة اني ألقى ألوان اكريليك ولقيتها الحمد لله
بس تبقى المشكلة ..
كيف اقدر ارسم بيها من غير لوحات !!🤭

آخر رسمة رسمتها بدون مزاج 💀

نسيتكم عديل ونسيتوني 🤭

❤️

م نزلت كتير في الصفحة
وما رسمت تاني نسبة لإنو شغاله جامعه اونلاين والقراية اتردمت
الايامات دي ح افرغ نفسي تماما للقراية وان شاء الله اجي القى اكبر عدد من ال followers
كل ما تلقو طريقة شيرو صفحتي دي ادعموني (اي عارفه انها شحدة عديل🤣)بس كبروها عشاني

See you later, I hope you're well until I get back😍❤️

زمان كنت بخجل اوري رسوماتي ل زول كنت بشوف انو رسمي كعب شديد وما رهيبه عشان اي زول يتفرج فيهم الحاجه دي كل ما ليها كانت ماشه محطماني للاسف
بدعم من ابوي واهلي وصحباتي وكل ما ارسم رسمة يرفعو معنوياتي فوق لابعد درجه انا قدرت اتخطى الهاجس دا
وابوي الله يديهو العافيه ما كان مقصر معاي كل ادوات الرسم كان بوفرها لي والورق ❤️

ف بس انك ترسم كعب دي ابدا ما حاجه عيب اي زول ببدأ بالبسيط بمرحلة مبتدئ بعدها بمراحل بصل ل مرحلة محترف ودا ما ساهل عايز معافره وتحفيز والله
وانا هسي مبتدئة وواثقة اني في يوم من الايام ح اصل لدرجة الاحتراف بدعمكم انتو في الاول ومعافره مني انا ان شاء الله وربنا يسهل ❤️

The first drawing:

انا ريان اسامة
عمري ١٩ سنه
طالبة it في جامعه العلوم والتقانة
مبتدئة في الرسم
عملت الصفحة دي عشان اجمع فيها كل الرسامين من السودانيين او غيرو وعشان الناس البتحب الرسم تلقى فيها العايزاهو من دعم او اكتساب مهارات جديدة او تعليم حلو معاكم ؟❤️
انا برضو بحب عالم الرسامين جدا وبحب اشوف الرسومات واحاول اجرب اعمل زيها شغفي مات في حاجات كتيره الا الرسم وان شاء الله بدعمكم ح اوصل لدرجة كويسه وابهركم بإذن الله ❤️