PNH

្រភព_រដ្ឋបាលឃុំជំរះពេន ស្រុកសំរោង ខេត្តតាកែវ
រដ្ឋបាលឃុំជំរះពេន សូមជម្រាបជូនបងប្អូនប្រជាពលរដ្ឋនៅក្នុងមូលដ្ឋានឃុំជំរះពេន អោយបានជ្រាបថា នៅថ្ងៃទី 09-03-2026 ដល់ 13-03-2026 ក្នុងរយៈពេល 5ថ្ងៃនេះមន្រ្តីនៃអធិការដ្ឋាននគរបាលស្រុកសំរោងផែនអត្តសញ្ញាណកម្ម និងចុះថតអត្តសញ្ញាណជូនបងប្អូនប្រជាពលរដ្ឋ ដែលពុំមានអត្តសញ្ញាណប័ណ្ណសញ្ញាតិខ្មែរ អត្តសញ្ញាណហួសសុពលភាព ឬអត្តសញ្ញាណប័ណ្ណដែលមានសុពលភាពតិចជាង180ថ្ងៃ ៅទីតាំងវត្តបាលីចាស់។ ជាមួយគ្នានេះសូមបងប្អូនភ្ជាប់នូវឯកសារដូចខាងក្រោម÷

☆ចំពោះពលរដ្ឋមានអាយុ ១៥ឆ្នាំឡើង ហើយពុំមានអត្តសញ្ញាណប័ណ្ណសញ្ញាតិខ្មែរ ត្រូវមានឯកសារភ្ជាប់ចំនួន២គឺ៖

1 សេចក្តីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើត និង
2 សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ។

☆ចំពោះពលរដ្ឋមានអត្តសញ្ញាណប័ណ្ណផុតសុពលភាព ឬមានសុពលភាពតិចជាង ១៨០ថ្ងៃ ត្រូវមានឯកសារភ្ជាប់ដូចខាងក្រោម៖

1 អត្តសញ្ញាណប័ណ្ណសញ្ជាតិខ្មែរផុតសុពលភាព ឬមានសុពលភាពតិចជាង ១៨០ថ្ងៃ
2 ករណីផ្លាស់ប្ដូរអាសយដ្ឋាន ត្រូវភ្ជាប់ជាមួយនូវ សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ នៃទីលំនៅឋានថ្មី។

☆ចំពោះព្រះសង្ឃមានព្រះជន្ម ១៥ឆ្នាំឡើង ហើយពុំមានអត្តសញ្ញាណប័ណ្ណសញ្ញាតិខ្មែរ ត្រូវមានឯកសារភ្ជាប់ចំនួន៣គឺ៖

1 សេចក្តីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើត
2 ឯកសារសម្គាល់ការស្នាក់នៅ
3 ឆាយា ឬសង្ឃដីកា ឬសុទ្ធិបត្រ

☆ចំពោះព្រះសង្ឃមានអត្តសញ្ញាណប័ណ្ណផុតសុពលភាព ឬមានសុពលភាពតិចជាង ១៨០ថ្ងៃ ត្រូវមានឯកសារភ្ជាប់ដូចខាងក្រោម៖

1 អត្តសញ្ញាណប័ណ្ណសញ្ជាតិខ្មែរផុតសុពលភាព ឬមានសុពលភាពតិចជាង ១៨០ថ្ងៃ
2 សេចក្ដីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត
3 ឯកសារសម្គាល់ការស្នាក់នៅ
4 ឆាយា ឬសង្ឃដីកា ឬសុទ្ធិបត្រ

សូមព្រះអរគុណ និងអរគុណ!

https://m.facebook.com/story.php?story_fbid=755549673851471&id=100081893345336