NPP TEXAS

🎓 මගෙන් මහපොළට - මහපොළෙන් දරුවන්ට 🎓

✅මහපොළ ආදි ශිෂ්‍ය ජාලය නිල වශයෙන් ආරම්භ කිරීම...

🟨 දිනය සහ අනුග්‍රහය: 2026 මැයි 12 වන දින ගරු අග්‍රාමාත්‍ය ආචාර්ය හරිනි අමරසූරිය මහත්මියගේ ප්‍රධානත්වයෙන් නිල වෙබ් ද්වාරය (Web Portal) විවෘත කිරීමට නියමිතයි.

🟨 අරමුණ: මහපොළ ශිෂ්‍යත්වලාභීන් සහ විශ්වවිද්‍යාල උපාධිධාරීන් අතර වෘත්තීය සබඳතා ශක්තිමත් කිරීම, උපදේශකත්වය (Mentorship) ලබාදීම සහ අනාගත දරු පරපුර වෙනුවෙන් දායකත්වය ලබාදීම සඳහා වේදිකාවක් සැකසීම.

🟨 සාමාජිකත්වය: මෙය ප්‍රධාන කාණ්ඩ තුනකින් සමන්විත වේ:

🔹 සාමාන්‍ය සාමාජිකයන්: මහපොළ ශිෂ්‍යත්වය ලැබූවන්.

🔹 අනුබද්ධ සාමාජිකයන්: ශිෂ්‍යත්වය නොලැබූ නමුත් දේශීය විශ්වවිද්‍යාල උපාධිධාරීන්.

🔹 ගෞරව සාමාජිකයන්: උසස් අධ්‍යාපනයට හෝ ජාතික සංවර්ධනයට විශිෂ්ට සේවාවක් කළ පුද්ගලයන්.

✅ මහපොළ උසස් අධ්‍යාපන ශිෂ්‍යත්ව භාර අරමුදල (MHESTF)

🟨 ආරම්භය: දිවංගත ලලිත් ඇතුලත්මුදලි මහතාගේ සංකල්පයකට අනුව 1981 අංක 66 දරන පනත මගින් පිහිටුවන ලදී.

🟨 ප්‍රතිලාභීන්: 1981 සිට 2025 දක්වා සිසුන් 450,000 කට අධික පිරිසකට ශිෂ්‍යත්ව ලබා දී ඇති අතර, දැනට 80,000 කට ආසන්න පිරිසක් මාසික ශිෂ්‍යත්ව දීමනා ලබති.

🟨 පාලන ව්‍යුහය: විශ්‍රාමික ශ්‍රේෂ්ඨාධිකරණ විනිසුරුවරයෙකු හෝ විශ්‍රාමික විගණකාධිපතිවරයෙකුගේ සභාපතිත්වයෙන් යුත් භාරකාර මණ්ඩලයක් මගින් පාලනය වේ.

✅ වර්තමානයේ ලංකාවේ පවතින ශිෂ්‍යාධාර ලබා දෙනු ලබන විශාලතම භාර අරමුදල වේ.

🟨 විශ්වවිද්‍යාල සහ ආයතන: කොළඹ, පේරාදෙණිය ඇතුළු සියළුම රාජ්‍ය විශ්වවිද්‍යාල සහ උසස් තාක්ෂණික ආයතන ද මෙයට ඇතුළත් වේ.

🟨 විශ්ව විද්‍යාල සිසුන් හට මසකට රු. 10,000 ද උසස් තාක්ෂණික ආයතන සිසුන් හට රුපියල් 5,000 බැගින් ශිෂ්‍යාධාර ලබා දේ.

🟨 ශිෂ්‍යාධාර ලබන වෙනත් ආයතන: ශ්‍රී ලංකා නීති විද්‍යාලය, ශ්‍රී ලංකා භික්ෂු විශ්ව විද්‍යාලය බෞද්ධ හා පාලි විශ්ව විද්‍යාලය, ජාතික සමාජ සංවර්ධන ආයතනය සහ විවෘත විශ්ව විද්‍යාලය