Alien Command tunisie

الشعب التونسي كيف خرج فرحان بإجراءات 25 جويلية، كان على خاطر يحب يتخلص من طبقة سياسية فاشلة، و يحارب الفساد، مش باش يكون Seif Eddine Makhlouf و الا Zagrouba Mehdi هوما الملاحقين قبل:
يوسف الشاهد اللي عندو قضية رفع تجميد أموال مروان المبروك،
لطفي علي مستكرش الحوض المنجمي،
سفيان طوبال اللي عندو قضية رشوة و ما عندوش قضية فساد،
سليم بن حميدان الفار إلى فرنسا بعد ما ورطنا في 3000 مليار، و كلفلنا كل عام حضارة بمليار،
وزير أملاك الدولة اللي عمل قائمة في أملاك الأجانب، و كيف ولى محامي صب فيهم قضايا تحيين،
و مديري الداخلية 301 المجمدين لكن يتمتعوا بإمتيازات خصائص وظيفية ماهمش يمارسوا فيها،
و الطيب راشد القاضي الملياردار،
و ضباط الديوانة المحالين على التقاعد الوجوبي اللي خرجو بثروات تقدر بالمليارات، و توا يدورو في شركات بالمليارات و حالينهم في البرط و تونس الكل تعرف،

سيف غلط سياسيا و يتحاسب سياسيا،
مهدي أرجل ما خرجت المحاماة، و اللي عملو يتقيم مهنيا، و لا يرتقي إلى محاسبته جزائيا عند قضاء العسكر.

ترتيب الأوليات، خير من تصفية الحسابات.