MediDose

القرنية الشفافة هي العضو الحي الوحيييد يللي ما بتوصلها تروية من الأوعية الدموية !😲😲😲😲

كيف ممكن تتغذى؟🧐

من السائل الدمعي من برا و من السائل المائي ( بين القرنية و القزحية ) من جوا

وحدة من مشاكل العدسات اللاصقة هي نقص الاوكسجين للقرنية من برا . هاد الشي ممكن يؤدي الى تنمي اوعية دموية فيها بمحاولة لتعويض النقص . وبهالحالة وجود اوعية دموية رح يكون سيء و غير طبيعي !

بنصح تكون العدسات silicone hydrogel lenses
لنتلافى هالمشكلة

دمتم سالمين 🌸
شير حتى نستمر

فزورة رمضان لليوم :👨‍🍳👩‍🍳👨‍🏫👩‍🏫👨‍🔬👩‍🔬👩‍🎨👨‍🎨

تمرين رياضي 💪
بشبع بدل ما جوع ! ما بسبب تعب أثناء وقت الصيام !

مين أنا ؟؟؟

تمرين "المعدة":🕺💃

تمرين المعدة يعتبر جزء اساسي لصيام صحي للأسباب التالية :

1 دعم الهضم :
وجود بطن مشدود بيسمح للأمعاء بحركة اكتر سلاسة للهضم و دفع الطعام على طول الجهاز الهضمي.😌

2 الاحساس بالشبع :
الضغط يللي بولدو التمرين . بيتفسر من الدماغ كأنو ضغط جوا المعدة !!! المخ ذكي بس المعدة أذكى😉

3 لا تعب :
كتير مننا ما بمارس الرياضة برمضان بسبب التعب قبل وقت الفطور . هالتمرين خاص لعضلات حجمها مجتمعة قد كف اليد ! ف عمليا ما عم تعمل جهد !🤩

4 لا نقصان سريع للوزن :
الصيام الصحيح رح تكونو اثارو جيدة من ناحية انقاص الوزن .التمارين الشديدة ممكن تدعم نقص الوزن بشكل كبير . تمرين المعدة بالمقابل, مناسب للاشخاص الراغبين يحافظو ع وزنون . السبب معدل الحرق المنخفض لتمرين المعدة.👨‍🎤

شير لتعم الفايدة🌸

مساء الخير جميعا"
رح احكي اليوم عن فيتامينات "ب" .
كما عودتكم رح نحكي بالمفيد المختصر .
اذا عجبكم الموضوع رح فصل بكل فيتامين ع حدا وفعلاااا جدا مهم نعرف عنهون :)
لا تنسونا من اللايك والتعليق و الشير :) شكررررررا ع دعمكم المستمر

قلنا هنن مجموعة صح ؟ طيب اديه عدد افراد هالمجموعة ميدي دوز ؟؟؟ 🤔

8 فيتامينات
فيتامين بي1 (الثيامين)
فيتامين بي2 (الرايبوفلافين)
فيتامين بي3 (النياسين أو نياكيناميدي)
فيتامين بي5 (حمض البانتوثينيك)
فيتامين بي6 (بيريدوكسين )
فيتامين بي7 (البيوتين)
فيتامين بي9 (حمض الفوليك)
فيتامين بي12 (كوبالامين )

تمام🤗

طيب شو فايدتون بالحياة ؟؟!😏

كل فيتامين الو شخصيتو المستقلة , لكن بشكل عااااام بيشتغلو ع دعم الوظائف الحيوية لخلايا الجسم (خلايا الكبد , الجلد و الجهاز العصبي ..)

ايوا تمام🤗

يعني اديه اهميتون مقارنة بغير عناصر غذائية متل الكربوهيدرات متلا ؟😅

اقل اهمية , لا يعتبرو عناصر غذائية اساسية متل الكربوهيدرات و البروتين والدهون للاستقلاب الاساس اليومي . لكن في حال نقص تناولهم رح يسبب اعراض مرضية للجسم .

تمام🤗

معناتا ناكل قد ما بدنا و ما نسأل 😍😋

لا كمان زيادة كميتون الو اعراض سلبية عالجسم بس نادرا و اقل شيوع من النقصان ,متلا زيادة تناول الب 6 ممكن يسبب تنميل بالاطراف وصعوبة بالمشي .

حلو🤗

طيب وين موجودين هالفيتامينات بأي اكلات ؟🤔

كل نوع موجود بنوع غذاء معين . باختصار الغذاء المتووووازن هو الحل لحتى نجمعون كللون .

تمام🤗

طيب احيانا في ايام ما اقدر اكل فيها اكل متوازن ! يعني بكون برا البيت طول النهار 😨

على الرغم انها فيتامينات منحلة بالماء يعني مافينو الجسم يخزنها لفترة طويلة , لكن غالبا يحدث العوز عندما يكون النظام الغذائي غير متوازن لفترة متواصلة اكتر من ايام . على سبيل المثال الب 9 فترة وجودو بالجسم 5 اشهر , الب 12 بما يقارب ال5 سنين .

تمممام الله يطمن قلبك😘

اصابات الدماغ قد تكون مربكة للبعض من حيث تحديد مكان الاصابة بدقة . من ناحية اخرى اصابات المخيخ تعتبر ملاحظتها بسيطة في حال رؤية الاعراض التالية :
رأرأة بصرية
رنح جزعي ( اصابة النوى المركزية )
رنح طرفي ( اصابة النوى الطرفية )
صداع قفوي
تصلب في الرقبة

الاعراض العصبية تتبع نفس جهة الاصابة على عكس اصابات قشر الدماغ .
دمتم سالمين .

Brain injuries could be confusing regarding to locating the affected side . on the other hand , cerebellar injuries are much simpler to identify in case we notice the following symptoms :
nystagmus
trunkal ataxia ( central nuclei injury )
limb ataxia ( peripheral nuclei injury )
occipital headache
neck stifness

neurologic symptoms are always ipsilateral in contrast to cerebral cortex injuries which are contralateral .
stay healthy .