FENG SHUI & BASI

ជូនតាមសំណើ ការបកស្រាយរាសីពិសេស

តារាងប៉ាជឺ (Bazi) របស់បុគ្គលម្នាក់ គ្មានធាតុបង្កើត (Resource) និង គ្មានគូធាតុ (Companion/Friend) នោះមានន័យថា ខ្លួនប្រាណ (Day Master) គឺស្ថិតក្នុងស្ថានភាព «ខ្សោយខ្លាំង» (Extremely Weak) ព្រោះគ្មានកម្លាំងមកជួយជំរុញ ឬគាំទ្រទាល់តែសោះ។

​នៅពេលតារាងសល់តែ ធាតុកូន (Output) ធាតុលាភ (Wealth) និងធាតុអំណាច (Influence/Officer) បែបនេះ វានឹងចូលទៅក្នុងទម្រង់រាសីពិសេសមួយ ដែលហៅក្នុងក្បួនប៉ាជឺថា «រាសីទន់ទោរតាម» ឬ «រាសីលះបង់ខ្លួនឯង» (Follow Structure / 従格 - Cong Ge)។

​«រដូវការបែបណា រាសីបែបនោះ» គឺសំខាន់បំផុតសម្រាប់ទម្រង់រាសីនេះ។ មានន័យថា ខ្លួនប្រាណមិនអាចប្រឆាំងនឹងឥទ្ធិពលនៃធាតុដែលខ្លាំងនៅក្នុងរដូវកាលនោះបានទេ គឺត្រូវតែ «បត់បែនទោរទន់ទៅតាមធាតុរដូវកាល» ទើបនាំមកនូវលាភសំណាង និងភាពមានបាន។

​ខាងក្រោមនេះជាការបែងចែកទម្រង់ «រដូវការបែបណា រាសីបែបនោះ» ទៅតាមធាតុដែលគ្រប់គ្រងក្នុងរដូវកាល៖

​១. រដូវកាលធាតុកូន (Follow Output / Follow Intelligence)÷ ​ប្រសិនបើកើតក្នុងរដូវកាល (ខែ) ដែលជំរុញ ធាតុកូន ខ្លាំង (ឧទាហរណ៍៖ ខ្លួនប្រាណធាតុឈើ កើតក្នុងខែធាតុភ្លើង)៖

១.១. ​លក្ខណៈរាសី៖ រាសីនេះត្រូវបត់បែនតាមធាតុកូន។ បុគ្គលនេះមានប្រាជ្ញាឈ្លាសវៃ មានគំនិតច្នៃប្រឌិតខ្ពស់ និងមានសមត្ថភាពពូកែខាងសិល្បៈ ឬការបញ្ចេញមតិ។

១.២. ​ធាតុនាំសំណាង (Lucky Elements)៖ គឺ ធាតុកូន ខ្លួនឯង និង ធាតុលាភ (ព្រោះកូនបង្កើតលាភ)។

១.៣. ​ធាតុឆុង (Unlucky Elements)៖ គឺ ធាតុបង្កើត និង គូធាតុ និងធាតុអំណាច ព្រោះវាមកប្រឆាំងនឹងលំហូរនៃធាតុកូន។

​២. រដូវកាលធាតុលាភ (Follow Wealth)
​ប្រសិនបើកើតក្នុងរដូវកាល (ខែ) ដែលជំរុញ ធាតុលាភ ខ្លាំង (ឧទាហរណ៍៖ ខ្លួនប្រាណធាតុទឹក កើតក្នុងខែធាតុភ្លើង)៖

២.១. ​លក្ខណៈរាសី៖ រាសីនេះត្រូវបត់បែនតាមធាតុលាភ។ បុគ្គលនេះមានខ្សែញាណខ្លាំងខាងរឿងលុយកាក់ ជំនួញ និងឱកាសរកស៊ី។ ងាយនឹងក្លាយជាសហគ្រិន ឬអ្នកជំនួញជោគជ័យ បើដើរតាមខ្សែទឹកជំនួញ។

២.២. ​ធាតុនាំសំណាង (Lucky Elements)៖ គឺ ធាតុលាភ ខ្លួនឯង និង ធាតុកូន (ជួយបង្កើតលាភ)។

២.៣. ​ធាតុឆុង (Unlucky Elements)៖ គឺ គូធាតុ (ព្រោះគូធាតុមករំលែក ឬដណ្តើមលាភ) ធាតុកកើត និងធាតុអំណាច ។

​៣. រដូវកាលធាតុអំណាច (Follow Power / Follow Officer)
​ប្រសិនបើកើតក្នុងរដូវកាល (ខែ) ដែលជំរុញ ធាតុអំណាច ខ្លាំង (ឧទាហរណ៍៖ ខ្លួនប្រាណធាតុភ្លើង កើតក្នុងខែធាតុទឹក)៖

៣.១. ​លក្ខណៈរាសី៖ រាសីនេះត្រូវបត់បែនតាមធាតុអំណាច។ បុគ្គលនេះស័ក្តិសមធ្វើការក្នុងជួររាជការ ក្រុមហ៊ុនធំៗ ឬមានតួនាទីជាអ្នកដឹកនាំ ព្រោះមានអំណាច និងឥទ្ធិពលខ្លាំងពីធម្មជាតិ។

៣.២. ​ធាតុនាំសំណាង (Lucky Elements)៖ គឺ ធាតុអំណាច ខ្លួនឯង និង ធាតុលាភ (ជួយទ្រទ្រង់អំណាច)។

៣.៣. ​ធាតុឆុង (Unlucky Elements)៖ គឺ ធាតុកូន (ព្រោះកូនមកវាយបំបាក់អំណាច) និង ធាតុបង្កើត (នាំឱ្យខូចទម្រង់រាសីពិសេស) និងគូរធាតុ។

FENG SHUI & BASI Fengshui and Bazi 2 Fengshui and Bazi4 Sem Nisa