CASRO

💥យល់ដឹងពីការប្រឡងសិស្សមន្ត្រីក្រមការ 🩵✨

១. លក្ខខណ្ឌប្រឡង

១.១. លក្ខខណ្ឌសញ្ញាបត្រ

-ត្រូវមានសញ្ញាបត្រទាបផុតមធ្យមសិក្សាទុតិយភូមិបូក២ (បរិញ្ញាបត្ររង ឬចប់ឆ្នាំទី២) ឬសញ្ញាបត្រសមមូលដែលមានតម្លៃស្មើ
-មិនកំណត់ជំនាញ

១.២. លក្ខខណ្ឌអាយុ

-បេក្ខជនជាមន្រ្តីរាជការ ឬមានសញ្ញាបត្របណ្ឌិតត្រូវលើកលែងលក្ខខណ្ឌអាយុ

-បេក្ខជនដែលមានសញ្ញាបត្របរិញ្ញាបត្រជាន់ខ្ពស់ (អនុបណ្ឌិត) ឬសមមូលត្រូវមានអាយុច្រើនបំផុត ៤០ឆ្នាំ

-បេក្ខជនដែលមានសញ្ញាបត្របរិញ្ញាបត្រ ឬសមមូល ត្រូវមានអាយុច្រើនបំផុត ៣៥ឆ្នាំ

-បេក្ខជនជនដែលមានសញ្ញាបត្រមធ្យមសិក្សាទុតិយភូមិបូក២ ឬសមមូលត្រូវមានអាយុច្រើនបំផុត ២៨ឆ្នាំ។

២. វិញ្ញសាប្រឡង

២. ១ ដំណាក់កាលទី១

-វិញ្ញាសាពហុចម្លើយ (QCM)

២.២ ដំណាក់កាលទី២

-វិញ្ញាសាទី១៖ អធិប្បាយ និងសំណួរខ្លី

-វិញ្ញាសាទី២៖ ពហុចម្លើយ (QCM) ភាសាបរទេស (ភាសាអង់គ្លេស ឬ ភាសាបារាំង)

៣. ការបណ្ដុះបណ្ដាល

-រយៈពេល ១ឆ្នាំ

-ថ្ងៃចន្ទ ដល់ ថ្ងៃសុក្រ

-ព្រឹក និង ល្ងាច

-ទទួលបានប្រាក់ឧបត្ថម្ភ

៤. អត្ថប្រយោជន៍ក្រោយចប់ការបណ្ដុះបណ្ដាល

-ទទួលបានក្របខណ្ឌ ខ.៣.២ (ប្រសិនបើមានបរិញ្ញាបត្រ ខ.៣.១)
-ប្រាក់បំណាច់មុខងារស្មើនឹងអនុប្រធានការិយាល័យ ថ្នាក់កណ្ដាល

៥. ប៉ុស្តិ៍បំពេញការងារ

-ជ្រើសរើសមុនពេលប្រឡង

-រដ្ឋបាលក្រុង ស្រុក ខណ្ឌ (សិស្សមន្ត្រីក្រមការជំនាន់ទី១១ ចុងក្រោយ)

#ឆេងសារី

ឱកាសមកទៀតហើយ! សេចក្ដីជូនដំណឹង អគ្គលេខាធិការដ្ឋាន អាជ្ញាធរសេវាហិរញ្ញវត្ថុ មិនមែនធនាគារ ត្រូវការជ្រើសរើសមន្ត្រីលក្ខន្តិកៈ ចំនួន ១០ រូប។

លក្ខខណ្ឌ

ក្រសួងមុខងារសាធារណៈ សូមជម្រាបជូនអភិបាលនៃគណៈអភិបាលក្រុង ស្រុក ខណ្ឌ ស្តីពីសំណើតម្រូវការសិស្សមន្ត្រីក្រមការ ជំនាន់ទី១២ ដើម្បីឱ្យទៅបម្រើការងារនៅតាមរដ្ឋបាលក្រុង ស្រុក ខណ្ឌ សម្រាប់ផែនការក្របខណ្ឌឆ្នាំ២០២៧

ដើម្បីគាំទ្រដល់ការពង្រឹងសមត្ថភាពរបស់រដ្ឋបាលថ្នាក់ក្រោមជាតិ ក្រសួងមុខងារសាធារណៈ ដែលមានសាលាភូមិន្ទរដ្ឋបាលជាសេនាធិការ នឹងរៀបចំការជ្រើសរើសសិស្សមន្ត្រីក្រមការ ជំនាន់ទី១២ ក្នុងឆ្នាំ២០២៥ សម្រាប់បណ្តុះបណ្តាល រយៈពេល ១ឆ្នាំ (២០២៦) ដើម្បីផ្តល់ជូនក្របខណ្ឌចំនួន ១រូប ឱ្យទៅបម្រើការងារនៅតាមរដ្ឋបាលក្រុង ស្រុក ខណ្ឌនីមួយៗ សម្រាប់ផែនការក្របខណ្ឌឆ្នាំ២០២៧។

ដើម្បីឱ្យការជ្រើសរើស និងការបណ្តុះបណ្តាលសិស្សមន្ត្រីឆ្លើយតបនឹងតម្រូវការការងារជាក់ស្តែងរបស់រដ្ឋបាល ក្រុង ស្រុក ខណ្ឌនីមួយៗ ក្រសួងមុខងារសាធារណៈ សូមស្នើដល់លោក លោកស្រី ធ្វើលិខិតបញ្ជាក់ពីចំនួនតម្រូវការសិស្សមន្ត្រីក្រមការ ផ្ញើមកសាលាភូមិន្ទរដ្ឋបាល និងចូលរួមការវាយតម្លៃតម្រូវការសិស្សមន្ត្រី តាមរយៈ https://go.gov.kh/era/kramakar11 ឬស្តេន QR Code ឱ្យបានមុន ថ្ងៃទី១៨ ខែវិច្ឆិកា ឆ្នាំ២០២៥ ជាកំហិត។

ប្រសិនបើ លោក លោកស្រី មិនបានផ្ញើលិខិតតបបញ្ជា តាមពេលកំណត់ទេ មានន័យថា រដ្ឋបាលក្រុង ស្រុក ខណ្ឌ មិនមានតម្រូវការសិស្សមន្ត្រីក្រមការ ដែលបញ្ចប់ការបណ្តុះបណ្តាល បានផ្ញើលិខិតតបបញ្ជាក់ពីចំនួនតម្រូវការ ពីសាលាភូមិន្ទរដ្ឋបាលទេ។