National Unity Pages

លោកប្រធាន សម រង្ស៊ី បានកាច់បំបាក់ធ្មុងមេខ្លោងឧក្រិដ្ឋជនកម្ពុជានៅតុលាការប្រទេសបារាំង ធ្វើឲ្យផ្អើលពិភពលោកស្គាល់មុខមេខ្លោងឧក្រិដ្ឋជនបាតដៃប្រឡាក់ឈាមខ្មែរកាន់តែច្បាស់ ។

ព័ត៌មាន​ក្តៅៗ...!! កាលពីព្រឹមមិញនេះលោក​ ថែល​ ធីលែន​ ដែលដើរដាក់ញត្តិមិនគាំទ្រឱ្យមានដេប៉ាដឺម៉ង់ភាសាយួ+ន និង ប័ណ្ណស្នាក់នៅពេញសិទ្ធិដល់ជនអន្តោប្រវេសយួ+ន ត្រូវសមត្ថកិច្ចខេត្តកណ្ដាលស្លៀកពាក់ស៊ីវិលមកចាប់ខ្លួននៅមុខសាលារាជធានីភ្នំពេញហេីយ​ ពេលនេះមិនទាន់ដឹងថាបញ្ជូនទៅទីកន្លែងណានោះទេ​ ។ ក្នុងនាមយេីងជាយុវជនខ្មែរ​ សូមអំពាវនាវទៅដល់អង្គការជាតិនិងអន្តរជាតិ​ ជួយតាមដាននិងឲ្យមានការដោះលែងយុវជនរូបនេះឲ្យមានសេរីភាពដោយគ្មានលក្ខខណ្ឌ​ ។

ទិដ្ឋភាពទូទៅនៅមុខសាលាដំបូងរាជធានីភ្នំពេញ ព្រឹកថ្ងៃទី២៩ ខែកញ្ញា ឆ្នាំ២០២២នេះ

នៅព្រឹកនេះ សាលាដំបូងរាជធានីភ្នំពេញដែលជាឧបករណ៍នយោបាយរបស់របបក្រុងភ្នំពេញ បានបើកសវនាការកាត់ទោស ឯកឧត្ដម​ សុន ឆ័យ អនុប្រធានគណបក្សភ្លើងទៀន នៅក្នុងសំណុំរឿងបរិហារកេរ្តិ៍ជាសាធារណៈថា «លួចបន្លំសន្លឹកឆ្នោត» តាមបណ្តឹងគណៈកម្មាធិការជាតិរៀបចំការបោះឆ្នោត (គ.ជ.ប) និងគណបក្សប្រជាជនកម្ពុជា ពាក់ព័ន្ធនឹងការបរិយាយតាមសារព័ត៌មានដោយចោទថា លទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ កន្លងទៅ មានការលួចបន្លំសន្លឹកឆ្នោត។ គណបក្ស​ប្រជាជន​កម្ពុជា​បាន​ប្ដឹង​ ឯកឧត្ដម​ សុន ឆ័យ ពី​បទ​បរិហារ​កេរ្តិ៍​ជា​សាធារណៈ កាល​ពី​ថ្ងៃ​ទី១៤ មិថុនា និង​ទាមទារ​សំណង​ជំងឺ​ចិត្ត​លុយ ១លានដុល្លារ។ ដូច​គ្នា​នេះ​ដែរ គណៈកម្មាធិការ​ជាតិ​រៀបចំ​ការ​បោះ​ឆ្នោត ក៏​បាន​ដាក់​បណ្ដឹង​ឯកឧត្ដម​ សុន ឆ័យ ពី​បទ​បរិហារកេរ្តិ៍​ដូច​គ្នា​នេះ​ដែរ និង​ទាមទារ​ឲ្យ​លោក សុន ឆ័យ ធ្វើ​លិខិត​សុំ​ទោស​ជា​សាធារណៈ។

លោក​មេធាវី ជូង ជូងី ដែលជាមេធាវី​ការពារ​ក្ដីរបស់​លោក សុន​ ឆ័យ​ លើក​ឡើង​ថា ការ​បញ្ចេញ​ទស្សនៈ​នៃ​កូនក្ដី​លោក​រឿង​រិះគន់​បញ្ហា​បោះ​ឆ្នោត គឺជា​សិទ្ធិ​បញ្ចេញ​មតិ មិន​មែន​ជា​ការ​បរិហារកេរ្តិ៍​ជា​សាធារណៈ ដូច​ការ​ចោទ​ប្រកាន់​ឡើយ។

ឯកឧត្ដម​ សុន ឆ័យ អនុប្រធានគណបក្សភ្លើងទៀន តែងតែ​អះអាង​ដដែលៗ ថា លោក មិន​បាន​និយាយ​ខុស​ពី​ការ​ពិត​ឡើយ ហើយ​អ្វី​ដែល​លោក​និយាយ​ជា​សិទ្ធិ​សេរីភាព​របស់​លោក​ស្រប​តាម​រដ្ឋធម្មនុញ្ញ លោក​ក៏​រក្សា​ជំហរ​មិន​សុំ ទោស​នូវ​អ្វី​ដែល​លោក​បាន​រិះគន់​នោះ​ដែរ៕