Lungmili Post
Share
This is an official page of Lungmili Post.
07/13/2026
KIA Ralbawi (Colonel) 1 Nih Nu 1 A Velh Ruang Le Tualchung Mi He Buainak An Ngeih Ruang Ah A Nawlngeihnak An Chuh Ṭhan
=========
𝐋𝐮𝐧𝐠𝐦𝐢𝐢𝐥𝐢 𝐏𝐨𝐬𝐭 | 𝐂𝐡𝐢𝐚𝐩𝐚 13 | 2026
Kachin ramkulh, Myanmar–Tuluk ramri, Lanse hmunram chung ah Kachin ralkap (KIO/KIA) nih ṭuanvo an pek mi KIA ralbawi Colonel Lahpai Ja Li Aung nih tualchung mi nu 1 a velh ruang le tualchung mi cheukhat he buaibainak an ngeih ruang ah a nawlngeihnak an chuh ṭhan kong, KIO/KIA Headquarters nih July 8 ah cathanh an chuah.
A liamcia 2025 k*m August thla ah khan KIA nih an laak mi Tsawlaw peng, Lanse khua ah nu 1 a velh ruang ah tualchung mi nih duhlonak an langhter hnawh mi KIA Battalion 51 Commander a si mi Colonel Lahpai Ja Li Awng cu tuk*m June thla dongh lai ah khan tualchung mi cheukhat le KIO zung i rianṭuantu cheukhat he buaibainak an ngeih ṭhan kong thawngpang a chuah hnu in KIO/KIA Headquarters nih a nawlngeihnak an chuh ṭhan hi a si, tiah Kachin thawng laaknak hrampi nih an chim.
"Atu cu cuka hmun i, a nawlngeihnak an chuh ṭhan cang i, amah ai-awh ah midang rian an pek lai. Hi hnu pinlei ah tualchung mi he buainak a ngeih ti nakhnga lo Center KIO/KIA nih nun an chimh bia a si," tiah Kachin thawng laaknak hrampi pakhat nih a chim.
Kachin ramkulh, Myanmar–Tuluk ramri, Lanse hmunram cu cuhlan ah SSPC ralkap kuttang Pyituhsit pawl nih an humhak mi a si i, a liamcia 2024 k*m dongh lai ah khan KIA nih tlamtling tein an rak laak khawh pin ah SSPC ralkap kuttang U Zahkung Ting Ying nih a hruai mi hna Pyituhsit pawl le SSPC ralkap fonh nih an uk mi ramri vialte zong an laak chih khawh. Cu hnu ah KIO/KIA nih nihin tiang pehzulh in ukhruainak an kalpi cuahmah, tiah theih a si.
Lungmili Post
!
Bangkok Khuapi Um Beer Le Rawl Dawr 1 Kangh Ruang Ah A Thi Mi 27 An Phan, Minung 63 Nih Hliamhma An Tuar I Minung 22 Cu An Hliamhma Fah Ca Ah Thinphang Ngai An Si
=========
𝐋𝐮𝐧𝐠𝐦𝐢𝐢𝐥𝐢 𝐏𝐨𝐬𝐭 | 𝐂𝐡𝐢𝐚𝐩𝐚 13 | 2026
Thailand ram, Bangkok khuapi, Lat Phrao motor lampi pawng um a min a thang ngai mi Bar le rawl dawr (Restaurant) pakhat a kangh ruang ah minung 27 an nunnak liam i minung 63 nih hliamhma an tuar kong, ṭuanvo ngeitu nih fehter in an chim.
Nizan July 12, zan suimilam 11:57 hrawng ah Lat Phrao motor lampi pawng i a um mi rawl dawr pakhat a kaang i a kangh ning a fah ca ah rawl dawr chung i a um mi pawl cu thinphang ngaiin an chuak hna, tiah theih a si.
"Atu tiang ah a nunnak liam mi minung 27 an a si cang i, minung 63 nih hliamhma an tuar ca ah siizung ah thlopbul cuahmah an si. Cu chung ah minung 22 hi an hliamhma a faak ngai i an nunnak caah thinphang ngai a si. Kaang-mei cu nihin July 13, zanlai suimilam 12:32 hrawng ah khan meithat phu nih an palh khawh. A thi mi hna le hliamtuar mi hna an min, an konglam cu pehzulh in hlathlainak kan tuah lio a si i, meikangh aa thawknak a ruang zong kan hlathlai cuahmah," tiah Thailand ram ṭuanvo ngeitu nih cun an chim.
Lungmili Post
Russia Ralkap Pakhat Seh Meithal A Kah Lio Ah A Meithal A Tlai Kho Ti Lo I Amah Tu Aa Hlonh
=========
𝐋𝐮𝐧𝐠𝐦𝐢𝐢𝐥𝐢 𝐏𝐨𝐬𝐭 | 𝐂𝐡𝐢𝐚𝐩𝐚 13 | 2026
Russia ralkap pakhat cu Russia ram nih an serchuah mi seh meithal pakhat a kah lio ah a kah mi seh meithal thazaang a tlai kho ti lo i amah tu a hlonh ca ah Russia ralkap pawl soisel an ton ngai kong, Russia thawng laaknak hrampi nih an chim.
"Ralhmai i a um mi Russia ralkap pawl hi raltuk an thiam lo ngai. Hihi vawlei cung ah a pahnihnak a thazaang a ṭhawng bik mi ralkap pawl cawlcangh ning cu a si tiin soisel an tong ngai," tiah Kyiv Post nih nizan July 12 ni ah a langhter nain zeitik ni le caan ah dah atu bantukin an i chuahsual hi a si ti mi kong, a thi mi le hliamtuar mi kong tu cu dikthliar in a langhter lo.
Atu hi Ukraine le Russia kar kahdohnak k*m 5 chung a si cang i, kahdohnak caan chung ah hin kaphnih in a thi mi le hliamtuar mi an tlawm ti lo, tiah theih a si.
Lungmili Post
Click here to claim your Sponsored Listing.
Category
Contact the business
Telephone
Website
Address
Boise, ID
83709
