Read Foundation

أخواننا العايزين يحضّروا الماجستير
ومُحتارين يبدوا من وين ويعملوا شنو ويقدّموا وين..

الليلة ح نتكلم ليكم عن تفاصيله كُلّها في جامعات مصر

هل هي فكرة كويسة اقدم واجي اعمل لي ماستر في مصر؟ 🤔

طبعا فكرة كويسه شديد كلنا ما بتخفى عننا حقيقة انه جامعات مصر من احسن الجامعات في أفريقيا والشرق الأوسط وكلها جامعات معتمدة وعريقة وتصنيفها عالي ورسوم الدراسة فيها معقولة نوعا ما والقبول فيها ما صعب وعبارة عن خطوات واجراءات نحن أكتر من سعيدين إننا نقيق معاكُم فيها خطوة بخطوة.

طيب شنو المطلوب؟ 🤔

طيب يا عزيزي عشان نقدم ليك لازم يكون عندك شهادة التخرج الأصل الموثقة وشهادة التفاصيل او السجل الأكاديمي أو Transcript برضو موثقة ولو انت مجال طبي لازم يكون معاك شهادة إكمال الإمتياز موثقة.

طيب سؤال سريع قبل تقول لي باقي المطلوبات التوثيقات البتتكلموا عنّها دي شنو يا "إقرأ"؟ 🤔
استعجلنا صاح؟ طيّب ولا يهمّك، التوثيقات دي يا عزيزي الغالي عبارة عن:
1. توثيق وزارة الخارجية في بلد الشهادة.
2. توثيق السفارة المصرية في بلد الشهادة وفي خيار تاني لو الشهادات مسبقا في مصر او ما بتقدر توثقها في بلد الشهادة ممكن توثقها خارجية مصرية وبعدها سفارة سودانية.

طيب باقي المطلوبات شنو؟ 🤔

تاني وبعد ما جهزت الشهادات دي كلها موثقة، بكون مطلوب معادلة الشهادة وده اجراء نحن بنعملة في وقت وجيز وما بنأخر بيه تقديم الطلاب، وتاني حاجات خفيفة ولطيفة زي صورة الجواز وشهادة الميلاد و 6 صور شخصية وانك تجهز الرغبات.

طيب بقدم على كم رغبة؟ 🤔
بتقدم على 3 رغبات ممكن يكونوا تخصصات أو جامعات مختلفة وننتظر التنسيق ونسبة لأنه مافي ضغط عالي على برنامج الماجستير فرصة القبول في الرغبة الاولى كبيرة!

وبعد تتقبل ان شاء الله بنسلم الملف والشهادات الاصل وشهادة المعادلة للوافدين.

طيب شنو ح استفيد لو قدمت من خلالكم؟ 🤔

اول حاجة بنساعدك تفاضل بين مختلف الجامعات والتخصصات، والاستشارات التعليمية هي جزء أساسي من شغلنا وبنقدمها بصورة مجانية تماماً وأي زول عنده استفسار يتواصل معانا وحنفيده باذن الله في إنّه يرتّب أفكاره ويعرف البيه والعليه.
الحاجة التانية بتضمن إنّه طلبك ماشي بسرعة و أوراقك برضو في أيدٍ أمينة ودايماً بنجتهد نحصل ليكم أفضل الفرص! ✨

طيب أهم نُقطة ما تنسوها، تفاصيل الرسوم والتخصصات المتاحة شنو؟ 🤔
كلها ح تلقوها في البوستر المُرفق دا موضحة بالتفصيل..

وكعادتنا دايماً لو عندكم أي أسئلة تانية ما تنسوا إنّنا على بُعد رسالة واحدة بس وحتلقوا فريق "إقرأ" كلّه جاهز عشان يقدّم ليكُم كُل الدعم اللي بتحتاجوه 💚

اتواصلوا معانا على الرقم
+20 150 189 6763

https://chat.whatsapp.com/EpJUjHx5RUE7LArVFH0vsn

سلامُ الله عليكم مُتابعي منصّة "إقرأ"

وردتنا أسئلة كتيرة جدّاً جدّاً عن مواعيد التقديم فحابين نبشركم إنّه بإذن الله حيتم فتحُه بكره السبت الموافق 29/6/2024 وحيكون الموسم الأوّل من التقديم مُتاح لحد مطلع أكتوبر.

لكن برضو قد يسأل السائل:

♦️ مطلوب منّي شنو حاليّاً قبل التقديم يفتح؟ 🤔

مطلوب منّك يا عزيزي تجهز جوازك ورسوم التقديم والأهمّ منهم توثق شهادة الثانوي في الخارجية والسفارة المصرية ولو انت أصلاً في مصر ممكن توثقها في الخارجية المصرية وبعدين في السفارة السودانية ولو ما عندك الشهادة ما تشيل هم، بتطلع من وزارة التربية والتعليم في بورتسودان أو من مدرستك الامتحنت منّها لو مُتاحة.

⭕️ ملحوظة يا عزيزي:
"لو انت شهادة عربيّة فالتوثيق حيكون من خلال نفس الخطوات"

♦️ طيب هل ضروري أوثّق الشهادة للتقديم الأونلاين؟ 🤔
أيوة ضروري توثق الشهادة!
لأنّه إذا قدمنا ليك بالشهادة من غير توثيق حيرجع الطلب باستكمال بيانات ويتأخر القبول.

♦️ طيب بقدم على كم رغبة؟ 🤔
بتقدم على عشرة رغبات ممكن نفس التخصص جامعات مختلفة وممكن تخصصات مختلفة نفس الجامعة ونسب القبول والرسوم وضحناهم في المنشورات السّابقة ممكن تلقاهم في منصّة إقرأ على التليجرام وفي قُروب الواتساب.

♦️ طيب داير أتقبل في جامعة معينة اعمل شنو؟ 🤔
أوّل حاجة احرص انك تقدم بدري عشان الأمكان محدودة للسودانيين، تاني حاجة في الموقع حنرتب ليك الرغبات حسب طلبك وتنسيق الوافدين بيأخد بعين الاعتبار ترتيب الرغبات، حاول برضو أبحث واعرف اكتر عن نظم الجامعات المختلفة والمميزات وحدد كذا رغبة قبل موعد التقديم.
ولو واجهتك أي صعوبة في الحاجة دي، ما تخاف وما تتردد إحنا موجودين دايماً عشان نقدم ليك استشارة كاملة تساعدك تختار وتتقبل في جامعة كويسة!

♦️ طيب القبول ح يأخد كم؟🤔
على حسب الوقت الانت قدمت فيه، في أوّل أيّام للتقديم بيطلع أسرع وفي اخر أيّام بيتأخر عشان الزحمة والطلبات بتكون بقت كتيرة واحنا في مؤسسة إقرأ حريصين إنّه نخلص ليكم الاجراءات كلها في وقت وجيز ونضمن ليكم قبول في وقت مناسب.

♦️ طيب لو قدمت ح ادخل مصر كيف؟ 🤔
السنة الفاتت الوافدين نزلت فورم تقديم للموافقات الإلكترونية وكانت بتنزل قوائم الأسماء كل فترة على حسب ميناء الدخول، ولو كنت في السودان أو مقيم في دولة تانية ممكن تأخد صورة إفادة القبول النهائي وصور إيصالات الدفع وتأخد تأشيرة الطلاب من السفارة المصرية ولو نزل أي جديد بخصوص التأشيرات حننزل ليكم أوّل بأول.

خلّيكم قريبين عشان البوست الجاي إن شاء الله حنتكلّم بتفصيل أكتر عن التحويل وإعادة الترشيح وتعديل الترشيح 😉✨

ّة

أسرفنا الحديث عن الخدمة المقدمة وعن متطلبات ما قبل القبول، لكن قد يسأل السائل، وبعد ما يتم القبول؟ مطلوب منّي شنو كمُستند رسمي؟
بكُل بساطة عزيزي القارئ مُحتاجين منّك التالي:
1. الشهادة الثانوية موثقة من السفارة والخارجية.
2. صورة من جواز السفر أو كرت اللجوء.
3. شهادة الميلاد أو الرقم الوطني (الأصل)
4. صورة شخصية (٦)
5. توكيل

طيب والمُنصرفات المفروض أدفعها؟
في سلسلة من المنصرفات لأغراض عديدة توضيحها كالتالي:
1. ١٧٢ دولار مُقابل خدمة التنسيق
2. ١٥٠ دولار مُقابل خدمة اشتراك نادي الوافدين.
3. ١٥٠٠ دولار مقابل القيد الجامعي
4. ٣٠٠ دولار حداثة مؤهل عن كُل سنة تأخير في الشهادة الثانوية.

بس ما تشيل هم احنا في إقرأ حنقيف معاك خطوة بخطوة ابتداءً من التوثيقات وانتهاءً بالتوكيل!

♦️ *في حال احتجت أي حاجة، ما تتردد! احنا موجودين دائماً وأبداً عشان نجاوب على كُل أسئلتكم واستفساراتكُم من خلال الرقم:*

+20 150 189 6763

قُم بالانضمام إلى مجموعة الواتس من خلال الرابط:
‏https://chat.whatsapp.com/EpJUjHx5RUE7LArVFH0vsn