JAYC TV

🇧🇮La du lac tanganyika exige impérativement le synérgie des partenaires divers.
__________________________________________
🗺 L’agence des nations unies UNOPS a organisé ce lundi le13 /mars/ 2026 une réunion à l’intention de ses partenaires régionaux pour une formation aux techniques en matière de la protection de l’eau du lac tanganyika et sa biodiversité .

La des activités de l’UNOPS Mme Jury Clara a dit qu’elle attend de cette réunion une mise en œuvre de la gestion des projets à la protection de l’eau du lac tanganyika de façon éfficace.

🎙NIKIZA Alexis ,Directeur chargé de la protection de l’environnement au sein du ministère de l’agriculture et environnement a indiqué que le projet à la du lac tanganyika ,vu sa pertinence, requiert la synergie des efforts des divers intervenants.

Notions qu’ UNOPS soutend les projets à la protection du lac et sa biodiversité et œuvre avec les quatre pays partenaires que sont le Burundi, la Tanzanie, la Zambie, la RDC .

: Abanyagihugu ba Mahande barasaba ko Ivuriro bubakiwe mu myaka 10 iheze ryokwugururwa.
______________________________________________
👉​CIBITOKE, 3 Ndamukiza 2026(JAYCTV) , Abanyagihugu bo ku mutumba Mahande, muri zone Ngoma, komine Cibitoke, intara ya bujumbura baridogera iteba ryo kwugurura Ivuriro (CDS) bubakiwe kuva mu mwaka wa 2015, ariko n’ubu rikaba riri hagati mu vyatsi.

🎙​Ababa kuwo mutumba bavuga ko Ivuriro rimwe gusa rikorera muri zone Ngoma riri kure cane ya Mahande. Bituma bamwe bafata urugendo rurerure baja muri zone Murwi, abandi nabo bakaja kw'Ivuriro rya Butega muri zone Buhindo, bakaba baca mu nzira yononekaye cane kandi igoye gucako.

🗣​Nk’uko abo banyagihugu babishikiriza, ukubura ivuriro riri hafi bibatera guhomba umwanya n’uburyo bwinshi bwo kwiyunguruza. Ikigeretseko, bituma indwara zunyuka kubera guteba gushika kwa muganga, ivyo bikaba bishobora no gushira ubuzima bwabo mu kaga.

🗣​Uburongozi bw’uwo mutumba burashigikiye ico cipfuzo. Wilson Mbonankira, arongoye umutumba Mahande, ashikiriza ko kubura ubuvuzi bwihuta bituma indwara zimwezimwe zirevya abenegihugu bigakwega ingorane zikomeye ndetse n’impfu.

Arangiza atera ​akamo ko kwugurura iyo nkingi y’amagara y’abantu yubatswe mu myaka icumi iheze ibifashijwemwo n’ikigega kijejwe iterambere rya makomine (FONIC).

🗣​Ku ruhande rwiwe, Martin Niyonkuru, arongoye zone Ngoma, amenyesha ko Ivuriro rya Mahande ari kirumara ku banyagihugu barenga 7.200 baba kuwo mutumba, na cane cane ku bakene n’abatishoboye. Avuga ko abo akenshi badashobora kuronka amafaranga y’urugendo (transport), bigatuma basinzikazwa n’indwara canke bakaja kurondera abapfumu n’ubundi buvuzi butazwi, ivyo navyo bikaba ari akaga gakomeye ku magara yabo.

: Abarongoye Amakomine ya Busoni na Kirundo bararonkejwe Inyigisho zizobafasha gutorera inyishu amatati y’amatongo.
____________________________________________
🎙​Ku wa gatatu, 1 Ndamukiza 2026, haratangijwe inyigisho z’imisi ibiri zigenewe abajejwe intwaro n’abanyamategeko bo mu makomine ya Busoni na Kirundo. Izi nyigisho zije gukomeza ubushobozi bw’abatwara amazone n’abahanuzi babo mu gutorera inyishu amatati y’amatongo mu buryo bwubahiriza amategeko.

☝️​Mu kwugurura uwo mubonano, Cyriaque NIKOYAGIZE, Umuhanuzi w'Intara ya Butanyerera, ajejwe ivy’amategeko n’inyifato ya politike yashimangiye ko ubu bumenyi ari inkingi ikomeye mu gushimangira amahoro n’ubumwe mu kibano, na cane cane mu gukumira amacakubiri akomoka ku matongo.

🪈Mwomenya ko ​Izi nyigisho zishigikiwe n’ishirahamwe ry’Abakenyezi b’Abanyamategeko mu Burundi (AFJB) hamwe na Cordaid, ku mfashanyo y’Ubumwe bwa Bulaya. Intumbero ni imwe: guteza imbere ubutungane bwegereye abanyagihugu bose, na cane cane abatishoboye

: Umukuru w’Igihugu yashize imbere ikibazo c’urugomero rwa Kajeke imbere y’Ibanki y’Isi
___________________________
🎙​Kuri uyu wa gatatu, igenekerezo rya 1 Ndamukiza 2026, Umukuru w’igihugu c’Uburundi, Evariste Ndayishimiye, yakiriye ku Kirimba kwa Ntare Rushatsi umushingantahe Tsutomu Yamamoto, Umuyobozi Mukuru w’ikigo MIGA (Multilateral Investment Guarantee Agency) kigize urunani rw’Ibanki y’Isi.

👉​Nk’uko bishikirizwa na Sébastien Ntahongendera, icegera c’umuvugizi w’Umukuru w’igihugu, uyu mubonano wari uremeshejwe n’ishaka ryo kwongereza imitahe n’ubufasha bw’ico kigo mu migambi y’iterambere mu Burundi.
​
​Mu biganiro bagiranye, Perezida Ndayishimiye ntiyariye umunwa ku bijanye n’ivyo igihugu gikeneye gushira imbere. Yashimangiye ko kwihutisha iyubakwa ry’urugomero rwa Kajeke ari inkingi ikomeye. Uru rugomero ruzofasha gutuma ikiyaya ca Rusizi kironka amazi akwiye yo kuvomera ibiterwa umwaka wose, bico uburimyi ntibusubire gutegera imvura gusa.

🗣​Uretse uburimyi, Umukuru w’igihugu yamenyesheje uwo mush*tsi ko n’amasoko ntanganguvu ari ikibazo gitegereje inyishu zihuse. Ati: "nta terambere rishoboka mu gihe igisata c’amasoko ntanganguvu kidateye imbere."
​
☝️​Uyu mubonano wari n’akaryo kadasanzwe kuri Tsutomu Yamamoto ko gukeza Perezida Ndayishimiye ku mabanga mashasha aheruka guhabwa yo kuyobora Umuryango w’Ubumwe bwa Afrika (UA).

: Abakenyerazi b’aba-Batwa barahawe inyigisho ku vy’amagara y’Irondoka.
___________________________________
👉​Ku murwa mukuru w’intara ya Butanyerera, kuri uyu wa 31 Ntwarante 2026,Ishirahamwe CARE International Burundi, ribifashijwemwo n'ubuserukizi bw’Ubuholandi (Ambassade des Pays-Bas), ryaratunganije inyigisho ku bijanye n’agateka mu vy’amagara y’irondoka zigenewe abakenyerazi b’aba-Batwa baturuka mu makomine yose y’iyo ntara.

​Ico gikorwa, cakozwe mu ntumbero yo guhimbaza Umusi Mpuzamakungu w’Abakenyerazi (8 Ntwarante), cari kigamije guha abo bakenyerazi ubumenyi ku bijanye n’:

1.​Itunganywa ry’imvyaro no kwirinda inda zitipfujwe .
2.​Ukwikingira indwara zifatira mu bihimba vy'irondoka.
3.​Kumenya agateka kabo kugira bashobore kwiteza imbere mu miriryango no mu kibano.

🎙​Cyriaque Nikoyagize, yaserukiye uburongozi bw'intara, yarashimiye CARE kuri uwo mugambi kuko ushira imbere abakenyerazi b’aba-Batwa bakunze gukumirwa. Yabasavye gushira mu ngiro ivyo bize kugira barwanye ubukene mu miriango yabo.

🗣​Mw’izina rya CARE International Burundi, Dr Ndimubansi Félicien yashimitse ko kumenya agateka n’uburinganire ari ryo shingiro ryo guhindura ingendo mu bantu.

​Mu gusozera, abo bakenyerazi bararonkejwe n’ibikoresho bitandukanye (impuzu, amasabuni, amatara, ibirato hamwe n'’amasogisi hamwe n’ibikoresho vy’isuku). Ico gikorwa cashigikiwe kandi n’ishirahamwe DKT.