By My Pen

واقف مكانك ومحتار شو بدك تعمل وعم تستنى فرصة تغير واقعك ..
تأكد طول ما انت واقف مرح تجي ولا فرصة
بالعكس ممكن تجيك الفرصة بس انت مفضل تبقى واقف مكانك ..
لانك خايف تستغل الفرصة ..
لانك خايف من كلشي جديد ..
حاول مرة ومرتين وتلاتة وكلشي خايف منو انزل من بكرة اعمله ..
رح تلاقي الابواب بلشت تنفتحلك شوي شوي ..
لحتى تلاقي حالك وصلت لمكان انت عمرك ما كنت تحلم فيه ...
: وهون مقولة كريم الشاذلي وضحتلنا كل هالحكي
المخاطرة الكبيرة هي الحياة بلا مخاطر، والخوف الاكبر هو العيش بلا خوف ، والفشل الحقيقي الوقوف خوفا من الفشل

كتبت عاداتك اول السنة روتين معين بدك تمشي عليه بس ما مشيت ولا عملت شي ورجعت متل ما كنت بعد يومين ..
لازم تعرف لما بدنا نبني عادة أو روتين جديد، أهم شي نحط قدّامنا هدف واضح ..
هدف نرجع له كل مرة نحس بالملل، أو لما يخف الشغف ونفكّر نوقف ..
هذا الهدف هو مصدر الطاقة الحقيقي ..
هو اللي بيذكّرك ليش بلّشت، وبيعطيك دفعة تكمل حتى بأيام التعب ..
حاول دايمًا تركز على الغاية، مو على ثقل الخطوات اللي عم تعيشها هلأ ..
اللي عم تعمله اليوم يمكن يبان بسيط أو متعب، بس هو جزء من طريق أكبر ..
ولما توصل…
رح تطلّع لورا وتكتشف إن كل التعب، والسهر، والمحاولات الفاشلة
تحوّلوا لذكريات دافئة، وتجربة بتفتخر فيها.
وهالمقولة لكريم الشاذلي بتلخّص كل اللي انحكى:
«يجب أن نثبت أعيننا على الغاية الكبرى التي نسير إليها كي نستمد منها الحماسة،
ولا نستصغر الخطوات الأولى، بل ننمّيها ونقوّيها بخطوات أخرى تعزّز من رسوخها» ❤