K.SS reaction

គេថា "ធ្វើ Marketing ទាល់តែចាយលុយ"
ចុះ "បើ​អត់លុយចាយ អាចធ្វើ Marketing ដោយរបៀបណា?
សិល្បៈ​ធ្វើទីផ្សារមិនចាយលុយ | ZERO-BUDGET MARKETING ពឹងផ្អែកលើ cost-effective strategies ដើម្បីផ្សព្វផ្សាយទំនិញ ឬសេវាកម្ម ។
នេះជា ៥ វិធីដែល​អាចធ្វើទីផ្សារដោយមិនចំណាយប្រាក់៖
🌲 គន្លឹះទី ១ - ​CONTENT MARKETING៖ បង្កើតមាតិកា ដែល​អតិថិជនគោលដៅចង់ដឹង ដោយ​រាប់បញ្ចូលទាំងការបង្កើតមាតិកាដែលជួយដោះស្រាយបញ្ហាអតិថិជន និង ផ្ដល់ដំណោះស្រាយល្អៗ ហើយភ្ជាប់ដំណោះស្រាយនោះទៅនឹង ផលិតផលដែល​អ្នកកំពុងលក់ ។

🌲 គន្លឹះទី ២ - Email Marketing៖ អ្នកអាចប្រមូលយក Email របស់អតិថិជនគោលដៅ ដោយផ្ដល់ HVCO (High-value Content Offer) ដែល​បន្ថែម​ការយល់ដឹងបន្ថែមពីដំណោះស្រាយ ដែល​អតិថិជនគោលដៅត្រូវការ ដើម្បីដោះដូរជាមួយ Email របស់គេ ។

នៅវីដេអូក្រោយៗរបស់ NSC Series ខ្ញុំ​នឹងលើកឡើងពី Case Study នៃការប្រើប្រាស់និងប្រសិទ្ធភាពរបស់ Email Marketing ទៅលើការធ្វើទីផ្សារក្នុងស្រុក ។

🌲 គន្លឹះទី ៣ - Personal Branding: មនុស្សទិញមនុស្ស មុនទិញផលិតផល ។ អតិថិជនបច្ចុប្បន្ន​និយម​ទិញពីមនុស្ស​ដែលគេស្គាល់​និងគួរឲ្យទុកចិត្ត ។ នៅពេល​ដែល​អ្នកកសាង យីហោផ្ទាល់ខ្លួនបានល្អ នោះអ្នកក៏នឹងងាយលក់ផលិតផល​ដោយមិនចាំបាច់ចាយលុយប៊ូសបានផងដែរ ។

🌲 គន្លឹះទី ៤ -សហការជាមួយគួប្រជែង៖ មានទស្សនៈមួយយល់ថា ការរកស៊ីគ្មានគូប្រជែងទេ មានតែមិត្តរួមវិស័យ (Friend in the same industry) ។ ម្ចាស់អាជីវកម្មមានសិទ្ធជ្រើសរើសថាធ្វើជាគូសត្រូវឬជាមិត្តរួមវិស័យជាមួយនឹងអ្នករកស៊ីផ្សេងទៀត ។ ប្រសិនបើអាចសហការជាមួយគូរប្រជែងហើយបែងចែកទីផ្សារឲ្យគ្នា ដោយឈរលើចំនុចខ្លាំងរៀងខ្លួន នោះប្រាកដជាមិនចាំបាច់ត្រូវចំណាយលុយផ្សព្វផ្សាយឲ្យទៅភាគីទី៣ទេ ។

🌲 គន្លឹះទី ៥ - យកភ្ញៀវចាស់ជាបណ្ដាញលក់៖ មនុស្សចូលចិត្តទិញតាមការណែនាំរបស់មិត្តភក្ដិ​ឬមនុស្ស​ដែល​គេស្គាល់ជិតដិត ដូចនេះហើយ​គេងាយជឿជាក់ទៅលើផលិតផលដែលមិត្តភក្ដិរបស់គេណែនាំ ។ បើគង់តែចាយលុយឲ្យ Facebook និង TikTok ដដែល​ ហេតុអ្វីមិនផ្ដល់ Loytaly Program ឬ Affiliate Program ឲ្យទៅអតិថិជនដែល​មានស្រាប់ឲ្យពួកគាត់ជួយណែនាំបន្ដ ឬទិញបន្ថែមម្ដងហើយម្ដងទៀតទៅ?
នេះគ្រាន់តែជាគំនិតទាំង ៥ ដែល​អ្នកអាចពិចារណាក្នុងការប្រើប្រាស់ Zero-budget Marketing ដើម្បីធ្វើទីផ្សាររបស់អ្នក​ឲ្យកាន់តែមានប្រសិទ្ធភាព ។