Said Sky Vision

: 3 QEYBOOD OO AY U QAYBSANTO – FAHFAAHIN IYO TUSAALOYIN WAAQICI AH

Beentu waa arrin si qoto dheer u taabanaysa anshaxa, kalsoonida, iyo xiriirka bulshadeenna. Mararka qaar waa dhibaato, mararka qaarna xaalad gaar ah ayay xal u noqotaa. Beenta guud ahaan waxaa loo kala saaraa saddex qeybood:

1 AH (Beenta Lagama Maarmaanka Ah)

Tani waa beenta la oggol yahay marka ay jirto khatar cad oo ku wajahan nafta ama hantida qof.

🫴 Goorma ayay waajib noqotaa?
✓ Marka run sheegistu keeni karto dil, dhaawac, ama khasaaro weyn
✓ Marka aad qof ku badbaadinayso dulmi ama caddaalad darro

❇️ Tusaalooyin waaqici ah:
✓ Qof hubeysan oo ku weydiinaya: “Halkee buu hebel joogaa?” adigoo og inuu dili rabo, waxaad tiraahdaa “Ma arkin” si aad u badbaadiso nolosha qofkaas.
✓ Tuug ku weydiinaya halka lacag ama dahab yaallo si uu u qaato, adigoo beenta u adeegsanaya ilaalinta hantida.
✓ Carruur ku dhuumanaya rabshad ama dagaal, qofna ku daba jira, adigoo beenta u adeegsanaya badbaado.
✓ Qof dulmi lagu raadinayo si sharci darro ah, adigoo og in la dhibaateynayo haddii runta la sheego.

Beentani ma aha dembi, ee waa mas’uuliyad naf-badbaadin ah.

2 (Beenta La Oggol Yahay ee Wanaag Dhalisa)

Tani waa beenta aan waxyeello keenayn, badanaana loo adeegsado niyad dhis, jacayl, iyo qalbi qaboojin.

🫴 Goorma ayay mubaah noqotaa?
✓ Marka aysan jirin khiyaano ama khasaare ka dhalanaya
✓ Marka ujeeddadu tahay wanaag, rajo, iyo xasilooni nafsiyeed

❇️ Tusaalooyin waaqici ah:
✓ Xaaskaaga oo aad ku tiraahdo “Waan ku jeclahay, adiga la’aantaa ma noolaan karo” si xiriirka qoys u adkaado.
✓ Qof aad ogtahay inuusan weli awood buuxda lahayn, haddana aad ku dhiirrigeliso “Waad qaban kartaa, horumar ayaad gaari doontaa.”
✓ Qof bukaan ah oo aad ku tiraahdo “Xaaladdaadu way hagaagaysaa” si uu rajo iyo niyad u helo.
✓ Haweeney 60 jir ah oo aad ku tiraahdo “Waxaad u egtahay 20 jir” si aad qalbigeeda u farxad geliso.
✓ Qof xiran dhar uusan kugu fiicnayn, haddana aad tiraahdo “Styl-kaagu waa qurux badan yahay” si aadan u dhaawicin dareenkiisa.

Beentani waa mid bulsho ahaan la aqbali karo maadaama ay dhiseyso niyadda iyo xiriirka dadka.

3 AH (Beenta Mamnuuca ah)

Tani waa beenta ugu halista badan, waana tan burburisa kalsoonida, caddaaladda, iyo mustaqbalka bulshada.

🫴 Maxaa ka dhigaya xaaraan?
✓ Waxay ku dhisan tahay khiyaano iyo dan gaar ah
✓ Waxay keentaa waxyeello nafsi, dhaqaale, caafimaad ama bulsho

❇️ Tusaalooyin waaqici ah:
✓ Qof aad ballan la leedahay, adigoo og inaadan iman doonin, kuna luggooya maalintaas.
✓ Qof aad ku tiraahdo “Wax baan ku siinayaa” adigoo og inay been tahay, taasoo ah khiyaano cad.
✓ Dhakhtar ku shaqeynaya shahaado been ah, kana dhalan karta dhaawac ama dhimasho.
✓ Macallin baraya xirfad uusan aqoon, marin habaabinayana arday badan.
✓ Ganacsade ku been sheegaya badeecadda, kana dhigaya mid tayo leh iyadoo ay liidato.
✓ Siyaasi ballanqaad sameynaya isagoo og inuusan fulin doonin.

Beentani inta badan waxay keentaa:
✓ Kalsooni darro
✓ Hagardaamo iyo khiyaano
✓ Burbur dhaqaale
✓ Dhaawac nafsi iyo mid bulsho



Beentu isku mid ma aha mar walba.
✓ Mararka qaar waa badbaado
✓ Mararka qaar waa niyad dhis
✓ Mararka kalena waa burbur iyo khiyaano

Qofka miyirka leh waa kan kala garta:
✓ Goorta runta la sheego
✓ Goorta aamusta
✓ Iyo goorta beentu noqoto mas’uuliyad ama dembi

Kalsoonidu waa tiirka bulshada, marka ay jabtana wax walba way burburaan.

Adigu Mexey kula tahay?