M-Vision

Khazia nama chali saih thlâ?

Tahmâ la Mara Pasaihpha Pupa. Saihmô(L) thina chôchah liata Nochhi Mara NGO’s tawhta taokheina statement nata a zaopa ta khâpa Châ hmâ vaw hmô tlâh leipa nata no-ah ei tah hmeisei. Awnanopa lâta MEC local secretary a chakao haipa châta MTP liata Advisor a chakao ngâ haipa tlaihta atanoh taihta khâpa statement hmâ ama pâpua leipa he khâpa vâta maw? A chyhsa châna liata nama taokhei kho leipa chhao Râh kyh a pachâna nata a chakaona vâta taokhei awpa aphu hmeisei.

MCC-USA nata Râh hropa MCC chhao he thina chôchah liata reihkah thei awpa a y leipa he ngiachhie a chhie hmeisei. MCC-USA chhochhi ama former member pakha avaw châ chiepa a châ taraw bao. He tluhta Mara Râh châta thina taihta ngâchhih kawpa ta a duakhei tuhpa thina chôchah liata eima chali saih thlâha pa he paloh pasa achhi tuhaw. Mo pakha tah la eima paloh pasa zi nata taokhei zi eima roh khai , deikua Phupy tawhta taokheina Statement a y leipa he ei reih kho chaina a châ. He hawhpa thina daihti liata Statement nama tao lei khia khati nama tao bâ awh? A daihti lia la ahy chyhsa hmia hmô leipa ta Phupy châna tawhta paloh phao palâsa lyma awpa a phachai.

*Kei ei pahno pha leipa ta statement nama vaw tao khiata la pachâ thaina ei châ haw ei.

Tanoh Pachâna

Chyhsa hmia mopa vâta khotlyna dolei pa tao khah y. Na chhie nata pha pahnona hmâpa ta khotlyna dopa tao mah y.

Tanoh Pachâna

Nâ chhuahna râh na tlôh hlâ lei la, paloh chhâ leipa ta vaw tao hualua mah y. Rairuna nata tymâna he na chhuahna lathloh avaw pakhâ sa khah y.

Tanoh Pachâna

ABEIPA châta nohkha ta na daihti sopa khazie ma na hmâ tyh hra? He he a phapa ta vaw pachâpasia ha mah y.