Migrant Information Center

မင်္ဂလာပါခင်ဗျာ။ Migrant Information Center ကနေ ကြိုဆိုလိုက်ပါတယ်နော်။ ပြည်ပထွက်ဖို့ပြင်ဆင်နေသူတွေအတွက် ပထမဆုံးနဲ့ အရေးကြီးဆုံး ခြေလှမ်းကတော့ Passport ရှိဖို့ပါပဲ။ ဒီနေ့မှာတော့ အခုလက်ရှိ မြန်မာနိုင်ငံမှာ Passport လျှောက်ထားဖို့ ဘာတွေလိုအပ်လဲ၊ ဘယ်လိုလုပ်ရမလဲဆိုတာကို အသေးစိတ် ပြန်လည်မျှဝေပေးလိုက်ပါတယ်။

1️⃣ အွန်လိုင်းမှ QR Booking ရယူခြင်း (Online Appointment)
အရင်ဆုံး www.passport.gov.mm Website ကနေတစ်ဆင့် အွန်လိုင်းဘိုကင် (QR Code) အရင်ယူရပါမယ်။
* ရန်ကုန်ရုံးအတွက် ဆိုရင် Online Booking စနစ်နဲ့ QR ရယူရပါတယ်။
* နယ်ရုံးတွေမှာတော့ သတ်မှတ်ထားတဲ့ ရက်အလိုက် တန်းစီစနစ် (သို့မဟုတ်) Booking စနစ်နဲ့ ဆောင်ရွက်ပေးပါတယ်။

2️⃣ လိုအပ်သော စာရွက်စာတမ်းများ
လျှောက်ထားတဲ့အခါ အောက်ပါမူရင်းနဲ့ မိတ္တူတွေ ယူဆောင်သွားရပါမယ် -
✅ မှတ်ပုံတင် (NRC) - မူရင်းနှင့် မိတ္တူ (ရှေ့/နောက်)
✅ အိမ်ထောင်စုစာရင်း (Household List) - မူရင်းနှင့် မိတ္တူ
✅ Smart Card မူရင်းနှင့်မိတ္တူ
✅ QR Booking ပရင့်ထုတ်ထားသော စာရွက် - (အွန်လိုင်းကရထားတဲ့ QR Code)
✅ အလုပ်အကိုင်အထောက်အထား - (PJ - အလုပ်သမား Passport ဆိုရင် အလုပ်ခန့်ထားမှု စာချုပ် သို့မဟုတ် သက်ဆိုင်ရာ ထောက်ခံစာများ လိုအပ်နိုင်ပါတယ်)

3️⃣ Passport အမျိုးအစားများ
✅ PV (Visit Passport): အလည်အပတ်သွားမယ့်သူများ။
✅ PJ (Job Passport): ပြည်ပမှာ အလုပ်သွားလုပ်မယ့်သူများ (အေဂျင်စီ သို့မဟုတ် မိမိအစီအစဉ်ဖြင့် သွားသူများ)။
🖇️ မှတ်ချက် - PJ သမားတွေအနေနဲ့ ပြည်ပအလုပ်အကိုင် အလုပ်သမားသက်သေခံကတ်ပြား (OWIC) လုပ်ဖို့ လိုအပ်ပါတယ်။

4️⃣ ကုန်ကျစရိတ်နှင့် ကြာမြင့်ချိန်
✅ နိုင်ငံတော်မှ သတ်မှတ်ထားတဲ့ Passport ဖိုး ငွေကျပ် ၃၅,၀၀၀ ဝန်းကျင် (ဘဏ်ကနေတစ်ဆင့် ပေးသွင်းရခြင်းမျိုး ရှိနိုင်ပါတယ်)။
✅ QR ရတဲ့ရက်မှာ ရုံးကိုသွား၊ ဓာတ်ပုံရိုက်၊ လက်ဗွေနှိပ်ပြီးရင် (၁၀) ရက်မှ (၁၅) ရက်အတွင်း Passport ထုတ်ယူနိုင်ပါတယ်။

💡 အရေးကြီး သတိပေးချက်များ -
✅ ပွဲစားများ သတိထားပါ - QR Code ရဖို့အတွက် ငွေအဆမတန် တောင်းဆိုတဲ့ ပွဲစားတွေကို သတိထားပါ။ ဖြစ်နိုင်ရင် ကိုယ်တိုင် Website မှာ တိုကင်ယူပါ။
✅ အချက်အလက် စစ်ဆေးပါ - မိမိရဲ့ နာမည်စာလုံးပေါင်း၊ မွေးသက္ကရာဇ်တွေ မှတ်ပုံတင်နဲ့ ကိုက်ညီမှုရှိမရှိ သေချာစစ်ဆေးပါ။
✅ စာချုပ်စာတမ်း - PJ နဲ့သွားမယ့်သူတွေဟာ တရားဝင် အလုပ်အကိုင်စာချုပ် (Employment Contract) ရှိဖို့ အထူးလိုအပ်ပါတယ်။

ဘေးကင်းလုံခြုံတဲ့ ရွှေ့ပြောင်းသွားလာခြင်း (Safe Migration) ဖြစ်ဖို့ဆိုရင် တရားဝင် လမ်းကြောင်းကနေ သွားလာနိုင်ဖို့ အခုကတည်းက ပြင်ဆင်ကြပါစို့။

ယနေ့ မတ်လ ၈ ရက်နေ့တွင် ကျရောက်သော အပြည်ပြည်ဆိုင်ရာအမျိုးသမီးများနေ့ကို ကျွန်တော်တို့ Migrant Information Center မှ ကြိုဆိုဂုဏ်ပြုအပ်ပါတယ်ခင်ဗျာ။