Expose Corruption

بی وائی سی آرگنائزر ڈاکٹر ماہ رنگ بلوچ کا پیغام!

بلوچ یکجہتی کمیٹی کے کاروان کو پورے بلوچستان میں ہر جگہ روکا جا رہا ہے۔ ریاست اپنی پوری طاقت اور پوری مشینری بلوچ راجی مُچی کے خلاف استعمال کر رہی ہے۔ ریاست پرامن اور نہتے عوام پر طاقت کا استعمال کرکے بلوچ عوام کے سامنے اپنی بدترین شکست کا اعتراف کر رہی ہے۔

میں بلوچ قوم سے اپیل کرتی ہوں کہ جہاں جہاں بلوچ راجی مُچی کے کاروان کو روکا جا رہا ہے، وہاں پر امن طریقے سے دھرنا دے کر پورے بلوچستان کو بند کریں۔ ہم اس بربریت کے خلاف غیر معینہ مدت کے لیے پورے بلوچستان کو بند کریں گے۔

آج مستونگ میں قافلے پر حملہ، متعدد بلوچ نوجوانوں کو زخمی کرنا، اور دیگر علاقوں میں گرفتاریاں اور تشدد کے تمام واقعات کی ذمہ داری ریاست پر عائد ہوتی ہے اور ہم ریاست کے ان تمام واقعات کا حساب لیں گے۔

میں انسانی حقوق کی تنظیموں سے اپیل کرتی ہوں کہ وہ فوری طور پر بلوچستان میں ریاستی بربریت کا نوٹس لیں۔

*بلوچستان کے مختلف اضلاع سے لیویز اور پولیس کی نفری گوادر روانہ ،بلوچ راجی مچی کیخلاف کریک ڈاﺅن کا امکان، گوادر جانیوالے تمام راستے بند۔*

*گوادر / 28 جولائی کو گوادر میں بلوچ یکجہتی کمیٹی کی جانب سے بلوچ راجی مچی کیخلاف کریک ڈاﺅن کرنے کا امکان۔*

*واضح رہے کہ فورسز کی جانب سے گوادر کے تمام داخلی راستوں پر رکاوٹیں کھڑی کردی گئیں، مکران کوسٹل ہائی وے پر 600 سے زائد نفری تعینات، ایک سو کے قریب خواتین پولیس اہلکار شامل بھی ہیں۔*

*سی پیک ایم ایٹ گوادر ٹو تربت روڈ پر جگہ جگہ رکاوٹیں کھڑی کردی گئیں، عینی شاہدین نے بتایا کہ سی پیک روڈ پر کھدائی کا کام بھی شروع کردیا گیا ہے تاکہ کوئٹہ سے آنے والی ٹریفک کو روکا جاسکے۔*

*جبکہ اورماڑہ اور پسنی زیروپوائنٹ پر بھی بڑی تعداد میں فورسز کے اہلکار تعینات کیے گئے ہیں، مکران بھر میں موبائل انٹرنیٹ اور پی ٹی سی ایل نیٹ کو مکمل طور پر بند کردیا گیا ہے۔*

*ساکران: سمی دین بلوچ، ماہ زہب بلوچ، عباس رخشانی، عارف بلوچ سمیت بلوچ یکجہتی کمیٹی کے 16 نامزد کارکناں و دیگر نامعلوم افراد کے خلاف ایف آئی آر میں تعزیرات پاکستان کی دفعات 149, 147 , 124A, 123A کے تحت ریاست کے خلاف مبینہ بغاوت پر اکسانا کا مقدمہ پولیس تھانہ ساکران میں درج*

ہدایت نامہ برائے سفر
بلوچ راجی راجی

1. تمام قافلے بلوچ یکجہتی کمیٹی کے مرکز کی جانب سے فراہم کردہ روٹ شیڈول پر عمل کریں۔ ہر علاقے کے قافلے میں بلوچ یکجہتی کمیٹی کے رابطہ کمیٹی کے ذمہ دار شامل ہوں گے۔ ذمہ داران کی اجازت کے بغیر کسی بھی شخص کو روٹ شیڈول میں تبدیلی، اسٹاف میں تبدیلی یا پلان میں کسی بھی قسم کی تبدیلی کا اختیار نہیں ہوگا۔
2. راجی مچی کے لیے آنے والے تمام افراد اپنے ساتھ تمام ضروری سامان جیسا کہ پانی کی بوتل، کھانے کے خشک کے سامان بسکٹ ، چپس وغیرہ ، چادر، Mospelلوشن اپنے ساتھ لازمی رکھیں۔ اس کے علاوہ کوشش کریں ہر شخص ا ایک مچھر دانی بھی اپنے ساتھ لے آئے۔
3. سفر کے دوران کسی بھی قسم کے مسائل پیدا ہونے کی صورت میں صرف رابطہ کمیٹی کے ذمہ داران ہی مسائل کو دیکھیں گے۔
4. قافلے میں شامل تمام گاڑیاں اور موٹر سائیکل ایک دوسرے کے بیک ٹو بیک ہوں گی، کوئی بھی گاڑی قافلے سے الگ نہیں ہوگی۔
5. قافلے کی تمام گاڑیاں کسی بھی صورت تیز رفتاری نہیں کریں گی، زیادہ سے زیادہ رفتار 80 ہوگی۔
6. نعرے لگانے کے لیے مخصوص لوگوں کو ذمہ داری دی جائے گی اور ان کے پاس نعروں کی فہرست موجود ہوگی، ان کے بغیر کسی بھی شخص کو نعرے لگانے کی اجازت نہ ہوگی
7 راجی مچی میں کسی بھی پارٹی یا تنظیم کے جھنڈے لہرانے کی اجازت نہیں لہذا اپنے ساتھ کسی بھی قسم کا جھنڈا نہ لائیں