Humara Pakistan

فالواپ رپورٹ | ایم-5 موٹروے

موٹروے ایم-5 پر ہائی ٹرانسمیشن لائنز گرنے کے واقعے کے بعد ٹریفک بحالی کی کارروائی مکمل کر لی گئی ہے۔

موٹروے پولیس، میپکو اور پولیس کی مشترکہ کوششوں سے تمام تر ٹریفک بحال کر دی گئی ہے اور موٹروے پر آمدورفت معمول کے مطابق جاری ہے۔

موٹروے پولیس کی جانب سے صورتحال پر مسلسل نگرانی جاری ہے تاکہ ٹریفک کی روانی اور مسافروں کی حفاظت کو یقینی بنایا جا سکے۔

جعلی نمبر پلیٹ صرف قانون شکنی نہیں، جرم کو بھی چھپاتی ہے!

لاہور ٹریفک پولیس کا بڑا کریک ڈاؤن جاری، پہلے ہی روز 1323 گاڑیوں اور موٹرسائیکلوں کے خلاف کارروائی۔

فینسی نمبر پلیٹس
جعلی نمبر پلیٹس
غیر نمونہ نمبر پلیٹس
شناخت چھپانے والے عناصر

قانون سب کے لیے برابر ہے۔ اپنی گاڑی پر صرف منظور شدہ نمبر پلیٹ لگائیں اور ذمہ دار شہری ہونے کا ثبوت دیں۔

موٹروے کی حفاظت، سب کی ذمہ داری

عیدالاضحیٰ کے دوران بعض افراد نے جانوروں کی غیر قانونی نقل و حمل کے لیے موٹروے M-4 پر موجود حفاظتی باڑ کو نقصان پہنچا کر ایک غیر قانونی انٹری/ایگزٹ پوائنٹ دوبارہ کھول دیا۔

موٹروے پولیس ایم سی-II زون، ملتان نے فوری کارروائی کرتے ہوئے چنیوٹ روڈ کے قریب 287 شمالی (NB) پر قائم اس غیر قانونی راستے کو دوبارہ مکمل طور پر بند کر دیا۔ اس مقصد کے لیے مٹی کے بڑے ڈھیر لگائے گئے اور گہری خندقیں کھودی گئیں تاکہ کسی بھی قسم کی غیر قانونی آمدورفت کو روکا جا سکے۔

اس مقام پر حفاظتی باڑ کی دوبارہ تنصیب اور مزید حفاظتی اقدامات کے لیے معاملہ نیشنل ہائی وے اتھارٹی (NHA) کو بھی آگاہ کر دیا گیا ہے۔

موٹروے پر غیر قانونی انٹری اور ایگزٹ نہ صرف ٹریفک قوانین کی خلاف ورزی ہے بلکہ قیمتی انسانی جانوں کے لیے بھی سنگین خطرہ بن سکتی ہے۔ شہریوں سے گزارش ہے کہ صرف مقررہ انٹرچینجز استعمال کریں اور قومی شاہراہوں کے محفوظ استعمال میں اپنا کردار ادا کریں۔

قانون کی پاسداری، محفوظ سفر کی ضمانت ہے۔

وہاب... ماں باپ کا اکلوتا بیٹا...
عید منانے اپنے آبائی گاؤں گیا تھا۔ خوشیوں بھرا موسم تھا۔ قربانی کی، رشتہ داروں سے ملا، دوستوں کے ساتھ وقت گزارا۔ گھر والوں کی محبت اور اپنائیت میں عید کے دن پلک جھپکتے گزر گئے۔
پھر واپسی کا وقت آ گیا۔
وہاب نے گاڑی کا رخ شہر کی طرف موڑ لیا۔ مسلسل مصروفیات، ملاقاتیں اور سفر نے اسے بری طرح تھکا دیا تھا۔ آنکھوں میں نیند تھی مگر دل میں جلد منزل تک پہنچنے کی خواہش۔
موٹروے پر گاڑی رواں تھی، لیکن تھکاوٹ اب غالب آ چکی تھی۔ پلکیں بوجھل ہو رہی تھیں۔ چند لمحوں کے لیے آنکھ لگی...
اور یہی چند لمحے زندگی اور موت کے درمیان فاصلہ بن سکتے تھے۔
اچانک پیچھے سے موٹروے پولیس کی گاڑی کا ہوٹر سنائی دیا۔
وہاب گھبرا گیا۔ گاڑی سائیڈ پر روکی۔ موٹروے پولیس کے ایک خوش اخلاق افسر نے مسکراتے ہوئے کہا:
"بھائی، آپ کی ڈرائیونگ بتا رہی ہے کہ آپ شدید تھکے ہوئے ہیں۔ ابھی چند لمحے پہلے آپ کی گاڑی خطرناک حادثے کا شکار ہو سکتی تھی۔"
وہاب خاموش ہو گیا۔ اسے احساس ہوا کہ واقعی نیند اس پر حاوی تھی۔
افسر نے اسے قریبی سروس ایریا میں Power Nap لینے کا مشورہ دیا۔ کچھ دیر آرام کروایا، کافی پلائی اور تازہ دم ہونے کا موقع دیا۔
چند منٹ بعد جب وہاب نے دوبارہ سفر شروع کیا تو اس کے چہرے پر سکون تھا۔
اس دن وہاب صرف اپنی منزل تک نہیں پہنچا تھا، بلکہ ایک ممکنہ المیے سے بھی بچ گیا تھا۔
عید کی واپسی پر یاد رکھیں: نیند کی حالت میں ڈرائیونگ ہرگز نہ کریں۔
تھکاوٹ محسوس ہو تو فوراً وقفہ لیں۔
15 سے 20 منٹ کا Power Nap آپ کی جان بچا سکتا ہے۔
موٹروے پولیس آپ کی حفاظت کے لیے ہر وقت موجود ہے۔
منزل سے زیادہ اہم آپ کی زندگی ہے۔
تھکاوٹ میں نہیں، تازگی کے ساتھ سفر کریں۔