School.life.vine

Taʼlim muassasalarida sumalak sayli

⚡️ Oʻzbek xalqi azal-azaldan mehr-muruvvat atalmish buyuk qadriyatni qadrlaydigan, eʼzozlaydigan insoniy xislatlar egasidir. Navroʻzi olam ham ushbu qadriyatlar, qolaversa milliy anʼanalarimizni oʻzida aks ettiradigan qadimiy bayramlarimizdan sanaladi.

📌Navroʻz bayrami arafasida Olmaliq shahar Xalq taʼlimi boʻlimi tasarrufidagi barcha umumtaʼlim maktablarida ham milliy qadriyatlarimiz yoʻgʻrilgan tadbirlar boshlab yuborildi. Koʻkalamzorlashtirish, obodonlashtirish ishlari, maktablarda sumalak sayillari tashkillashtirilmoqda.

✅ Jumladan, kuni kecha shahar Xalq taʼlimi boʻlimida oʻzaro birdamlik, ahillik bilan bahor taomi - sumalak tayyorlandi. Sumalak saylida shahar hokimi oʻrinbosarlari Sh.Begimov, S.Ahmedov ham ishtirok etishdi. “Barkamol avlod” markazi doirachi oʻquvchilari bayramga alohida shukuh bagʻishlashdi.

Kanalga ulanish ⤵️

#

27 fevral kuni Olmaliq shahar 80-sonli kar va zaif esh*tuvchi bolalar uchun ixtisoslashtirilgan maktab internatida 10-11 sinf o‘quvchilari bilan "Deputat va yoshlar" uchrashuvi tashkil etildi. Uchrashuvda Olmaliq shahar Xalq deputatlari Kengashi deputati Larionov Sergey Vladimirovichning yordamchisi va ishonchli vakili Abdiyev Azamat Shuxratovich, deputatlar Zafar Adilov, O,'lmasova Matluba Ikramovnalar ishtirok etdilar.
Deputatlar dastlab o‘zlarining ish faoliyatlari haqida batafsil ma'lumot berib, yurtimizda olib borilayotgan islohotlar, yoshlarga berilayotgan imkoniyatlar haqida to‘xtaldi.
Maktab bitiruvchilari o‘zlarini qiziqtirgan savollarga javob oldilar. Suhbat juda qiziqarli, jonli o‘tdi. Aynan mana shu maktab o‘quvchilari egallashlari mumkin bo‘lgan kasblar haqida savol-javoblar o‘tkazilib, kelgusida hamkorlikda qilinadigan ishlar kelishib olindi.

Uchrashuv so‘nggida shahar kengashi deputatlari faol qatnashgan o‘quvchilarga maktab o‘quv qurollari hamda badiiy kitoblar tuhfa etdilar.