Atish Ananda Barne

“दादा... उद्या तुमची जयंती आहे, पण तुम्ही आमच्यात नाही... हे सत्य आजही मन स्वीकारायला तयार नाही.”

काळ पुढे सरकत आहे... दिवस, महिने उलटत आहेत... पण तुमच्या जाण्याने निर्माण झालेली पोकळी मात्र दिवसेंदिवस अधिकच जाणवत आहे. आजही सकाळचे सात वाजले की नकळत मन म्हणतं, “दादांचा फोन येईल... आज कोणत्या कामाची विचारपूस करतील?” पण लगेच वास्तव समोर उभं राहतं... आणि डोळे नकळत पाणावतात.

माझ्यासाठी अजितदादा पवार हे फक्त पक्षाचे नेते नव्हते. माझी ओळखच महाराष्ट्रात “अजितदादांचा निष्ठावंत कार्यकर्ता” अशी होती आणि आजही आहे. ही ओळख माझ्यासाठी कोणत्याही पदापेक्षा मोठा सन्मान आहे.

दादा म्हणजे निर्णयक्षमता... दादा म्हणजे विकास... दादा म्हणजे शब्दाला जागणारे नेतृत्व... आणि दादा म्हणजे कार्यकर्त्यांच्या पाठीशी खंबीरपणे उभा राहणारा आधारवड.

पिंपरी-चिंचवड शहराचा आजचा आधुनिक चेहरा घडविण्यामागे तुमची दूरदृष्टी, धाडसी निर्णय आणि विकासाची अखंड तळमळ होती. म्हणूनच तु