Human Rights Watch Cambodia

រដ្ឋាភិបាលថៃ មិនគួរបញ្ជូនជនជាតិចិនជាអ្នកប្រឆាំង ដែលកំពុងត្រូវបានឃុំខ្លួន ឱ្យត្រឡប់ទៅប្រទេសចិនវិញដោយបង្ខិតបង្ខំនោះទេ នេះបើតាមអង្គការឃ្លាំមើលសិទ្ធិមនុស្ស (Human Rights Watch) ។ យ៉ាងហោចណាស់ មានជនជាតិចិនដែលជាអ្នកប្រឆាំងចំនួនបួននាក់ កំពុងត្រូវបានឃុំខ្លួននៅមជ្ឈមណ្ឌលឃុំខ្លួនជនអន្តោប្រវេសន៍ សួនភ្លូ (Suan Phlu Immigration Detention Center) ក្នុងទីក្រុងបាងកក ដោយប្រឈមនឹងហានិភ័យនៃការបណ្តេញចេញទៅប្រទេសចិនវិញ ។ រដ្ឋាភិបាលចិន បានបង្កើនការដាក់សម្ពាធលើអាជ្ញាធរថៃកាន់តែខ្លាំងឡើងៗ មុនដំណើរទស្សនកិច្ចផ្លូវការរបស់នាយករដ្ឋមន្ត្រីថៃ លោក អានុទីន ចាន់វីរ៉ាគុល (Anutin Charnvirakul) ទៅកាន់ប្រទេសចិន ដែលបានគ្រោងធ្វើឡើងចាប់ពីថ្ងៃទី១៦ ដល់ថ្ងៃទី២០ ខែកក្កដា ឆ្នាំ២០២៦ ។

លោក ស៊ុនណៃ ផាសុក (Sunai Phasuk) ទីប្រឹក្សាជាន់ខ្ពស់ទទួលបន្ទុកប្រទេសថៃ នៃអង្គការឃ្លាំមើលសិទ្ធិមនុស្ស បានមានប្រសាសន៍ថា៖ “រដ្ឋាភិបាលថៃដែលបានឡើងកាន់អំណាចជាបន្តបន្ទាប់បានយល់ថា ការមិនអើពើចំពោះកាតព្វកិច្ចអន្តរជាតិរបស់ប្រទេសខ្លួន គឺជារឿងងាយស្រួល ដើម្បីផ្គាប់ចិត្តទីក្រុងប៉េកាំង” ។ លោកបានបន្ថែមថា៖ “ប្រទេសថៃកំពុងធ្វើឱ្យកេរ្តិ៍ឈ្មោះរបស់ខ្លួនរងការខូចខាត តាមរយៈការអនុវត្តតាមសំណើរបស់រដ្ឋាភិបាលចិន ក្នុងការបណ្តេញចេញដោយខុសច្បាប់នូវជនជាតិចិនដែលជាអ្នកប្រឆាំង ជំនួសឱ្យការអនុញ្ញាតឱ្យពួកគេធ្វើដំណើរទៅកាន់ប្រទេសទីបីដែលមានសុវត្ថិភាព ។ រដ្ឋាភិបាលនានាដែលយកចិត្តទុកដាក់ចំពោះបញ្ហានេះ គួរតែជំរុញឱ្យអាជ្ញាធរថៃការពារសិទ្ធិរបស់អ្នកដែលកំពុងស្វែងរកសុវត្ថិភាពនៅក្នុងប្រទេសថៃ ជាជាងការបញ្ជូនអ្នកប្រឆាំងទាំងនោះត្រឡប់ទៅប្រទេសចិនវិញ ជាទីដែលពួកគេប្រឈមនឹងហានិភ័យនៃគ្រោះថ្នាក់” ។

សម្រាប់ព័ត៌មានបន្ថែម សូមចូលទៅកាន់៖

Thailand: Don’t Forcibly Return Chinese Dissidents The Thai government should not forcibly return detained Chinese dissidents to China.

ប្រទេសកម្ពុជា៖ ការបង្ខំឱ្យសារភាព បំបិទសំឡេងសកម្មជន និងបក្សប្រឆាំង

បទចោទប្រឌិត និងការចោទប្រកាន់ដោយបំពាន ជំរុញឱ្យមានការចុះចូលជាមួយគណបក្សកាន់អំណាច

អង្គការឃ្លាំមើលសិទ្ធិមនុស្ស (Human Rights Watch) បានលើកឡើងនៅថ្ងៃនេះថា រាជរដ្ឋាភិបាលកម្ពុជា កំពុងប្រើប្រាស់ជាប្រព័ន្ធនូវការបង្ខិតបង្ខំ និងផ្សព្វផ្សាយជាសាធារណៈអំពីការសារភាពកំហុសរបស់សមាជិក និងសកម្មជនគណបក្សប្រឆាំងដែលត្រូវបានឃុំខ្លួន ដើម្បីធ្វើឱ្យប៉ះពាល់ដល់ជំហរនយោបាយរបស់ពួកគេ ។ ការប្រព្រឹត្តិមិនគប្បីនេះ គឺស្ថិតក្នុងបរិបទនៃយុទ្ធនាការក្នុងរយៈពេលជាងមួយទសវត្សរ៍ចុងក្រោយរបស់រដ្ឋាភិបាល ប្រឆាំងនឹងគូប្រជែងនយោបាយ ដោយមានការគាំទ្រពីប្រព័ន្ធតុលាការដែលស្ថិតក្រោមការគ្រប់គ្រងរបស់រដ្ឋាភិបាល និងប្រព័ន្ធផ្សព្វផ្សាយដែលគាំទ្ររដ្ឋាភិបាល ។

នៅក្នុងរយៈពេលប៉ុន្មានឆ្នាំចុងក្រោយនេះ អាជ្ញាធរកម្ពុជា បានដាក់បណ្ដឹងព្រហ្មទណ្ឌដោយគ្មានមូលដ្ឋានជាញឹកញាប់ទៅលើសមាជិក និងសកម្មជនគណបក្សប្រឆាំង ដើម្បីដាក់សម្ពាធពួកគេឱ្យធ្វើការសុំទោសជាសាធារណៈ និងចូលរួមជីវភាពនយោបាយជាមួយគណបក្សប្រជាជនកម្ពុជា (CPP) ជាថ្នូរនឹងការដោះលែងពីការឃុំខ្លួន ។ ប្រព័ន្ធផ្សព្វផ្សាយដែលគាំទ្ររដ្ឋាភិបាល បានផ្សព្វផ្សាយជាប្រចាំនូវវីដេអូ ឬសេចក្ដីថ្លែងការណ៍នៃការសារភាពក្រោមការបង្ខិតបង្ខំទាំងនោះ ដើម្បីបង្ខូចកេរ្តិ៍ឈ្មោះរបស់ពួកគេ ។

លោកស្រី Bryony Lau នាយករងទទួលបន្ទុកតំបន់អាស៊ីនៃអង្គការឃ្លាំមើលសិទ្ធិមនុស្ស (HRW) បានមានប្រសាសន៍ថា “គណបក្សកាន់អំណាចនៅកម្ពុជា ប្រើប្រាស់បទចោទព្រហ្មទណ្ឌដែលគ្មានហេតុផលសមរម្យ ដើម្បីគំរាមកំហែងសកម្មជននយោបាយ ហើយបន្ទាប់មកបង្ខំពួកគេឱ្យសារភាពកំហុសចំពោះបទល្មើសដែលមិនបានប្រព្រឹត្ត ដើម្បីទទួលបានការដោះលែងឱ្យមានសេរីភាពវិញ” ។ លោកស្រីបានបន្ថែមទៀតថា “តាមរយៈការបង្ខិតបង្ខំសកម្មជនទាំងនេះឱ្យចូលរួមជីវភាពនយោបាយជាមួយគណបក្សប្រជាជនកម្ពុជា អាជ្ញាធរមានគោលបំណងបង្ខូចកេរ្តិ៍ឈ្មោះរបស់ពួកគេ និងពង្រឹងអំណាចគ្រប់គ្រងបែបឯកបក្សឱ្យកាន់តែរឹងមាំថែមទៀត ។

អង្គការឃ្លាំមើលសិទ្ធិមនុស្ស អំពាវនាវឱ្យ រាជរដ្ឋាភិបាលកម្ពុជា ទម្លាក់ចោលបទចោទដែលមានចេតនានយោបាយ លុបចោលការផ្ដន្ទាទោសដែលអយុត្តិធម៌ ព្រមទាំងដោះលែងជាបន្ទាន់ និងដោយគ្មានលក្ខខណ្ឌ ចំពោះសកម្មជន និងអ្នកនយោបាយប្រឆាំងដែលត្រូវបានឃុំខ្លួនដោយខុសច្បាប់ ។

លោកស្រី Lau បានមានប្រសាសន៍ថា “ការបង្ខិតបង្ខំឱ្យសារភាពកំហុសរបស់អាជ្ញាធរកម្ពុជាអស់រយៈពេលជាច្រើនឆ្នាំមកនេះ បានធ្វើឱ្យសិទ្ធិទទួលបានការជំនុំជម្រះក្ដីដោយយុត្តិធម៌ និងសេរីភាពនយោបាយនៅក្នុងប្រទេស ក្លាយជារឿងគួរឱ្យអស់សំណើច” ។ លោកស្រីបន្ថែមថា “ប្រសិនបើការសារភាពកំហុសដែលត្រូវបានរៀបចំឡើងសម្រាប់ផ្សាយតាមប្រព័ន្ធផ្សព្វផ្សាយរដ្ឋទាំងនេះនៅតែបន្ត នោះគ្មាននរណាម្នាក់នៅកម្ពុជា ឬនៅក្រៅប្រទេស យកចិត្តទុកដាក់ចំពោះការបោះឆ្នោតឃុំ សង្កាត់ឆ្នាំ២០២៧ ឬការបោះឆ្នោតថ្នាក់ជាតិនៅឆ្នាំ២០២៨ ឡើយ” ។

ប្រទេសកម្ពុជា៖ ការបង្ខំឱ្យសារភាព បំបិទសំឡេងសកម្មជន និងបក្សប្រឆាំង អង្គការឃ្លាំមើលសិទ្ធិមនុស្ស (Human Rights Watch) បានលើកឡើងនៅថ្ងៃនេះថា រាជរដ្ឋាភិបាលកម្ពុជា កំពុងប្រើប្រាស់ជាប្រព័ន្ធ...

On April 30, 2026, the Phnom Penh Court of Appeal upheld the politically motivated conviction of the Cambodian political opposition leader Kem Sokha.

The court extended Sokha’s de-facto house arrest and 27-year sentence that had been imposed in March 2023 and added an additional five-year ban on international travel. Cambodian authorities should immediately quash the conviction and release Sokha from custody.

Read more here:

Cambodia: Opposition Leader’s Appeal Denied Hold