Kachin Independence Media
แชร์
An Independence Media of Kachinland.
08/03/2026
Majan nbyin ai Hpakant Ta Ma Hkan hta Myen Hpyen nbungli Bawm jahkrat n-na mung Masha si, hkala hkrum
Hpakant - March 8, 2026
Wunpawng Mungdan Hpakant Muk Lum Ta Ma Hkan mare kaw mani Hkying 1 Aten hta Myen hpyen Jat nbungli hte bawm jahkrat ai Majaw hpawmi amyushayi langai si n-na, ginra masha masum lahta hkala hkrum ai lam nga ai hpe ginra masha ni kaw na chye lu ai.
" Hkying 1 ram kaw Jat nbungli hte Kyaw Naing lung Seng lawk kata nbungli bawm jahkrat hkrum ai hta dum nta ni hten mat ai. Nta kata nga ai hpawmi langai dai kaw Nan si mat ai. Hkala hkrum ai gaw marai masum ram re" nga ginra Jauman salang langai tsun ai.
Dai hpakant Ta Ma Hkan maga de majan gasat ai lam Laga n-nga ai Rai Tim ya na zawn mung Masha ni shara de mara kata nbungli bawm jahkrat ai re nga n-na matut tsun ai re.
Raitim March 6 ya Shani hta hpakant Yu Ma maga de Myen hpyen ni kawn hpyen n-gun shadut wa ai majaw Wunpawng Mungdan Shanglawt hpyen dap (KIA) hte gasat gala ai lam nga n-na March 5 ya Shani hta gaw Kalat Kawng maga Lak Nak Kaba Hkrat ai Majaw Amyu shayi lahkawng hkala hkrum ai lam nga ai hpe mung matut chye lu ai.
Ya ten hta Man Maw, Wai Maw, Hpakant zawn re ginra ni de Myen hpyen maga Masha n-gun, nbungli ni hte n-gun dat gasat nga ai. Lai wa sai March shata 6 ya hta Man Maw majan hta Myen hpyen ni a Mi-17 Nbungli langai hpe KIA ni gap hkra ai lam nga ai hpe chye lu ai.
21/02/2026
Myitkyina Muklum nbungli daru hta drone hkrat Kapaw ai hte Mungdaw Hkringmang Hkyet Hting Nan Dum n'ta makau Lak Nak Kaba si hkrat Kapaw ai lam byin
Myitkyina - February 21, 2026
Wunpawng Mungdan, Myitkyina Muklum Shatapru lawk (4) Manhkring lam na Myen Hpyen Komashin a Mungdaw Hkringmang Hkyet Hting Nan a Dum n'ta makau e dai hpawt manap Hkying 1:00 ram hta Lak Nak si kaba hkrat Kapaw ai lam nga ai hpe chye lu ga ai.
Dai zawn Lak Nak si kaba hkrat Kapaw ai majaw mung kaji hte Mung Masha marai (2) hkra hkala hkrum ai sha n'ga, Dum nta nkau hte arung arai ni mung hten za hkrum ai lam nga ai re lam gringra Masha langai tsun ai kaw na chye lu ga ai.
" Chyum tari ni hkrai nga ai shatapru maga Lak Nak Kaba Hkrat ai re. Dai kaw ma kaji Shan yen nu hte salang langai hkra hkala ai. Grai gaw n sawng ai " nga na Shatapru lawk nga salang langai tsun ai re.
Dai sha n'ga mana daw hkying 8:40 daram hta Myitkyina nbungli Daru hta drone hkrat Kapaw ai majaw Myitkyina kawn Mandalay de Yu na, mung Masha (70) lawm ai Myen Asuya madu ai nbungli (MNA) baw hte ning mai hta hkra Kapaw ai lam byin ai hpe matut chye lu ga ai.
Dai majaw Myitkyina kata Lak Nak kaji kaba ngoi ai lam na lu n'na, M.P.Hk kawn Lak Nak Kaba hkrup mara gap shadam ai lam na lu ai hpe mung matut tsun ai kaw na chye lu ga ai.
Lai wa sai February 12 ya hta mung Myitkyina nbungli pa hte nbungli Daru makau hta drone hkrat Kapaw ai lam ni ngai wa n'na, ndai lang hte Rai yang lahkawng la re sai lam chye lu ga ai.
Hpakant ginra kata Hpyen majan a majaw Mung Masha ni Shimlum a matu myit tsang nga
Hpakant - February 16, 2026
15/02/2026
Hpakant Ginra hta Laja Lana majan byin nga n'na, Mung Masha ni mung hkra hkala si hkrum ai ni nga ai
Hpakant - February 15, 2026
Wunpawng Mungdan, Hpakant ginra Lung Hkawng Nyeing Chan That Yar (Hk) Hkun Sar Kong na Myen SitKawmashin a Palik dap langai hpe Shani Hkying 2:00 p.m ten kaw na KIA hte rawt malan pawng hpawm ni htim gasat n'na Laja Lana majan byin nga ai re lam chye lu ga ai.
" Majan gaw mani Laja Lana byin ai. Lung Hkang Myen Palik dap hpe htim gasat ai re. Mana maga lu la kau sai zawn gaw nga ai." nga n'na ginra masha langai tsun ai re.
Dai zawn majan byin ai hta lahkawng maga Lak Nak si majaw hte Myen SitKawmashin kawn nbungli bawm wa jahkrat ai Majaw Ginra mung Masha ni hkra hkala si hkrum ai lam ni mung nga ai re hpe chye lu ai.
" Lak Nak Kaba ni hte hkam bawm ni majaw mung Masha grai si hkala sai law. Mani mana mung nbungli bawm wa jahkrat ai Majaw Jan G*t mare RC nawku Jawng kaw hkrat n'na mung mare Masha langai si hkala ai. Si gaw marai 4 hte 5 lapran gaw re hkala ai mung 10 Jan na re" nga n'na Ginra Masha hpawmi langai tsun ai re.
Ya Aten Hpakant ginra hta majan laja nga ai majaw Lung Hkang Kahtawng de na mare 3 na Mung Masha ni hpyen koi yen nga ai hpe matut n'na chye lu ai.
India Mungdan na Jinghpaw Myusha ni (42) Lang Na Shapawng Yawng Manau Poi Kaba galaw
India,Miao - February 15, 2026
India Mungdan na Jinghpaw Myusha ni 42th Shapawng Yawng Manau Poi hpe, India Mungdan, Arunachal Pradesh Changlang Mung, Miao muklum hta wu wu di di hte galaw ai lam rai nga ai.
Manau poi hpe February (12) Shani kaw na February (15) ya du hkra Mali ya tup galaw ai rai n'na, Poi Baw Manau, Htunghking Manau, Kumrun Manau, Sut Manau hte Poi Sat Manau ni hte Laga Yu Ngwi pinra hte Laga lamang amyu law law mung lawm ai re.
Ya na zawn (42) Lang na Shapawng Yawng Manau Poi hta Wunpawng Mungdan na sa du ai shanglawm ai Kahpu Kawa langai kaw na shi a mu mada lam hte Hkamsha lam hpe, ya na zawn tsun ai re.
"E ndai lai wa sai 25 ning Jubilee hta, 2009 ning hta ngai sa du ga ai. Sa nau ai. Dai shaloi gaw tsawm ra mi naw yak ai rai nga ai. Manau dum ai manau nau ai; bau ni chying ni dum ai pyi naw loi n ra ai le i. Ngai hku na 1, 2, 3, 4 dai hku na marawn ya na woi dum, ngai nan mung dum, dai hku na rai ai. Ya dai ni gaw grai hkrak sai. Woi galaw ai Kanu Kawa ni mahkrum madup mung grai nga sai. Ngut yang, ndai Manau nau ai, nau ra kata de shang jang htunghking buhpun sumraw ai lam n nga yang, n shang shangun ai i. Shi a security (shimlam) hte hkrak rai nna grai hkrak hkra woi nau ai hpe mu sai. Dai majaw, lai wa sai ten ni hta anhte Manau n nga ai ten, ndai kaw na anhte myusha ni Singhpo ni nkau gaw ndai kaga myu tai mat wa ai le i. Ndai mungdan kaba amyu kaba kaw raw ai re nga yang she, dai zawn rai mat wa sai rai tim, dai ni gaw ndai Manau a marang e shada da hkrum zup, Manau lu ai amyu re ng anna shada da ya na zawn kahkin gumdin ai hpe anhte hkam la lu ai majaw, grai kabu ai. Grai mung rawt jat was ai. Dai hta n-ga ya ndai Manau a marang e anhte Kanu mungdan hta Manau n l unau ai i. Mungmasa n pyaw ai majaw, ya ndai de anhte masum tsa hkawt sa du ai. Anhte chyahkring hkring i. Ngai gaw ya; hkawng ning masum ning nga yang galang lang sa ai hku rai nga. Ndai de sa du, yu-ngwi mahkawn ni mung shanglawm di na Manau mung nau, ndai kaw anhte jinghku jing-yu ni mung grai nga ai. E ndai zawn rai hkrumzup lu ai gaw, anhte Manau a chyeju, anhte htunghking hpe tsawra ai majaw, htunghking hpe makawp maga ai majaw ai a marang e ya na zawn anhte myusha ni hkrumzup ai hta sha n-ga, anhte mayu, dama, kahpu kanau ngu ai anhte myusha ni i ndai zawn rai nga ai labau hte maren, ndai kaw nye kahpu kanau ni nye jinghku jing-yu ni grai nga ai. Nye dam ani nga ai. Ndai zawn lu hkrumzup lu ai re ngu na, laklai lam, hkamsha lam hpe tsun dan ai ga rai sai law.”
Dai Manau Poi hta, Wunpawng Mungdan na Masha 300 Jan sa du ai sha n'ga Laga Mungdan shagu na Wunpawng Myusha ni mung sa du shanglawm ai n'na shawa hkying hku re lam matut chye lu ga ai.
Dai Manau Poi hta e Wunpawng Amyusha ni a Htunghking Maka hte seng ai hte Laga manu Dan ai Labau madun gawk ni mung galaw da ai lam mu lu ga ai.
Shapawng Yawng Manau Poi hpe Shaning shagu galaw sa wa ai rai n'na Lai wa sai 2025 Ning na (41) lang na Shapawng Yawng Manau Poi hpe gaw India Mungdan, Namsai gingwang, Namgo Muk Lum hta galaw Lai wa ai re.
13/02/2026
Waimaw ginra na Mare ni de Myen Sitkawmashin ni kawn nbungli hte laknak kaba ni gap ai majaw Mung mare masha si hkala hkrum
Waimaw - February 14, 2026
Wunpawng Mungdan, Waimaw ginra Da law hte San Hka mare de mani hkying 12 aten hta Myen hpyen ni kawn Y-12 nbungli hte (5) lang wa da bat n'na bawm wa jahkrat lam nga ai hpe chye lu ai.
Dai nbungli hte bawm wa jahkrat ai majaw Mung mare masha ni si hkala hkrum ai lam law ai hpe mung na chye lu ai.
" Myitkyina na mali hka le ra hkran re nga ai Da law hte San Hka mare ni hta Y-12 nbungli hte bawm wa jahkrat ai re. Yawm htum ga wa(5) lang da bat na nan wa jahkrat ai. Mung masha gaw marai (2) si ai da, hkala ai gaw tsawmra law ai zawn nga ai" nga n'na Myitkyina munglum myitsu salang langai tsun ai re.
Dai sha n'ga mani shawng shani hkying 11:00 P.M aten hta mung Waimaw ginra Na lagat yang mare de Myen Sitkawmashin ni nbungli hte bawm wa jahkrat ai hte MyakPaingDaing (M.P.Hk) de na mung lak nak kaba ni rau shana Tup gap bang ai lam nga ai hpe shawnglam shisawk ni kawn chye lu ga ai.
"Mana Myitkyina (MP.Hk) de na lak nak kaba ni hte shana tup gap ai re. Dai shawng kaw Nampawng nbungli dap de na Lung wa ai nbungli hte bawm wa jahkrat ai lam nga ai. Majan gaw N nga ai law. Majan gaw Waimaw (58) de she re mi" nga n'na tsun ai re.
Dai zawn gap gasat ai majaw aming masha dum nta nkau hten za mat ai lam nga tim mung masha hkra hkala ai lam n-nga ai hpe matut chye lu ga ai.
Dai Na lagat yang mare kaw lai wa sai February 4 kaw mung Myen Sitkawmashin kaw n'na bawm wa jahkrat ai majaw Mung masha langai si hkrum na dum nta hte mawdaw law law wa wan hkru hten za sum mat ai lam nga lai wa ai re.
Lai wa sai February 8 ya kaw na Myen Sitkawmashin a( M.P.Hk )hte Nampawng hpyen nbungli daru hpe KIA hte pawnghpawm rawt malan hpung ni kawn jahkring hkring sa gap gasat ai lam nga ai.
Hpakant Muklum hta Ma (4) ginsup nga ten Laknak kaba bawm kapaw n'na marai (1) si na (3) hkra hkala sawng
Hpakant - February 13, 2026
Wunpawng Mungdan, Hpakant Muk Lum Maw Wan kahtawng Tawng Pyu Mare hta dai hpawt manap hkying (8) aten hta Laknak kaba kapaw n'na shanit ning re ma langai si mat ai hte Ma manang marai masum hkala sawng ai lam chye lu ga ai.
" Shd. Ne Win Tum asak (7)ning gaw dai kaw nan ai kalau mat ai, Asak (11) re ai Shy. Nan Hkaing Ake hte Oo Lo Kin gaw hkala sawng ai hte asak (3)ning re ai Min Thu Rainga kaw nau matsang ra ai" nga n'na Mare masha salang langai tsun ai re.
Dai Ma ni gaw nta shawng na kawng ntsa de kasup chyai nga shara jat laknak kaba kapaw wa ai majaw re ai lam sha n'ga dai mare hte ni ai shara hta rawt malan hpung nkau dap jung nga ai lam hpe mung matut tsun ai re.
Dai laknak kaba kapaw ai lam gaw myen Tsitkanwgsi ai Hpyendap kawng maga na laknak kaba gap ai hkrat kapaw ai lam shing nrai hkawm bawm kapaw ai lam rai ga aga wtup hkrak nchye shi ai lam Hpakant rawtmalan hpyen masha langai tsun ai re.
"Ya byin ai gaw hkam bawm kun? Laknak kaba bawm hkrat kapaw ai kun? Atsawm nchye lu shi ai. Anhte dap ni gaw dai mare shingban de she re grai tsan ai. Ya aten gaw Myen ni hpyendap kawng na laknak kaba hkrup mara gap shadam ai nga ai re." nga tsun ai re.
Dai zawn sha mani February 12 kaw mung Hpakant Maw Wan lawk kaw lam makau hkam da ai bawm kabye kapaw la n'na Maw Wan buga hpung tau langai mung hkala sawng ai lam nga ai hpe matut chye lu ga ai.
Hpakant ginra hta lai wa sai shata kawn KIA rawt malan pawng hpawm ni hte Sitkawngsi ni lapran majan laja nga n'na Drone hte laknak kaba ni a majaw Mung masha hkra hkala si hkrum ai lam law law nga wa ai re.
13/02/2026
Myitkyina Muklung nbungli daru gasat hkrum ai majaw hkrunlam yawng jahkring da ai
Myitkyina - February 13, 2026
Wunpawng Mungdan, Myitkyina Muk Lum kata na nbungli daru hpe mani daw aten hta Drone hte lak nak kaba ni hte gap gasat hkrum ai majaw nbungli hkrunlam yawng pat da sai re lam chye lu ga ai.
Lak nak kaba hte Drone ni hte gap gasat hkrum ai hta nbungli pa na dum nta nkau hte nbungli hkawm lam ni hkra mat ai majaw galoi ten she nbungli hkrum lam bai hpaw na nchye shi ai lam nbungli jawn masat pa dut ai amyu shayi langai tsun ai re.
" Nbungli hkrunlam galoi bai hpaw na gaw garai nchye shi ai le. Lak nak kaba hkra ai kun, si hkam Drone hkra ai kun da. Atsawm gaw nchye ai le. Nbungli hkawm lam kaw hkrat hkra ai zawn nga ai" nga n'na tsun ai re.
Dai zawn sha, mana daw ten hkying 7:00 ram hta Myitkyina nbungli pa sa lam Aung Ze Ya Manna Hpunggyi jawng makau, hpara hkying mi makau na sak kung lakawn nta ntsa e mung Drone langai hten hkrat kapaw ai lam nga ai lam myi chyaw mu ai amyu shayi langai ya na zawn tsun ai.
Nta makau na sak kung lakawn nta ntsa Drone bawm hkrat kapaw ai shadu ai. Bawm hkyep ni pi nta maga de gama hkra ai. Hpa gaw nbyin hkrum ai. Nta makau kaw nga yang gaw loi gaw gahpra mat ai le." nga n'na tsun ai re.
Myitkyina nbungli pa hte makau hkan pyen wa ai Drone ni hpe sitkawngsi ni kawn si nat ni hte hkan gap jahkrak hkawm taw ra ai re nga n'na chye lu ga ai.
Lai wa sai February shata shawnglawt hta Myitkyina Nam pawng hpyen nbungli daru na Radar rung hpe Drone hte gasat gap kapaw kau ya ai lam KIO/KIA ningtau ningbaw langai Dukaba Sumlut Gun Maw rawt malan nhtoi shani tsun ai re.
11/02/2026
Hpakant ginra Majan laja nga ai zawn, Majan Lak nak Majaw mung Masha si hkala hkrum
Hpakant - February 11, 2026
Wunpawng Mungdan, Hpakant Muklum kata majan laja byin nga ai sha n ga, Majan Lak Nak majaw mung Masha ni si hkala hkrum ai lam, nga ai hpe chye lu ai.
Hpakant Muklum San Chyoi Buga hta mung Masha dum nta nta lak nak si hkrat ai majaw mung Masha ni hkala hkrum ai lam nga n'na , Mashi Kahtawng hta e Ga bawm kabaw n'na salang langai si, madu Jan hkala hkrum ai lam nga ai hpe chye lu ga ai.
" Dai ni gaw shani tup gap hkat ai re.(San Chyoi mare) maga mung Masha ni dum nta de Lak Nak Si kaba ni hkrat ai majaw hka shin gawk kaw rai hkrut taw ai amyu shayi langai hkala ai, Mashi Kahtawng mare Shwe Myanmar jak sau seng kaw mung madu Jan madu wa yen Ga bawm Kapaw la n'na madu wa gaw si madu Jan gaw hkala ai lam nga ai re " nga n'na salang langai tsun ai.
Ya na zawn mung Masha ni hkala hkrum ai majan Lak nak gaw gara wuphung maga na Lak Nak re hpe tup hkrak nchye ai lam matut tsun ai kaw na chye lu ai.
Ya Aten Hpakant Muklum maga Myen hpyen Tsitkawngsi ni hpyen n'gun hte shadut lung wa ai hte KIA rau Shawnglawt pawnghpawm hpung ni kawn n'na gap shingla kasat ai majaw majan kaba nga ai lam hpe chye lu ga ai.
(65)NING HPRING RAWT MALAN MASAT NHTOI MUNGGA (Lai Za TV)
Wunpawng Mungdan - February 5, 2026
คลิกที่นี่เพื่อเป็นสมาชิก?
ประเภท
เว็บไซต์
ที่อยู่
Hua Mak
Bang Kapi