Cam.VIP

«កម្ពុជាមិនមែនជាប្រទេសដែលត្រូវសុំការអនុញ្ញាតពីថៃ មុននឹងនិយាយការពិតនៅលើឆាកអន្តរជាតិនោះទេ»

ឈប់ឈ្លានពានកម្ពុជា ទើបកម្ពុជាឈប់និយាយ។

«ប្រទេសថៃឈ្លានពានកម្ពុជាទាំងកំរោល ថៃត្រូវតែទទួលខុសត្រូវចំពោះមុខច្បាប់អន្តរជាតិ»

ក្នុងនាមខ្ញុំជាប្រជាពលរដ្ឋម្នាក់ដែលរស់នៅតាមព្រំដែន ក៏ដូចជាប្រជាពលរដ្ឋរាប់រយគ្រួសារផ្សេងទៀត បច្ចុប្បន្នបានភៀសខ្លួន ហើយមិនអាចត្រឡប់ទៅផ្ទះវិញបានទេ ព្រោះដីធ្លី និងផ្ទះសម្បែងរបស់ពួកយើងត្រូវបានយោធាថៃព័ទ្ធជុំវិញ និងយកគ្រប់គ្រង។ ផ្ទះសម្បែងរបស់ពួកយើងត្រូវបានបំផ្លាញស្ទើរតែអស់ ហើយអ្វីដែលអាចមើលឃើញគឺមានតែ «ទូកុងតឺន័រ និងបន្លាលួស» ដែលប្រទេសថៃបានប្រើកម្លាំងយោធាដើម្បីព័ទ្ធយក ដោយគ្មានភាពអៀនខ្មាស់ មិនគោរពច្បាប់ និងមិនគោរពប្រទេសជិតខាងឡើយ។

😭 ខ្ញុំជាពលរដ្ឋម្នាក់ ពិតជាមានការឈឺចាប់ណាស់ ដែលឃើញមេដឹកនាំប្រទេសថៃនិយាយលើឆាកអន្តរជាតិ ដូចមិនដឹងមិនឮពីសកម្មភាពរបស់ខ្លួន។ មាត់និយាយផ្សេង ប៉ុន្តែសកម្មភាពជាក់ស្តែងខុសពីការនិយាយ។

លោក Sihasak Phuangketkeow ក្នុងការព្រមានកម្ពុជាឱ្យ “បញ្ឈប់ការប្រើវេទិកាអន្តរជាតិដើម្បីវាយប្រហារថៃ” មិនត្រឹមតែបង្ហាញពីភាពក្រអឺតក្រទមផ្នែកការទូតប៉ុណ្ណោះទេ ប៉ុន្តែថែមទាំងបង្ហាញពីការមិនគោរពសិទ្ធិអធិបតេយ្យរបស់ប្រទេសជិតខាងមួយ ដែលមានសិទ្ធិស្មើគ្នាក្នុងសហគមន៍អន្តរជាតិ។

កម្ពុជា ជារដ្ឋអធិបតេយ្យ មិនមែនស្ថិតនៅក្រោមអាណានិគមរបស់ថៃឡើយ។ កម្ពុជាមានសិទ្ធិពេញលេញក្នុងការលើកឡើងពីបញ្ហាដែលប៉ះពាល់ដល់បូរណភាពទឹកដី សន្តិសុខជាតិ និងសេចក្ដីថ្លៃថ្នូររបស់ខ្លួន នៅលើវេទិកាអន្តរជាតិណាមួយ រួមទាំងអង្គការសហប្រជាជាតិ។ ប្រសិនបើថៃគ្មានអ្វីត្រូវលាក់បាំង ហេតុអ្វីបានជាខ្លាចការលើកឡើងនៅកម្រិតអន្តរជាតិ?

យើងគ្រប់គ្នានៅទីនេះ បានជួបហេតុការណ៍នេះផ្ទាល់។ យើងទាំងអស់គ្នាចងចាំជាប្រវត្តិសាស្ត្រ រាល់ទង្វើរបស់យោធាថៃ មេដឹកនាំថៃ និងប្រជាជនថៃ ដែលបានធ្វើមកលើពួកយើងជាប្រជាជនស្លូតត្រង់។
សកម្មភាពទាំងអស់ត្រូវតែកត់ត្រា ត្រូវតែចងចាំជានិច្ច រាល់ទង្វើដ៏ឃោរឃៅរបស់យោធាថៃ។