WTS

🔹في ناس مابتقدر تتغدا
او تتعشا هيك بهدوء و صمت
(لازم تشغل مسلسل) ..

🔹بيفتح يوتيوب مثلاً
وبيختار حلقة من دراما نهاية
التسـعينات و بداية الألفية .

🔹وعالأغلب بيكون مسلسل
كوميدي او اجتماعي من اجمل
اعمال الدراما السورية القديمة ..

🔹بيحضر (مرايا، دنيا، عائلتي
وانا، الفصول الأربعة، قوس قزح )
هيك لحتى يخلص اكل و يشبع و
ما يزهق، خاصة اذا لحالو ...

🔹وهي العادة مو بس بسوريا
بسبب قطـع الكهـربا والإعتمـاد
ع النت واليوتيوب عالجوال، كمان
الجاليـة السـورية المغتـربة هيك
بتعمل لأنو بكون وحيد ..

🔹وممكن الشخص ما يتفرج ع
شاشة الموبايل، ويربط اليوتيوب
بشاشة التلفزيون ليشوف أوضح ..

🔹تخيلوا رغم كل السنوات لسه
في تعلق وتمسك بالدراما القديمة
حتى انها اقترنت بموعد الأكل ..

🔹عادات يومية جميلة، بتفكر
لحالك هيك، بتكتشف انو نص البلد
بتعمل متلك حرفياً 🌚✋💙