Haron - Photography

😔
ما عاد في رحمة ..
أنا قدري كان أتصاوب من عشر سنين و يصير معي شلل رباعي و رضيت بقضاء رب العالمين و صابر ..
أنا و عائلتي كان عنا بيت أجمل و أحلى و أدفى بيت بالعالم و راح ..
و تهجرنا و صرنا نستأجر و نعاني و رضينا بقدرنا و صابرين ..😞
بس أكيد مو قدر و مو عدل إنو صاحب البيت يطلب ٣ أضعاف الآجار عن السنة الماضية .. !!
يعني فين نروح و منين نجيب .!؟
أغلب أصحاب البيوت ما ضل عندن رحمة و لا ضمير إلا ما رحم ربي ..
و صار لازم المستأجر يكون عندو مطبعة مصاري حتى يرضي طمعن و جشعن ..!
بس لو يفكر صاحب البيت إنو الله هو حمى بيته من الحرب و الزلزال مو بشطارتو أو بقوته أكيد كان شعر بمعاناة الناس يللي راحت بيوتا و صارت مجبورة تستأجر و تقطع من تما و يشتغلوا ليل و نهار حتى يأمنوا مصاري آجار بيت ينستروا فيه ..
ما رح قول غير حسبي الله و نعم الوكيل ع كل واحد عم يستغل ظروف و أوجاع الناس و يتاجر و يتحكم فيون ..
حاااااج ظلم ..😞
و تذكروا إنو الدنيا فانية و نهايتك تحت الأرض يعني مترين بمتر مع التراب و الدود و قماشة بيضا رخيصة ما إلها جيوب ..
و دمعة و دعوة المظلوم ما في بينها و بين رب العالمين حاجز ..
😢
بدنا بيت يأوينا أنا و عائلتي صالح للسكن ضمن مدينة حلب
و يكون صاحب البيت ضميره صاحي و عنده رحمة و إنسانية و شعور بالآخرين يعني يطلب آجار معقول حتى نقدر ندفعه ..
و كل ما أطلبه إنو البيت ما يكون عالي بسبب وضعي الصحي يعني طابق معلق أو طابق أول ..
عندي يقين و ثقة برب العالمين أنه لن يخيب لنا رجاء و سيبعث لنا من يجبر خاطرنا و يغيثنا ..
إن ربي على كل شيء قدير
عليه توكلنا نعم المولى ونعم النصير ❤️