Tawk Center

نشاطاتنا مع اولادنا الغاليين بمركز Family home في حمص 😍💙😍

مرق أسبوع… بس نحنا بعدنا عايشين جوّا اللحظة.**

من أسبوع تماماً، متل اليوم، تسكرت الستارة على "غياب غير مشروع".
٣ أيام بس… بس المسرح كان مليان، القلوب كانت مفتوحة، والعيون عم تحكي قبل ما تحكي الشفاه.
كنا نحلم نوصّل شي… بس يلي صار كان أكبر من الحلم.

الناس إجت، وعبّت المكان، وعبّت قلوبنا بمحبتها.
كل عرض كان كومبليه، بس الأهم: كان في حضور حيّ، صادق، عم يتنفس معنا كل مشهد، وكل وجع، وكل لحظة صمت.

ويمكن تسكرت الستارة، بس فتحت بواب بقلوبنا ما كانت مفتوحة من قبل.
الأصداء؟ فاقت كل توقع…
كلماتكن، دموعكن، ضحكاتكن، كانت الجائزة الحقيقية.

شكراً لأنكن كنتوا شركاء بهالوجع، بهالفرح، بهالغياب… يلي ما عاد غياب.
لأنو وجودكن كان أعظم من أي حضور.
مخرج العمل اندريه تيدوري
مسرحية غياب غير مشروع انتاج مركز توق قسم المسرح

🎭 **من قلب الكواليس… نبني عالم "غياب غير مشروع"**

بين الخشب والمسامير، وبين القماش والغبار، تُولد مدينة كاملة خلف الستارة الحمراء.
كل زاوية على الخشبة عم تحكي عن وجع وعن ضحكة كل تفصيل في الديكور يهمس بحكاية غياب… غياب غير مشروع.

نشتغل على كل تفصيل بإيدينا وقلوبنا، من الحيطان يلي شايفتكن عم تكبروا، للباب يلي ناطر حدا يرجع وما رجع.
الديكور مو بس خلفية… هو شريك بالمشهد، شاهد على الحقيقة، وعلى الكذبة يلي عايشينها سوا.

⏳ بعد ٢٤ ساعة، رح تفتح الستارة… وبتبلّش الحكاية.
مسرحية غياب غير مشروع الديكور تصميم وتنفيذ برعاية مكتب المهندس مجد قايمة للتجارة والمقاولات

مسرحية غياب غير مشروع
DECORATION SPONSORED BY
MAJD KAYME' Contracting and Trading