Ediris Yaxyaa

Toddobaadkii h**e sadex Suxufi/wariye ayaa lagu xidhay Hargeysa iyo Ceerigaabo laba waa la sii daayay mid na wali wuu xidhan yahay. Waa maxay sababtu.

Xadhiga C/qaadir Maxamed Aw Xasan waa mid Aar-goosi ah oo lagaga soocay Suxufiyiinta kale ee la sii daayay, waxaanay noqonaysaa talaabo xukuumadda talada haysaa ay kaga baxday balanqaadyadii ay warbaahinta u samaysay wakhtigii ay mucaaradka ahayd.

C/qaadir dhawr iyo toban cisho ayuu xidhan yahay waxaana lagu haystaa sawir Tiktok uu ka soo qaatay oo riwaayaddii Sooraan iyo Jawaan ku lahaayeen waar horta waxaynu dooranay muxuu ahaa.

Riwaayada ay Fanaaniintaasi jileen way ka horaysay Madaxweynanimada Madaxweyne C/raxmaan hase yeeshee dhibaatada baraha bulshada waxa ka mid ah in la is hoos dhigay Muuqaalkii Labadaas Fanaan iyo Sawirka Madaxweynaha oo ay wax ku kordhiyeen.

Wariye C/qaadir Sawirkaas iyo muuqaalka Tiktik yaalay waxba kumuu kordhin maadaama aanu waxba ku kordhin ee uu soo qaatay waxay ahayd in ay xukuumaddu muujiso dul-qaad isla markaana ay iska sii dayso wariyaha.

SOLJA, waxa ka saaran masuuliyad wariyahaas iyo wariyayaasha kale ba inay u doodo oo ay sii dayso. Maadaama Baraha bulshada sharci ka yaala iyo xigashadoodubana aanay jirin ma jirto sabab uu Suxufigu ciqaab xadhig ah ugu mudan karaa illaa Maxkamadi xukun ku rido mooyee.

Wazaan ugu baaqayaa xukuumadda talada haysaa inay Suxufigaas xorriyaddiisa ugu celiso sida ay kuwii kale ba Xorriyadooda ugu celisay.

Xigasho, Suxufi XuuTo

“Hadii dhacdadan burco ka dhacday mudo la abaabulaayay
Haayada sirdoonka dalku miyaanay ka warhelin. Si loo xakameeyo nabadgalyada gobolka…”Rooda Cabdi Muuse

Skeekada Socota ee odhanaysa ciidan baa shaqadii laga eryey, waa iga su'aale miyaa la eryey mise waa la beddeley?

Sida la soo qorayo haddii la eryey macneheedu waa ciidankii waa laga rukhseeyey taasina in la sababeeyo ayay u baahan tahay.
Haddiise ay tahay waa la beddeley waxa la is weydiinayaa h**e ma u dhacday tan oo kale?

Liiska magacyada ah ee la taxayo haddii ay sidaa loo qoray yihiin dhamaantood waa saraakiil xiddigle iyo wixii ka sarreeya, su'aasha imanaysaa waxa weeye madaxtooyadu ma qaadi kartaa saraakiisha intaa le'eg ee qaarna weliba ka sii hadheen.

Ciidanku dawladdii KULMIYE ka hor ma uusan lahayn wax derejo iyo sumad kala sarrayneed ah oo aan ka ahayn in qayb walba madax looga dhigo cid uun markaa la isleeyahay way ku haboontahay dhinac kastaba ha laga eegee.

Markii Derejada ciidanka KULMIYE gaar ahaan Ahaan madaxweynihii geeriyoodey Axmed Siilaanyo ALLA HA U NAXARIIATEE uu ku dhiirradey ee loo kala sameeyey waxa jirey ciidan badan oo meelo kale loo beddeley.
Tusaale waqtigii dawladdii Madaxaweyne Muuse Biixi waxa jirey saraakiil laga beddelay madaxtooyada oo la geeyey Booliska ama ciidanka Qaranka.
Waxaynu ognahay in ciidamada sannadkiiba hal mar la dallacsiiyo qaarkoodna shantii sannadoodba mar, haddii aanay jirin sababo kale oo dedejin karaa.
Caqli ahaan waynu fahmi karnaa afrtan ilaa konton sarkaal inaanay suuro gal ahayn inay joogaan madaxtooyada, waayo waxaa loo baahnyahay ciidan gaadhka qabta, albaabada fura, biraha qaada, dadka baadha sarkaalkuna intaa ma samayn karo, markaa waa lagama maarmaan in la helo ciidan dhallinyaro ah oo shaqadaa ku haboon ha laga keeno ciidamada kale ama ha noqdaan ciidan cusub oo tababarane.

Xukuumaddan waxa fara badan dhaliileheeda kale gaar ahaan xagga maamulka oo aynu la sugayno boqolkii maalmood ee xisbigu qabsaday laakiin tan waxay ila tahay inaanay ahayn dhaliil macno inoo samayn karta, yaanay xikmaddu meel aan waxba tarayn inagaga sii dhamaan.

Waxa Qoray Siyaasi Abdikariin Axmed( Xiinif) ✍️