Lucky Strike SHOP

من اصعب انواع الزعل .. انك تزعل وانت ساكت ومش بتدي اي ردة فعل ..
وغالبا ده بيكون زعل الناس الراقية الاصيلة ..
اللي مش بتحب تدخل في صدام ولا مشاكل ولا تلقيح كلام وتجريح ..مش اسلوبهم ولا طريقتهم ابدا..
عشان عارفين الاصول وبيراعوا العشرة .. وبيتعاملوا بأصلهم مش بأصل اللي قدامهم.
ف هتلاقيهم ساكتين وبيكتموا زعلهم جواهم و بياخدوا منك جنب او بيقرورا يسيبوا كل حاجه ويمشوا..
وخليك واثق انهم لو مشيوا فعلا مستحيل يرجعوا تاني.. مهما اعتذرت ومهما ندمت لانهم خلاص مابقوش مستنين منك حتى انك تراضيهم..
لأنهم ماوصلوش للمرحلة دي بالساهل ..و الاسباب كانت قوية اوي عليهم ..واخطاءك فاقت مقدرتهم على العفو.. يعني كل دي تراكمات مجتش من فراغ ولا من يوم وليلة ..
وغالباً بيكون نتيجة صدمة في شخص عمرهم ماكانوا يتوقعوا انه يعمل كده..
او نتيجة يَأس من العتاب والكلام و وصلوا لقناعة ان خلاص مفيش فايدة ..
او الاصعب من كده بقا لما يكون فاض بيهم و الدنيا اتقفلت معاهم وخلاص بقوا مش متقبلين ولا طايقين حتى يسمعوا اسم الشخص ده..
وللأسف و بنسبة كبيرة اوي هتكون خسرتهم للأبد ..